السلام عليكم و رحمة الله و بركاته
أخواتى و حبيباتى الدبدوبات فقط 
من يومين كنت قاعدة فى أمان الله و ألا و هف على بالى و خبطنى فى نفوخى خاطر
ألا و هو الدعبسه و النكش و التفتيش بأوراقى القديمة و دفاترى و يومياتى
طبعاً حتقولوا طيب و أحنا مالنا يا بت يا بسبوسة ؟!؟!؟! 
ح أقول لكم لاء مالكم و نص .. مش قلت الدبدوبات بس
لأنى لقيت نصف اوراقى أنظمة رجيم
و لقيت قصيدة تجنن لمست مشاعرى و أحاسيسى و رفرف قلبى على وقع كلماتها المعبرة الرقيقة المؤثرة 
قلت لازم تشاركونى مشاعرى و تعيشوا جو القصيدة و أكيد ح تلمس مشاعركم زى ما لمست قلبى و أثرت بيه
أترككم الآن مع الأبيات المؤثرة
بس لحظة !!!!!!!!!
قبل القراءة أطفوا النور ...... و حاولوا تعيشوا الجو للآخر
قالوالى لازم تخس .. اوعاك تكون بقلوظ
و صوانى المكرونة .. ع المعدة لا تجوز
و لا رز .. و لافتة .. و لا محشى محشى لوز
و لا كايزر ولا فينو .. و لا باتى بان تحوز
و لا مانجه و لا تينه .. و لا حتى قشر موز
و لا تورته بالكريمة .. ولا باسطه ضاربه بوز
و ابعد عن البطاطس .. اوعى الريجيم يبوظ
و ده كله لاجل ما أبقى .. زى ما الناس تعوز
و الله .. اللى يدى ودنه للخلق ما يفوز
الجعـــــــــــ 
ــــــــــــان
هـــــــــــــا مش قلت لكم مؤثرة 
منتظرة كل دبدوبة أمورة تقول لنا أحساسها و مشاعرها و توصف تأثرها 
!~¤§¦ دردشة .. رجيمية .. بســـــبوســـــــية .. مؤثرة .. لكن بردوا فكاهية !! ¦§¤~!
رد مع الاستدلال
الروابط المفضلة