السلام عليكم ورحمة الله اخواتى الحبيبات
مش عارفة ابتدى الموضوع ازاى بس انا لازم اقول الكلمتين اللى فى نفسى
قبل كده فى اخت كريمة كتبت نظام غذائى ونصحت بيه وكانت توصى باستخدام بدائل السكر ورديت عليها فى موضوع يحدد خطرة المواد اللى هى بتنصح بيها دى
قلت طيب ممكن تكون مش عارفة ....... ماكلفتش نفسها تدور ...... كان نفسها تخس وخلاص ......... طيب معلش الواحد بيفترض حسن النيه دايما

الموضوع بقى اللى شعلل المنتدى بقاله شهرين ويمكن اكتر دلوقتى
موضوع القهوة الخضرا
الاخت رورو رنوش كتبت عن تجربتها فى التنحيف باستخدام حبوب القهوة الخضرا فى شكلها البدائى ونصحت بيها وحلفت اكتر من مرة انها خست ولا حظت الفرق وناس كتير جدااااا مشيو وراها وراحو اشترو القهوة ومنهم انا ودى غلطة عمرى ما هاسامح نفسى عليها ابداااااااااا بس نقول ايه الزن على الودان !!!!!!!
الاخت شافت حلقة البرنامج الامريكى Dr OZ وهو بيتكلم فيه عن كبسولات مستخلص حبوب القهوة الخضراء green coffee beans extract وانه بيساعد على التنحيف واظهر نتائج فعالة وقالت انها قررت وبدات فى استخدام الحبوب نفسها ( اول غلطة ) وبتاخدها زى السفوف وتتبلع بالميه ( تانى غلطة) وان الدكتور تبعها وافق على كده ( تالت غلطة) وانها خست 5 كيلو فى اسبوعين ووعود بنتائج مبشرة وحذرت اى واحدة تاخد المستخلص المعبأ ( رابع غلطة )
معلش اسمحيلى اقولك اتقى الله
اولا: معنى مستخلصات حبوب القهوة الخضرا اللى البرنامج اوصى بيها يعنى شركة الادوية اخدت الحبوب الخام واستخلصت منها المواد الفعالة فقط وعملت منها الكبسولات وكل المواد الغير مرغوب فيها اصبحت غير موجودة
حضرتك الكبسولة فيها 150 جم من chlorogenic acidsاحماض الكولوجينيك اللى هى المادة الفعالة للتخسيس ودى نفس الكمية الموجودة فى 75 مج قهوة معبأة فى كبسولة واحدة بدون كافيين ولا اى مادة اخرى ممكن تضر او تأثر على الخصوبة ( لان القهوة والشاى تؤثر على خصوبة المرأة والرجل عند الاسراف فيها )
وعلى فكرة الجرعة الازمة هى 3 كبسولات يوميا
الاخت اختزلت الموضوع فى ملعقة حبوب تسفها 3 مرات يوميا وده طبعا لا يفى بالغرض اطلاقا
ثانيا : انك تاخدى القهوة على شكلها الخام الجسم لا يستفاد منه اطلاقا لانه (الاحتمال الاغلب) سوف ينزل مع البراز ( اعزكم الله كما هو ) او سيتفتت الى اجزاء صغيرة صعبة الهضم وسوف تترسب على شكل حصوات
ثالثا : مش عارفة مين الدكتور اللى وافق على حاجة زى كده ومؤهلاته ايه بالظبط واضح انه لسه هاوى لو كان كلف نفسه وبحث فى الموضوع كان بالتاكيد فهمك وحذرك
رابعا : انتى قمتى بعمل اخصائى للطب البديل وقررتى ايه الاصح وايه الخطأ وناس كتيييييييييير مشيت وراكى بدون تفكير وللعجب انتى نفسك وقفتى استخدامها بعد اسبوعين
ارجوكم يا جماعة صحتكم امااااااااااااااااااانة فكرو اكتر من مرة قبل ما تجربو اى وصفة
وللاخت رورو رنوش انا اسفة اذا كان كلامى يضايقك انا اكن كل احترام وتقدير لكل عضوات المنتدى والله يعلم انكن عزيزات جداا على قلبى فارجو قبول هذا من اخت خايفة على مصلحتكن جميعا وانتى اول واحدة
اذا المشرفات تسمح بتنزيل الروابط بانزلها لكنها باللغة الانجليزية

قرات موضوعك وقرات ردك في موضوع الاخت لما قلت خسرت مبلغ ودنيا

لكن الاخت قالت انها مابتحب طعم القهوه المره لذلك هي اخذتها سفوف
وقالت ممكن تعملوها مثل القهوه وتشربوها

على فكره انا فعلا احضرتها وعملتها وشربوا منها اللي عايزين يخسوا وفعلا نزل الوزن لكن كان معاها ريجيم ورياضه


وهي على ما اعتقد تعمل عمل قشور البن
وقشور البن تستخدم في تنشيف الجسم من المياه المختزنه فيه والانسان يحس ان وزنه بينزل

وهذا على ما اعتقد الهدف من شرب القهوه الخضرا


وهذا عن تجربه


طيب انت استخدمتيها كيف?

إرسلت من GT-I9100 باستخدام برنامج منتديات لكي النسائية

اهلا ام سهيل انا غليتها وشربت المغلى بتاعها لمده اسبوع وكنت باعمل دايت ورياضة وللاسف الاسبوع ده وزنى فضل ثابت وهى لم تخفض شهيتى ابدا وجالى مغص وغثيان منها بس يمكن دا عندى انا بس الله العم معرفش اذا كان حد اشتكى من انها تصيب بالغثيان والمغص ولالا

هلا بك انابيلا

يمكن المغص والغثيان كان من شي اخر
طيب وقف بعد ماوقفت شربها?


شوفي من خبرتي في التعامل مع هذه الاشيا وخاصه اللي تجفف الجسم من السوائل المحبوسه فيه
انه لازم تشربي كميه وافره من المياه
حتى لاتتضرر الكلى
يمكن المغص والغثيان كان هذا سببه
انه بسبب الكلى
انا لما اشرب قشر البن يصير معي نفس الشي
وهذا معناه انه جسمك يحتاج للسوائل
ووزنك يحتاج طريقه اخرى لانزاله


فهمت علي


عجبتيني والله في طريقه بحثك ووضعك للحقائق

طيب يعني الحبوب او الكبسولات الجاهزه كويسه?
لانه فيه وحده في امريكا سالتني اذا كانت تفي بالغرض ام لا?

إرسلت من GT-I9100 باستخدام برنامج منتديات لكي النسائية

شوفى ام سهيل
اولا ايوة انا اما وقفتها وقف المغص والغثيان حتى كان بيروح بعد تناولها بساعة تقريبا وانا استخدمتها اسبوع او 6 ايام مش فاكرة بالظبط
انا مع مجموعة بداية جديدة ورشاقة اكيدة لمتابعة الدايت ومن الشروط اللى وضعتها صاحبة المجموعة شرب مالايقل عن لتر ونصف ماء يوميا وطبعا انا ملتزمة معاها والحمد لله

ثانيا : لوقريتى موضوعى كويس هتفهمى ان الكبسولة الواحدة فيها المادة الفعالة للتخسيس بما يعادل 75 مج قهوة يهنى لو اخدتى كبسولة كانك اخدتى 75 مج قهوة بدون المواد الغير مرغوب فيها كالكافيين مثلا
ثالثا انا معرفش النوع الكويس من الحبوب دى اسمه ايه لانهم وجدو شركة عاملاه بس ضايفة مادة تانية بتساعد على تقليل الشهية عن طريق خلايا المخ وده طبعا احنا مش عايزينه فامقدرش انصحك بحاجة زى دى
( معروف ان ادوية التخسيس التقليدية منها ماهو يؤثر على المعدة والنوع التانى يؤثر على خلايا المخ المسئولة عن الاحساس بالجوع والنوع الثالث هو اللى بنتكلم فيه وبيساعد على حرق الدهون fat burner وده غالبا من مواد طبيعية زى مستخلص القهوة الخضرا وكيتونات التوت الاحمر والمانجو الافريقية وخدى بالك كلهم مستخلصات يعنى لازم يتاخدو فى شكلهم الدوائى - الكبسولات )

السلام عليكم انابيلا ...انا باشكرك على طرحك وبحثك الجاد بالموضوع ...وحابة اقول لكم عن تجربتى مع القهوة الخضراء

اولا :اللى استعملتها كانت فى صورة اكياس وتحضر زى النسكافيه باضافتها مباشرة على الماء الساخن وتشرب

ثانيا :لو قريتى المكتوب على العلبة ..حتلاقى انها معتمدة من هيئة تدعى (LEPTIN) ودى خاصة بابحاث تعمل على علاج السمنة ...والاسم نسبة للهرمون اللى بيفرز المخ للتحكم بالشهية...اذا انت بتستعملى عقار معتمد من هيئة محل ثقة

ثالثا: طبعا انا استعملتها بعد ما تاكدت انها بتعمل على زيادة الحرق وتسد الشهية ...بعيدا عن مراكز المخ (تاثير طرفى وليس مركزى)
ت با
رابعا: فعلا حسيت انها سدت نفسي لان طعمها بشع وكان بيسبب لى غثيان ورغبة فى القىء وبالتالى عدم الرغبة بالاكل ... وكنت باعرق (اكرمكم الله )بصورة رهيبة فى عز الشتا ...واحساس بالحر شديد ...وده نتيجةزيادة الحرق وزيادة فقد الماء...وده فقد للوزن كاذب وغير صحى لانك بتفقدى سوائل الجسم واملاحه ...بعيدا عن الدهون اللى هى الهدف من الدايت...وطبعا يتبع ذلك لخبطة فى الالكترولايتس والاملاح بالجسم وما يتبعه من هبوط وخفقان بالقلب ومشاكل احنا كلنا فى غنى عنها

خامسا :فعلا خسستنى كيلو او اتنين فى كام يوم ...بس كرهتنى فى الدايت والخسسان واليوم اللى اخدتها فيه لانى كنت على طول نفسي غامة عليا وكانى باتوحم ....فقررت اوقفها وما عدت اخدتها تانى

وبعد ده كله لما قريت موضوع رنوش ....رحت فعلا فتحت موقع د اوز وقريت عن كبسولات القهوة الخضرا فقلت ادور عليها ...اكيد حتكون اسهل فى الاستعمال من اللى جربتها ..وحاتجنب الشعور السيء بالغثيان ...ورحت فعلا GNC فى الرياض وسالت عنها ..وكان الرد انها مش فى السعودية ولما قلت له انها موجودة على موقع جى ان سى ...قال لى ايوة اللى ب امريكا ...ولكن السعودية ما سمحتش بتداولها حتى الان

دى تجربتى ...وحبيت اسردها لكم لعل وعسى تفيد اى واحدة لها رغبة فى استعمال القهوة الخضرا

مشكورة مسلمة على طرح تجربتك
بصى انا فاهمة اللى انتى بتقوليه عشان دراستى علوم بس انا حبيت ابسط الموضوع لكل الناس المواقع اللى قريتها كلن فيها تفاصيل علمية اكتر من كده لكن كام واحدة هتقدر تفهمها ؟؟؟
شوفى الكبسولات عندى هنا من مواقع للتسوق عن طريق الانترنت ب 12: 15 دولار لل 60 كبسولة وتوصل لباب البيت فى 3 ايام لكن الحقيقة انا مش هاجيبها لو فكرت اجيب حاجة تساعد فى التخسيس هاجيب ال rasberry ketones هو برضو طلع فى برنامج dr Oz بس قبل القهوة دى بفترة كويسة وليه reviews كتيرة ومحدش اشتكى منه لكن انا مأجلة الخطوة دى شوية

صحيح لو عايزاها الموقع بيبعت من امريكا لكل انحاء العالم بس المدة بتختلف فى التوصيل لو حبيتى قوليلى ابعت لك اللينك على الخاص

مشكورة انابيللا ...بس انا خلاص لغيت الفكرة من دماغى ....باحاول امشى صح بدون مؤثرات خارجية ولا عقاقير ...المرحلة دى كانت زمان قبل ما امشى على النقط مع سارة وكانت كلها محاولات فاشلة لا تزيد عن يوم يومين وبارجع تانى ....دلوقت الحمد لله اصبحنا خبرة فى الاكل الصحى وما فيش داعى للعب فى الهارمونى بتاع اجسامنا

السلام عليكم

يسعد مساك يا انابيلا

عجبتني مناقشتك وطرحك للموضوع الخاص بالقهوة الخضراء

بس سبحان الله عمري ما حاولت اجرب اي اي شيء بيخص تنزيل الوزن خوفا على اضراره على الجسم من جهة اخرى
وصرت مقتنعة اقتناع تام ان الوزن ينزل دون اي ضرر باتباعي لخطوة بسيطة او معادلة سهلة

التوكل على الله اولا واخيرا+التخفيف بالاكل +شرب الماء+ممارسة الرياضة اليومية +الصبر ثم الصبر=فقدان وزني من دون اي ضرر

اما مشروبات الحرق وشوربات الحرق واي كبسولات او حبوب ما فكرت فيهم بالمرة لانه احب نفسي ولا احب ان اضرها لانه هاي امانة من الله سوف اسال عنها

الله يحفظ الجميييع