بسم الله الرحمن الرحيم
السلام عليكم ورحمة الله وبركاته
فى نهاية الاسبوع التالت من بريق الماس فى ورشة جميلة وخفيفة لتزيين كأس العروسين بالكروشيه
الموضوع سهل وبسيط واتمنى انه يعجبكم
فى ثلاث اختيارات
الكأس الاول

وينفع اكتر لحفلات الخطوبة
الكأس التانى
سهل وكيوت خالص

التالت
اسهلهم

الخطوات فى الطريق
تابعونى
يا ريت منردش الا بعد انتهاء الخطوات

كتير حلوين يا فلة
الله يوفقك

صعب الاختيار اعمليهم بورشة واحدة هههههههههه
يعطيك العافية

الكأس الاول
الادوات





طريقة عمل الوردة الاولى



البداية 4س وتقفليهم بمنزلقة
السطر الاول
تعملى 6 حشو فى الدائرة


السطر التانى 2 حشو فى كل غرزة من السطر السابق يعنى تعملى 12 حشو
لاحظى ان الشغل حلزونى مش هتنهى السطر بمنزلقة
السطر التالت
تعملى حشو فى اول غرزة من السطر ثم 2 حشو فى الغرزة التالية ثم حشو ثم 2 حشو وتكررى للنهاية

السطر الرابع للسطر السابع حشو فى كل غرزة من السطر السابق


السطر الثامن والاخير
تعملى 3س ثم 4 اعمدة بلفة فى نفس المكان ثم تعملى حشو فى الحشو البعد الجاية

ثم 5 اعمدة بلفة وتسيبى حشو وتعملى حشو فى الحشو اللى بعد كده وهيكون شكل الوردة كده




هنحتاج اربع وردات من الوردة دية


تابعونى

ما شاء الله
الورشة ابتدت

زي ما قالت يبرودية اعمليهم كلهم

ما شاء الله تباارك الله عليك مبدعتنا

انا اخترت الكاس التااني لانوو انعم والا جميعها حلووه وبتحير في الاختييار

ومبرووك عليك تمييزك ...

الوردة التانية
هنعمل منها اربعة ممكن تعملى كل اتنين بلون زى انا ما عملت او الاربعة بلون واحد



البداية تعملى 28 س



السطر التانى
تعملى عمود بلفة فى السلسة رقم 5 من الابرة
تسيبى س وتعملى ع ثم س ثم عمود فى نفس المكان
وتتركى س وتعملى ع ثم عمود وس وعمود ونفس المكان وتكملى للنهاية بنفس الطريقة


السطر التالت والاخير
تطلعى 3س كاول عمود وتعملى فى الفراغ 2 عمود وبيكو ثم 3 عمود


وتكررى الخطوة دية فى جميع الفراغات 3 عمود و بيكو ثم 3 عمود للنهاية



تتركى فى النهاية جزء من الخيط علشان تخيطى بيه الوردة

تلفى الوردة حلزونى وتبدأى الخياطة






حضرى الساتان بلون مناسب للورود

تابعى

تعملى فيونكة صغيورة خالص وتحطى فى وسطها فص كريستال





يلا بقى نحضر مسدس الشمع او اى لزء تحبيه
تلزقى الورود بالورب على جسم الكاس بالشكل ده
وكمان الخرز والكريستال

وكده خلص الكاس الاول و ديه شوية صور نهائية









والف مبروك على العروسين
تابعونى للكاس التانى

تسلمي فكرة روعة اللة لو الخيط فية فتللة لامعة يارب اعملة لبنتي يارب انا صوت الثالث والثاني كمان جميل الوردة الثابتة علي الكاس حساها اشيك تسلم ايدك

الكأس التانى
الادوات




الورده فى الكاس التانى والتالت هى نفسها بس الاختلاف فى طريقة الرص


الوردة


ابتدى ب4س


اقفلى بمنزلقة

تطلعى ب3 س ثم 2 عمود بلفة ثم 3س وتقفلى بحشو فى الدايرة

تكررى البتلة اربع مرات كمان


وتعملى كمية كافية من الورود بلونين علشان تلف على الكاس كله
الكاس اللى عندى اخد 10 وردات

تابعونى

احضرى مسدس الشمع
الزقى الوردات بشكل موارب على الكاس والايد بتاعه بالشكل ده






تجيبى الكريستاله الصغيرة
وتحطى واحدة فى وسط كل ورده


تعملى فيونكة وتبقى احلى بساتان رفيع
وتلزقيه على ساق الكاس
وتحطى كريستالات بطريقة منظمة على جسم الكاس


كده الكاس خلص

اعملى التانى