السلام عليكم
كيفكم ياحلى بنات
انا عضوه جديده عليكم ولسه ما اعرف احد يارب تتقبلوني بكل صدور رحبه وتفيدوني وافيدكم
وهذي اول مشاركه لي يارب تعجبكم وتتفاعلون معاي
اول شئ هذا ريجيم منقول من منتدى ثاني بس جربته قبل فتره ونزل وزني عليه وعجبني مره بس خرب علي السفر وما كملت قلت نتجمع ونسويه مع بعض ونشجع بعض دائما حتى نوصل للنبغاه
وقبل كذا اذا موافقين نسجل المشتركات واي وحده تسجل ممنوع منعا باتا الانسحاب وترو الريجيم مريح وماهو قاسي ويشتمل على كل العناصر الغذائيه يعني الي ينزل من وزنك ما رح يرجع مره ثانيه الا اذا زودتيها
اذا وافقتم على النظام نبداء يوم السبت القادم
المهم اول شي لازم تعزمون على هالرجيم ترى هو صحي ويوم تسونا وتضعفون يكون من الصعب انكم تردون نفس اول متان ومتختخين لانكم بتنزلون في 4 اشهر 20 كيلو ولان اللي يروح بسرعة يجي بسرعة
انا والله فادني وايد والحمدلله على كل حال
اول شي توكلوا على الله وروحوا الجمعية واشتروا الاتي
1-كورن فليكس للريجيم
2-سكر كاندريل للريجيم
3-جبنة بيضا اولبنة قليلة الدسم واللي تباع بالكيلو(لاتشترون جبنة الكريمة او جبن الجلاس حتى لو مكتوب عليه قليل الدسم)
والحين بدا الجد
الفطور:
**1/2 كوب كورن فليكس+1 كوب حليب (ريمبولايت مع 3ملعقة صغيرة كاندريل)+حبة خضار +حبة فاكهة
او
**1/2 صمون+ 2 ملعقة صغيرة جبنة او لبنة+حبة خضار+حبة فاكهة
او
**1توست+2 ملعقةصغيرة جبنة او لبنة+حبة خضار+حبة فاكهة
الغدا:
**1كوب ارز مطبوخ+1كوب روب قليل الدسم+2كوب سلطة+1كوب سوتيه+1/4دجاجة مشوية+حبة فاكهة
او
**1/2خبزة صغيرة+1كوب لبن اب+2كوب سلطة+1كوب مرق خضاربدون بطاطا+حبة همبرغرمشوية+حبة فاكهة
او
**1كوب ارزمطبوخ+سمكة مشوية+2كوبسلطة+مرق عدس مع خضارعدا البطاطا+ حبة فاكهة
على الساعة 7 مساء بعد صلاة المغرب أحسن لبسي ملابس خاصة للتعرق (من البلاستيك وتبا ع في محلات الرياضة ب30 او50درهم تقريبا )وابتدي سوي الرياضة وصدقوني الدراجة احسن شي ومارسي الرياضة من نص ساعة الى ساعة كاملة على راحتكم
وبعدين عقب ما تخلصين استحمي واستعدي للعشاء
العشاء:
**1/4خبزة صغيرة+2ملعقة صغيرةجبنة او لبنة+حبة خضار+حبتين فاكهة
او
**1/2صمون+2ملعقة صغيرة فول+حبة خضار +حبتين فاكهة
او
1توست+بيضة واحدة+حبة خضار+حبتين فاكهة
**كثروا من شرب الماي
**الفاكهة ممكن تكون تفاحة او برتقاله اوكمثرى او3حبات تمرأو 6حبات فراولة
**الخضار ممكن تكون طماطم او خيارة او جزرة او خس اوجرجير او فلفل حلو
**السلطة على كيفج بس يا حبذا وجود الخس والجزر والملفوف دائما
**اذا شعرتي بالجوع بين الوجبات كلي حبة خضار او شوية بوب كورن
**ممنوع ممنوع الزيت والكولا (ممكن دايت كولا)
**البهارات والليمون عادي
اول اسبوع سوو الريجيم طول الايام وثاني اسبوع عطوا نفسكم يوم راحة (بس لا تاخذون راحتكم وايد)
وهذا كل شي إذا تذكرت اي شي برد عليكم
واي سؤال تراني حاضرة OK
الروابط المفضلة