صباح الفل يا بنات نايس ومؤمنة ونايري وكل البنات
نايس يا حبيبتي ايه رنة الياس اللي انتي فيها دي يا حبيبتي انتي اللي ادتينا الامل والحماس
يبقى لازم ترجعي زي ما كنتي واكيد حتنزلي ان شاء الله بس شوية تفاؤل واحساس انك ادها
مؤمنة الاسبوع خلاص على وشك يخلص النهاردة اليوم الرابع يعني بسرعة حتلاقي الخميس والجمعة والاسبوع يخلص
فين الهمة والتحدي بتاعك
على فكرة انا الحمد لله ماشية تمام لغاية النهاردة ووزنت نفسي انا مش بقدر ماوزنش ادمااااااااااااااان لقيت نفسي 80 ونص يعني نازلة كيلو ونص الحمد لله وياااااااااااااااارب اخر الاسبوع اكون كسرت ال80 ودخلت ال70 ولو حتى 79 و900 جم انا موافقة بس اشوف ال70 ادعولي

كتبت بواسطة نايري

نايس ما تيجي تجربي الريجيم الكيميائي؟ والله جميل جدا والمجموعه زي العسل وبيشجعوا كتير..

عجبني ريجيم المكسرات ده.. ان شاء الله هاجربه بعد الكيميائي,, بس مش بتحسي بهبوط او دوخه في النص؟

مؤمنه ربنا يوفقك يا قمر
مرام روحتي فين يا بنتي؟ مش النت اتصلح؟
ام محمد انا جربت اول ايام في ريجيمك ده بس بعد كده مقدرتش خالص..وبيني وبينك ما كنش فيه تشجيع والبيت عندي اعدو يحبطوني..

عايزين نفرح يا بنات بوزننا على آخر الشهر..

نايس شدي حيلك.. السعوديه هاتيجي والتخن على أصوله هايبدأ...

والله ده الي مخوفني يا نايري
المهم اديني ماشيه علي المكسرات دي يوم بيومه اما نشوف الي هيهيحصل
انا مش بحس بصداع ودوخه لاه بس الي بحس بيه مغص وغثيان شويه
اساسا انا من النوع الي معدتي مش بتستحمل المكسرات او اي اكل تقيل خالص ولا بتستحمل حتي مضاد حيوي
فانا ماشيه لحد محس اني مش قادره اككمل ساعتها هسيبه
بس ميزته انه مش بيحسس بجوع خالص نفسك مش بتروح للاكل وكمان بشرب معاه نسكافيه
بمعلقتين لبن
وكمان لازم ميه كتير جدا علشان ميجبش امساك
والله الموفق

كتبت بواسطة lola tarek

صباح الفل يا بنات نايس ومؤمنة ونايري وكل البنات
نايس يا حبيبتي ايه رنة الياس اللي انتي فيها دي يا حبيبتي انتي اللي ادتينا الامل والحماس
يبقى لازم ترجعي زي ما كنتي واكيد حتنزلي ان شاء الله بس شوية تفاؤل واحساس انك ادها
مؤمنة الاسبوع خلاص على وشك يخلص النهاردة اليوم الرابع يعني بسرعة حتلاقي الخميس والجمعة والاسبوع يخلص
فين الهمة والتحدي بتاعك
على فكرة انا الحمد لله ماشية تمام لغاية النهاردة ووزنت نفسي انا مش بقدر ماوزنش ادمااااااااااااااان لقيت نفسي 80 ونص يعني نازلة كيلو ونص الحمد لله وياااااااااااااااارب اخر الاسبوع اكون كسرت ال80 ودخلت ال70 ولو حتى 79 و900 جم انا موافقة بس اشوف ال70 ادعولي

لولا ماشاء الله عليكي كده تمام وزي الفل خليكي علي كده ان شاء الله علي اخر الاربع اسابيع تكوني مانيكان
بالنسبه لي انا بقالي اكتر من شهرين بنفس الوزن؟ تخيلي؟ طبيعي اني ازهق
عموما انا اهم حاجه عندي اني احافظ علي وزني من غير ريجيم لاني كل ماكل عادي ارجع ازيد
ربنا يسهل

نايس ماهو ريجيم المكسرات نوع من الريجيم الكيميائي شبه اتكنز كدة طيب زي ماقالتلك نايري كدة ماتعملي معانا الكيميائي وتنزلي الكام كيلو اللي عايزة تنزليهم وبعدها ابقي اعملي تثبيت علشان بس تكسري حالة الملل والياس وترجعي تتشجعي تاني وعلى فكرة الوزن بعده مش بيرجع بسهولة زي مابيقولوا لان الكيميائي انواع ولازم يتعمل متكامل وماتسيبهوش من النص وشوفي الرابط دة وفكري
http://www.alkabarit.com/rejeem/rk3.htm

بنات المغص هيموتني

خلاص يا نايس سيبك من الريجيم دة وريحي شوية خالص من اي ريجيم لغاية ما نفسيتك تهدى شوية وطمنينا عليكي

شكرا يا لولا علي اهتمامك
انا مستغربه جالي اسها فظيع علي الرغم ان مكتوب بييجي امساك
المهم الحمد لله اخدت دوا ولو مرتاحتش علي اخر اليوم هبطل الريجيم ده

الف سلامة عليكي يا نايس ممكن يكون الاسهال جالك لان معدتك ماتحملتش المكسرات وماقدرتش تهضمها علشان كدة جالك اسهال المكسرات عموما تقيلة ومش كل حد يقدر يهضمها وبعدين احنا بنحبها علشان بناكلها تسالي لكن ماجربنهاش انها تبقى وجبات كاملة خلي بالك من نفسك

حاضر يا قمر
وعموما انا معدتي استحملت السوداني
لكن الي مش بتستحمله ابدا هو عين الجمل ودي مش اول مرة يبهدلني ده ليه معايا سوابق وحشه بصراحه
وعلشان كده قررت اني ماكلوش خالص وهركز عالسوداني بس لانه مش تقيل للدرجه
بس لو فضلت تعبانه لبلليل هسيب الرجيم خالص بصراحه

يا خراااااااااااااااااااااااابي عين الجمل!!!!!!!!!!!!!!!!!!
يابنتي لازم يجيلك اسهال منه دة تقيل موووووووووووووت وكله زيوت وممكن يعملك حموضة جامدة ابعدي عنه خالص
ماله السوداني والله احلى مكسرات وانا عن نفسي بموت فيه اكتر من اى نوع مكسرات وخصوصا لو متحمص كويس
وان شاء الله لغاية بالليل تكون معدتك ارتاحت