[موضوع متميز ] مش بتعرفي تنامي بدري وبتصحي متأخر ؟؟؟ تعالي هنا أقولك :)
الأرق وعدم القدرة على النوم بسهولة ليلا والاستيقاظ متأخر صباحا واهمال وجبة الإفطار وتعكر المزاج نهارا كلها عوامل ليست طبيعية
فليس من الطبيعي أبدا أننا ننام بالنهار ونستيقظ بالليل ومش دى فطرة الله اللي فطر الأنسان عليها
ربنا عز وجل بيقول
(( وجعلنا الليل سباتا وجعلنا النهار معاشا ))
(( وهو الذي جعل لكم الليل لتسكنو فيه والنهار مبصرا ))
ربنا خلق النهار للعمل والكسب والكد والنشاط
وخلق الليل للسكن والراحة وتعويض الطاقة والجهد اللي صرفه الجسم بالنهار
وأي إخلال بالنظام ده يؤدي للإخلال بنظام الجسم كله
السهر يؤدي لاختلال في جهاز المناعة بالجسم فهناك دراسات تؤكد علاقة هذا الجهاز بساعات اليقظة وساعات النوم وأن أي إخلال في هذه
الدورة اليومية تؤدي للفوضى
والإخلال بهذا الجهاز الأهم في الجسم
كذلك يؤدي السهر بالليل والنوم بالنهار لعدة عوارض
التعب - الإجهاد - التوتر العصبي - الصداع - ضعف الذاكرة - قلة التركيز - الميل للعصبية - ألم في العضلات - تشويش عملية الأيض وبالتالي
السمنة واكتساب الوزن الزائد
ومن سلبياته كمان
قلة البركة فالنبي عليه الصلاة والسلام بيقول ( بورك لأمتي في بكورها )
فتلاقي كتير من ربات البيوت بتشتكي من ضيق الوقت وعدم البركة في الوقت وانها مش ملاحقة على حاجة
بإمكاننا تغيير عادات نومنا الخطأ وهذه بعض الطرق والنصايح
محاولة النوم باكرا يمكن يكون صعب في الأول بس بالتعود كل شيء هيبقى ممكن
ومغادرة السرير باكرا وفي ساعة محددة وعدم النوم بعدها
عدم اكل وجبات دسمة قبل النوم مباشرة لأنه النوم أو الاستلقاء يبطئ عملية الهضم ويسبب ارتجاع الأحماض ويسبب حرقان وده هينغص
عليكى نومك او ما يخلكيش تعرفي تنامي أصلا
ممارسة الرياضة فترة المساء بين ساعة خمسة وسبعة تعزز القدرة على النوم العمييييق لاحقا . ممارسة الرياضة ترفع درجة حرارة الجسم
وبتساعد على النوم في غضون 3 ساعات
وبلاش رياضة قبل النوم مباشرة لأنه هيحصل العكس ومش هتعرفي تنامي
أخذ دوش دافي بيساعد على الإسترخاء والنوم
ممكن تاخذي كوب مغلي نعناع لأنه مهدئ للأعصاب وهيساعدك على النوم الهادى
النوم والأستيقاظ في الوقت نفسه دايما ولو حصل في يوم سهرتي حاولي تصحي بدري وتاخذي قيلولة صغيرة بعد الظهر واضبطي المنبه
بتاعك على الوقت
ممكن تخلي أشعة الشمس تدخل الأوضة مع بداية الشروق وهي هتصحيكي فأشعة الشمس بتظبط ساعة الجسم على الإستيقاظ
وحاولي
تعرضي جسمك لأشعة الشمس بعد الإستيقاظ هتنشطك
خصصي جزء من الساعات الأولى بعد الإستيقاظ ليكي انتى لاهتمامك بنفسك او ممارسة الرياضة أو ممارسة هواية محببة ليكى او القراية
هتحبي الوقت ده وهتعشقي الاستيقاظ باكرا
جربي تصحي بدري وتخلصي شغلك في وقته و تخلصي كل التزاماتك ويبقالك وقت فراغ للاهتمام بنفسك هتحسي بالسعادة والنشاط والحيوية
والإقبال على الحياة
رد مع الاستدلال
كتبت بواسطة - بنت الأحرار -
)
الروابط المفضلة