السلام عليكم ورحمة الله وبركاته000
حبيباتى انا من زمان مانزلتش اعمالى وده لضيق الوقت لكن النهارده حبيت اعرض عليكو هديتى لبنت جارتى للشتاء
ودى الصور










ها ايه رايكم فى الطاقية والكوفية؟
على فكرة اللكلوك مالحقتش اكمله ولسه لغاية دلوقتى ماكملتهوش لكن حبيت اورهولكم واعرف رايكم فيه
اللى حابة تعرف الغرزة ايه هى غرزة الكلوستر او بنقول عليها عندنا فى مصر غرزة الحمصة او الغرزة المنتفخة زى ما تحبوا تسموها
وعلى فكرة كمان انا عملت الفكرة دى من بنات افكارى يعنى مالهاش باترون لكن كانت عجبانى قوى الايسكابات التريكو اللى بتتباع فى السوق اللى ليها بونبون من فوق يمكن انتوا شوفتوها قبل كده فقلت وليه ماتبقاش كروشيه وماتاخدش وقت ولا خيط كتير
انا هنا استخدمت حوالى شلتين ونص
وكفاية رغى بقى انا طولت عليكو

جميل قوى الايس كاب عسل
والكوفيه حلوة خالص
وان شاء الله تكملى اللكلوك
تسلم ايديكى

كتبت بواسطة nonatota2006

جميل قوى الايس كاب عسل
والكوفيه حلوة خالص
وان شاء الله تكملى اللكلوك
تسلم ايديكى

حبيبتى نونا يسعدنى انك تكونى اول واحدة ترد على موضوعى
مشكورة على المرور والرد والتشجيع

تسلم ايدك شغلك تبارك الله متقن مبروك الهديه للبنوته

تسلم الايادى حلوين قوى وفكرة وجه الدبدوب حلوة قوى ربنا يخليلك ميار ويمنى

روووووووووووووعه
عاشت ايدج
شغلج حلو ومتقن

ماشاء الله تسلم ايديك الشغل جميل جدا بس ممكن اطلب منك طريق الغرزه المنفوخه دى عشان شكلها لذيذ جدا وبالنسبه للكوفيه بتطلع معايا مش منتظمه بتدينى شكل هرمى اعمل ايه عشان اظبطها معلش انا طولت بس نفسى اتعلم الحاجات دى اوى ولك خالص شكرى

تسلم ايدك الشغل جميل جدا بس لو سمحت عندى سؤال كيفيه عمل الغرزه المنتفخه وبالنسبه للكوفيه ازاى تطلع معايا مستقيمه ووبالشكل ده معلش انا طولت عليك بس عشان لسه بتعلم

بسم الله ما شاء الله
ان شاء الله حاخد الفكره منك لانهم حلوين لان عندى صحبتى قربت تولد وعايزه اعملها حاجه شيك وحلوة من ايدى للنونو
بس اختار لو ايه ؟؟؟؟؟؟؟؟؟ لاننا مش عارفين نوع المولود ايه
ومعلشى هو الصوف حيكون مناسب لطفل مولود والا اعملهم بخيط قطن احسن
جزاكى الله خيرا

الله يسلم ايدياتك يا غالية جزاك الله الف خير