بسم الله الرحمن الرحيم


reddy_rose

اسم الدخول لمنتدى لكى :- reddy_rose
الاسم الاول (اختيارى ) :- مني
السن:- 19
الحالة الاجتماعية :- سينجل هههههه
مكان الميلاد ( اختيارى ) :- المنصوره
مكان الاقامة ( اختيارى ) :- المنصوره
تعمل او لا تعمل :- لا اعمل
مجال العمل :- طالبه
الوزن الحالى:- 87
الهدف المراد الوصول الية :67
الطول:- 173
الفتره الزمنيه المتوقع الوصول فيها للهدف:- شهرين

هدفى الفردوس

اسم الدخول لمنتدى لكى :هدفى الفردوس
الاسم الاول(اختيارى):-
السن:-21
الحالة الاجتماعية :-غير متزوجه
مكان الميلاد ( اختيارى ) :-القاهره
مكان الاقامة ( اختيارى ) :-اسيوط
تعمل او لا تعمل :-لا
مجال العمل :-متخرجة حديثا
الوزن الحالى:-80
الهدف المراد الوصول الية :69
الطول:- 157
الفترة الزمنية المتوقع الوصول فيها للهدف:- لسه مقررتش

بسم الله الرحمن الرحيم

منى اهلا بيكى ويلا عايزين الجد

بصى انا محتاره فى كل حاجه

ومش عايزين نعمل ريجيمات قاسيه اوى يعنى ريجيم يبقى فيه كل حاجه

وعايزين نشجع بعض على الريجيم والمشى والرياضه

وعايزين نبقى اصدقاء بجد ممكن؟؟

منتظراكى

بسم الله الرحمن الرحيم

منى انا اتوزنت انهارده ولقيت وزنى 79

ياريت متتأخريش عشان كده بكلم فى نفسى

وانا معاكى اهو وليا الشرف اننا نكون صحاب
وانا معاكى فى موضوع اننا موش عاوزين نعمل ريجيمات قاسيه لان انا عملتها كتير وكنت فعلا بنزل بسرعه لكن برجع الى بنزله علطول وزياده عشان كده عاوزين نعمل ريجيم متوازن وننزل على مهلنا عشان نضمن انه ميرجعش تانى اوكى

ومبروك انك نزلتى كيلو يعنى ان شاء الله لسه ليكى 10 كيلو باذن الله تنزليهم واحنا مع بعض
المهم عاوزين بقى نحدد هنعمل ايه ولازم نمشى عليه بالظبط وزى ماقولتى لازم رياضه ومشي
طيب دلوقتى احنا مش بندخل فى معاد واحد ولازم نكون مع بعض عشان نعرف هنعمل ايه انا عاوزه اعرف انتى بتفتحى امتى وانا هفتح معاكى ان شاء الله
على العموم اول ماتدخلى قوليلى مواعيدك وانا ان شاء الله هدخل فيها اتفقنا
سلام

بصى يامنى احنا كده متفقين

انا بدخل فى اى وقت

اقولك حدديلى الصبح ولا بالليل؟؟ واحنا نحدد معاد على هذا الاساس

وفعلا لازم رياضه ومشى وريجيم متوازن

واه الكيلو ده انا متارجحه فيها يوم ذياده ويوم خساه هههههههههههههه

دمتى بكل خير وسعاده

اهلا هفى ازيك ؟يارب تكونى بخير الحمد لله انى لقيتك فاتحه
دلوقتى بقى انا عاوزه اعرف انتى ايه نظامك الايام دى يعنى بتعملى ايه ونظام اكلك وكده
وقوليلى تحبى تخسى اد ايه فى الاسبوع عشان نحدد الريجيم الى نمشى عليه وننظم وقتنا سوا
انا مستنيه ردك اوكى

معلش قصدى ازيك يا هدفى بس طلعت هفى هههههههههه الصيام عامل عمايله معلش
صحيح قوليلى حتى اسم دلع اناديلك بيه اوكى

هدفى فينك انا كان نفسى تردى عليا قبل الفطار لان لازم اقفل دلوقتى عشان اساعد ماما
ياريت بس تردى حتى دلوقتى قوليلى هتبقى موجوده امتى بعد الفطار ان شاء الله عشان ادخل مستنياكى ردى بليز

على العموم انا بروح اصلى التراويح وبرجع لى الساعه 9 ممكن ادخل لما ارجع ان شاء الله وياريت الاقيكى عشان نتكلم اوكى
سلام