معلش انا عندى سؤال ليكم انا عايزة اعمل الكروشية بس انا معرفش اى حاجة فية بس بجد نفسى اوى اتعلمة انا والدتى رحمها الله كانت بتعرف بس عشان كدة عايزة اتعلمة السؤال بقى اشترى الابرة اسمها اية و هل ليها رقم و لا لأ و الخيط لية اسم معين و درجة رفع معينة و لا عادى اى حاجة و هل الكروشية لية باترون معلش على الغباء انا هنزل اشترى الحاجة دى انهردة ان شاء الله معلش بعد اذنكم ردوا عليا و شكرا على مجهودكم الرائع بجد ماشاء الله عليكم ربنا يكرمكم

حبيبتى
الكروشيه ليه باترون طبعا والتريكو كمان
وبالنسبه للابر ليها ارقام فى الاتنين بس ابره الكروشيه ابره واحده والتريكو ابرتين طوال
ومقاسات الابر فى الحالتين بتختلف باختلاف الخيط وسمكه كل لما الخيط يبقى سميك مقاس الابره بيكبر
واما الخيوط فى انواع كتيييييير فى قطن وصوف وحرير وحاجات كتير تانيه
اما الشغل بقى فيه دوره كانت عملها ام عزوز
وحظك حلووووووو عشان ام مى عامله دوره دلوقتى للمبتدئات تابعى معاها هتستفادى ان شاء الله
بس انا مش عارفه انزل الرابط هتلاقيه فى اول صفحه فوق
واهلا بيكىىىىىىىىىىىىىى و يالا اتعلمى عشان تورينا الشطاره

اهلا بيكي معانا في المنتدي

نورتينا
http://www.lakii.com/vb/showthread.php?t=282067

ده رابط لدوره الكروشيه

واي سوال محدش هيتاخر عنك

انا متشكرة اوى على الرد و ان شاء الله هبدأ ف الدورة الجديدة بس كنت عايزة اعرف اية احسن خيط بيبقى كويس ف الشغل انا عايزة اعمل بلوزات و شنط و معلش ياريت رقم الابرة كمان انا نزلت انهردة بس لقيت المحل قفل ف ان شاء الله بكرةو شكرا ليكم مرة تانية

اهلا بيك معانا
بالنسبة للابر احسن ابرة تبتدى بيها هى رقم صفر استانليس ودى متوفرة وبيمشى معاها خيوط كتير
الابر الاستانليس بتبتدى من صفر الى 10 ورقم صفر اكبر ابرة ورقم 10 ارفعهم
وواسعارها من جنيه ل 2 جنيه للابرة حسب المحل
ومكن تشترى ارقام متفاوتة علشان انواع الخيط المختلفة
وفى كمان الابر الالومنيوم ( تخينه ) للخيوط السميكة والاصواف واعتقد اكبرهم رقم 5

بالنسبة للخيط احسن خيط للمفارش الخيط القطن لو انت من مصر في بكرات مصر البيضا البكرة 50 جرام بحوالى 3جنيه ونصف او 4 حسب المحلات ايضا
والخيط ده بينفع كمان للبلوزات الصيفى وملابس الاطفال والشنط
فى خيوط تركى الوانها تجنن بس ابعدى عنها مش كويسة ابدا مع الغسيل بتمط
وفى خيوط الحرير بس دى لما تتقنى الشغل شويه لانها غالية ومحتاجة شدة يد معينه فى الشغل
وطبعا خيوط الصوف والموهير و......بس خلاص الشتا خلص
وييارب اكون افدتك

انا بتئلم ومش بتكلم كل حاجه جميله
الاساسيات انا عارفها بس معرفش اجيب منين انواع الخيوط علشان انا مش بعرف اسميها ولو حبت اعمل بلوزه معرف العد المفروض اعمله
انا بحب الكرشيه جداااااااااااااااااااااااااااااااااااااااااااااااا اااااااااااااااااااااااااااااا

شكرا يا نونة على الرد طبعا افدتينى كتير اوى اة حببتى انا من مصر خلاص انا عايزة اجيب بس كنت مستنية الرد منكم عشان ابدأ شكرا ليكى حببتى ادعوا لى الاقى المحل فاتح عشان كل مرة اروح الاقية بيقفل منظرى وحش اوى ادام زوجى بيقولى انتى اول ما بيشفوكى بيقفلوا مع العلم ان بروح ف اوقات غير الاخرى يلا الحمد لله لما اجيب هقولكم ان شاء الله جزاكم الله خيرا