انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 75 123451151 ... الأخيرالأخير
عرض النتائج 1 الى 10 من 742

الموضوع: جروب المسلمات رشيقات ..الجنة هدفنا .. طريقنا التغيير الشامل..مرحلة التمهيد

  1. #1
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)

    تجمع جروب المسلمات رشيقات ..الجنة هدفنا .. طريقنا التغيير الشامل..مرحلة التمهيد



    بداية
    يسعد صباحكم بكل خير

    احب اسلم على كل الحبيبات الغايبات و الحاضرات

    و باذن الله احنا فى اسبوع التمهيد لتغيير شامل فى حياتنا
    من خلاله هننسى كلمة ريجيم و دايت

    التغيير هناخده على مراحل:
    و الاسبوع ده باذن الله
    احنا فى مرحلة التمهيد

    احنا ضعفاء قوى قدام الشيطان و هدفنا مش واضح دا اللى انا حسيته الفترة اللى فاتت
    اى حاجة تحصل حوالينا تغيرنا
    من اول خروجه لعزومة او حفلة حلوة
    لحد اى كابة بتمر بالبيت او فى العالم

    احنا فاقدين الهدف و كمان طريقنا فى الحياه مش واضح
    و بنستسلم بسهولة
    و بنعتمد على غيرنا
    مع انه المفروض نعتمد على الله اولا
    و على انفسنا ثانيا


    و المفروض انه هدفنا فى الحياه
    يكون واضح
    و على فكرة هو هدف واحد مالوش تانى
    و كلنا لينا نفس الهدف
    كل البنى ادمين

    مش النجاح
    لا غلط
    السعادة
    لا غلط
    نخس لا غلط








    هدفنا


    هو


    الجنــــــــــــــــــــــــــة



    فيه اسمى من دا هدف عند اى واحدة وواحد فينا

    طيب ليه مش بنشتغل عليه

    سايبين نفسنا للشيطان و للناس و لهوى النفس

    يرمينا يمين و شمال

    و يبعدنا عن طريقنا

    عارفين ايه طريقنا للجنة؟

    التوحيد اولا
    بشهادة ان لا اله الا الله و أن محمدا رسول الله

    اسلامنا و ديننا
    له 5 اعمدة
    و دى حدود طريقنا اللى رسمهالنا ربنا
    الشهادتين

    اللى بيشهدها و متيقين بها دخل الجنة

    ثانى حاجة

    اقام الصلاة

    ياترى احنا بنفكر قى اقام الصلاة كما ينبغى
    بناديها كلها؟
    طب بناديها فى مواعيدها

    طب بناديها بالخشوع اللازم
    طب على الاقل بنضغط على نفسنا شوية عشان مانسرحش فيها ؟

    و على الرغم ان كلنا عارفين
    انه الصلاة هتريحنا و الدعاء فيها هيريحنا
    مع ذلك بنستسلم للشيطان اللى بيضحك علينا بهمومنا
    الحقيقية و الوهمية

    الحقيقية
    دى ابتلاء يستلزم الصبر و الدعاءو الرضا

    و الوهمية يستلزم مكافحة الشيطان و نفسنا الامارة بالسوء

    و طبعا الصيام
    تصدقوا انا اول مرة انتبه لكلام واحد من الدعاة

    انه الصيام هى العبادة الوحيدة اللى بتستمر اطول ساعات فى كل العبادات

    طول ماحنا صايمين بناخد اجر العبادة
    طول اليوم

    ليه مابنصمش غير رمضان و ايام القضاء بنصومها بالعافية؟

    الزكاة
    انا عندى حسن ظن بيكم كلكم فى موضوع الزكاة
    لكن
    فين الصدقة
    الصدقة تطفئ غضب الرب

    بنتصدق؟
    مش لازم بفلوس؟
    فين اماطة الاذى؟

    فين
    الكلمة الطيبة صدقة
    لزوجك لاولادك
    لجارة
    لاهلك
    لاهل زوجك
    لصاحبتك؟

    كلمة تريدى بيها وجه الله تعالى


    طيب الطريق للجنة

    ليه بننسى
    انه الجنة حفت بالمكاره و انه النار حفت بالشهوات؟


    يمكن تسألونى
    مال ده و مال الريجيم و قرف الخسسان؟


    لأ له و له و له!

    احنا حياتنا و ريجيمنا ونمشى صح او غلط
    كله متوقف على نفسيتنا
    لو نفسيتنا حلوة
    همتنا تعلى
    و اليوم يمشى تمام
    و ننفذ كل الواجب علينا و مافيش عك و مقاومتنا جميلة لكل الاغراءات



    و اليوم اللى نفسيتنا وحشة
    او عندنا قلق بخصوص شيئ
    او حتى لا شيئ

    اليوم يلخبط
    كل اللى علينا وواجباتنا تجاه نفسنا ما بناديهاش
    بناكل اللى فى الثلاجة
    مافيش رياضة
    اصلى ماليش نفس


    طيب اقتنعنا انه نفسيتنا اهم مافى الريجيم

    طيب نفسيتنا ايه اللى بيسيطر عليها

    حاجة واحدة
    قربنا من ربنا او بعدنا
    كل ماكنا قريبين نفسيتنا ترتاح و صبرنا يزيد

    و كل ما نبعد الشيطان يمسكنا و يقيدنا
    و نفسنا و هوانا كمان
    و احنا نفتكرهم اقوى مننا
    لكن لو استقوينا بربنا هنقدر عليهم

    انا و الله مش قاصدة اتفلسف عليكم ابدا
    انا باحاول اطلع اللى جوايا

    و اوصل لحقيقة اللى بيحصلنا ده
    شايفة نفسى و شايفاكم
    بقالنا فترة

    نشتغل على الريجيم شوية
    ننزل كام كيلو
    و بعدين تيجى فترة تانية

    حالتنا النفسية فى منتهى السوء
    مافيش حماس
    نرجع كل اللى فقدناه

    و نرجع نكتئب اكتر
    و نفقد الثقة فى نفسنا تماما و نستسلم لظروف الحياه

    و بعدين نحزن على اللى عملناه فى نفسنا بايدينا

    و نكره روحنا

    و نقرف اللى حوالينا
    و نحس بالفشل
    و فيــــــــــــــــــــــــــــــــــــــــــــــن
    على مانفوق
    و نرجع ندور على الريجيمات من جديد
    اشى كيميائى
    و اشى غيره
    المهم ننزل اكبر قدر ممكن فى اقل وقت ممكن

    اسوأ مافينا انه بنعيد نفس الغلطة مرارا و تكرارا و مابنتعلمش من غلطنا

    و نرجع نتعامل مع نفسنا و جسمنا بنفس العقلية المتخلفة
    و دى مش شتيمة لا سمح الله
    بس اى تراجع للخلف يعد تخلف

    و نتعامل تانى مع نفسنا بنفس القسوة

    شوفوا
    انا مش هاحاسبكم على اكل و لا اى حاجة الاسبوع دا نهائى
    اللى عايز يمشى على حاجة يتفضل
    و اللى مش عايز هو حر
    و مش عايزة منكم و طالبة يوميات الاسبوع ده نهائى

    الاسبوع ده
    كلنا هنعتبره
    تمهيد
    لتغيير شامل فى حياتنا
    من الناحية العقلية و النفسية ثم البدنية


    كل المطلوب منكم
    انه تعبروا فكروا و عبروا عن نفسكم
    مش عايزة كلام منقول من اى حتة
    عايزة كلام طالع من قلوبكم

    انا مش اقول فكرتى حاليا
    بس هانتظر ارائكم
    و افكاركم عن اللى فات من حياتكم و اللى جاى هتعيشوه ازاى ؟

    راضيين عن حياتكم
    ؟
    شايفينها ازاى؟

    فى دماغكم ايه و ناويين على ايه؟

    و ازاى نتجنب الهبوط اللى بيحصلنا ده
    بعد كل مرةنزول؟

    ماحدش يقوللى ازاى نبطل ريجيم و احنا لسه داخلين متحمسين كدة ؟

    من اول اسبوع

    اقولكم ماهو عشان مانعيدش الفترة القاسية الوحشة اللى مرت علينا كلنا الشهرين اللى فاتوا

    هنصبر الاسبوع ده
    منتظرة ارائكم

    فى رعاية الله
    آخر مرة عدل بواسطة yaralemoo : 02-11-2012 في 07:51 AM

  2. #2
    hiba b's صورة
    hiba b غير متواجد ياقوتة ركن الصحة والتغذية والرجيم
    تاريخ التسجيل
    Jun 2011
    الموقع
    عمان-الأردن
    الردود
    3,435
    الجنس
    امرأة
    التكريم
    • (القاب)
      • النجمة البرونزية 2012م
      • أميرة الرشاقة 2013م
      • ياقوتة ركن الصحة والتغذية والرجيم
    (أوسمة)
    اول شي مبروك الجزء الجديد
    ويا رب تكون فاتحة خير علينا جميعا وفعلا تكون بداية جديدة لنا كلنا لحياة صحية ونحن اقرب الى الله

    تاني شي الله يسامحك يا يارا
    خليتيني انفض الغبرة عن اللابتوب وغلبتيني وانا ادور على الأسلاك واشبكله نت (نياطة معلش)
    وكل هاد عشان اعرف اكتب عربي لأني اقرا من الأيباد اللي ما بكتب عربي وبلشت اكتب من المفاتيح العربي اللي بتزهقني،
    وحسيت جواي سيل من الكلام لازم يطلع (وعلى فكرة انا مش من النوع اللي يحكي كتير)
    بس من احساسي بكل كلمة كتبتيها

    سبحان الله فتحتي هاد الموضوع في وقت انا بلشت بداية جديدة
    رح اغير هبه الطفسة اللي كل شي بوديها للأكل
    ورح اغير طريقة تفكيريورح اغير اسلوب حياتي،
    ورح احاول اقرب من ربنا اكتر واكتر

    معك حق، البداية من هون من جوى من القلب
    الايمان بالله متوافق مع الفطرة ،
    والانسان لما يوافق فطرته احساس بالراحة يلازمه
    رح اتقوى بالله وبايماني بالله وبعباداته على نفسي
    رح اكون معكم باذن الله
    نحاول نكون سوى اقرب الى الله
    وبعدين نغير اسلوبنا في التفكير
    وبعدين نغير اسلوبنا في الأكل
    يعني ليش لما نكتئب بنقوم ناكل، ليش ما نوقف بين ايدين رب العالمين ونشكيله
    ليش لما نفرح بنقوم ناكل ، ليش ما نا نسجد لرب العالمين ونشكره
    ليش لما نحس بضعف بنقوم بناكل ، ليش ما ندعي ربنا يقوينا بقوته ويفرغ علينا من صبره

    يا رب انت العالم بحالنا وببعدنا عنك
    قربنا الك
    يا رب انت العالم بضعفنا وهوانا على الناس
    قوينا بقوتك وصبرنا برحمتك يا ارحم الراحمين.

    الله يفتحها عليكي يا يارا ويهديكي للطريق الصح ويثبتك عليه
    بخصوص اسبوع التمهيد ،
    مرة تانية سبحان الله، اخدتي الكلام من جواي،
    لسه مبارح قرات مقال عن دراسة بخصوص الرجيم وكيف المحافظة على الوزن المفقود هاي الدراسة قسمت الناس لمجموعتين
    المجموعة الأولى على طول بلشوا رجيم صحي طبعا ورياضة
    المجموعة التانية في البداية ما اخضعوهم لرجيم وهاي الفترة استمرت 8 اسابيع، كانوا بس يحاولو يغيروا فيها عادات سيئة في الأكل
    متل انه يزيدو اكل الخضار والفواكه، ينتظموا بالرياضة ، يزيدو شرب الماء وهيك
    كانت النتيجة انه المجموعتين خسروا وزن بس الأهم انه المجموعة التانية هي اللي قدرت بعد هيك تحافظ علي هاي الخسارة.

    القصد لازم نهيئ نفسنا للثبات على الوزن من قبل ما نخسر الوزن
    فانا اخترت اني اهيئ حالي وانا افقد الوزن اني احفاظ على الوزن
    وشعاري هو اسلوب حياة صحية مليئة بالحركة ما رح اتبع رجيم
    لأ ، رح اكل بشكل صحي وبشكل اكتر وعي للي بينحط في جسمي.
    واجى في بالي مثال كان استاذنا يضل يحكيلنا اياه زمان
    "كل اناء بما فيه ينضح"
    يعني اذا بدي جسمي يساعدني خاصة في كبري لازم من هلأ اساعده حتى يساعدني
    لازم ازوده بالأكل الصحي وامرنه بالرياضة واعوده على الحركة حتى جسمي كمان يقدر يعطيني صحة وعافية
    طبعا الأعمار بيد الله ، بس ليش ما نعيش العمر المكتوب لنا بصحة وعافية وقوة قد ما نقدر.

    اففففففففففففف سامحوني حكيت كتير، الحق على يارا، يارا قالت كل واحدة تحكي اللي في بالها، وانا ما صدقت ههههههه
    بس صدقوني في النفس حسرة على بعدي عن الله، الدينا ماخدتني ويا ريت على شي محرزكلها رايحة، ولا يبقى الا العمل الصالح.
    وفي النفس حزن وحسرة على ضعفي امام نفسي ، وفعلا النفس امارة بالسوء.

    يا رب قوينا على نفسنا بقربنا منك


    وفي النهاية جمعة مباركة ان شاء الله ويا رب يجمعني واياكي يا يارا مع بعض في الجنة
    يا رب يجعلنا كلنا ممن يتحابون في الله يجمعنا كلنا في الجنة سوى

    احبكم في الله


  3. #3
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)
    سلم لسانك يا هبه
    و الله اسعدتينى بكلامك قوى و اللى قريتيه ره
    اخدتيه من على لسانى فعلا
    انا كنادت هاكلمكم فى كدة
    انه نبدا نغير عاداتنا الغذائية و نقرب من ربنا
    ربنا يرزقنا جميعا رضاه و مايحرمنا من الصحبة فى الجنة
    و معلش تعبتك يا حبيبتى بس استمتعت بكلامك جدا جدا
    و فرحت بيه قوى
    باذن الله نتعاون الفترة اللىجاية
    و يارب باقى البنات ينورونا و ينضموا لينا
    تسلمى ياهبه
    ربنا يصلح حالنا و حالك
    امواااااه

  4. #4
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)

    L30



    يسعد صباحكم بالخيرات
    تعرفى يا هبه
    قريت كلامك تانى
    فعلا واضح انه الكلام طالع من قلبك حتى دعواتك
    منى ليكى ياهبه
    ربنا يحققها جميعا
    و حلو شعارك الجديد
    وشعاري هو اسلوب حياة صحية مليئة بالحركة ما رح اتبع رجيم


    تعرفى طول الاسبوعين اللى فاتوا
    و انا متلخبطة من جوايا و بقالى شهور مش راضية عن نفسى اصلا

    بس الاسبوعين
    و انا بافكر

    فى ريجيم
    و فعلا كنت محتارة بين اللقيمات و ريجيم الاكل كل 3 ساعات
    و بعدين
    قلت انا بالتزم فترة
    و بعدين ارجع زى ماكنت
    ليه ماغيرش نفسى
    و كتير كانت بيرن الحديث جوايا
    (ان المؤمن ياكل فى معى واحد و الكافر ياكل فى سبعة امعاء)
    و قوله تعالى
    ان الذين كفروا يتمتعون و يأكلون كما تأكل الانعام ...الى اخر الاية الكريمة

    و ساعة ماسمعها اقول يارب مش كفاية انه الواحد مش راضى عن نفسه بشكل عام و حاسس ببعده عن ربنا
    تيجى الايات دى ترعبنى فوق كدة كمان

    كمان زوجى كتر كلامه عن العملية اللى انا على وشك الاستسلام لها

    بس كارهاها جدا
    مش عشان مخاطرها
    انا حزينة على ارادتى الضعيفة و حزينة على احساسى انى فاشلة

    لما شوية اكل مش عارفة اسيطر عليهم
    امال انا عاملة ايه فى عيشتى كلها

    و عايزة اربى بناتى
    و اصلح حالى مع زوجى

    لقمتين بيغرونى
    و اضحك على نفسى حرام الصينية هتترمى
    اكلها احسن

    و تانى يوم بطنى توجعنى من الجاوته و الحلو و اللب اللى طلعت فيه همى امبارح

    و اللقم اللى فاضلة من بناتى
    حرام ارميها
    و مش حرام عليا جسمى اللى ربنا هيسالنى عنه
    اتقل عليه فى وزنه
    و كل ماقوم احس انى باشيل فيل من على الكنبة عشان اصلى او اقوم بواجباتى؟

    جوايا مازال كلام و افكار كتيرة

    و نفسى منك يا هبه
    انتى و اى حد تانى ناوى يشاركنا
    انه نتعاون
    مانعتبرش الموضوع رئيس و مرؤوس لأ
    اى اقتراحات
    نقولها
    اللى تيجى فى دماغه فكرة حلوة نناقشها

    مافيش كسوف
    و دلوقتى هاكتب خطوات المرحلة التمهيدية للتغيير الشامل الاسبوع ده

    بس عهد منكم و منى
    هنعمل جدول بيها
    اعلقه فى غرفتى او فى المطبخ
    يعنى المكان اللى بادخله
    كتير

    عشان نبدأ التغيير


  5. #5
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)

    L8

    بالنسبة للمرحلة التمهيدية
    هنسميها

    مستوى الانجاز الأول
    و مهماتها هتكون بسيطة يوميا بس شاملة
    و قبل اى شيئاول ماتصحى بصى فى الجدول
    و قول احتسب كل ما اعمله النهاردة لوجه الله تعالى
    او الشهر ده لو خايفة تنسى
    عشان ممكن ماتفتكريش قبل كل عمل
    فتكون واخده ثوابه برضه
    العبادات
    الصلاة فى مواعيدها

    قيام الليل ب3 ركعات فقط

    قراءة ورد من القرآن
    نلتزم بربع حزب بس صفحتين و ربع مش كتير

    العادات الغذائية او الاكل

    ناكل حصص الخضار اللازمة لينا يوميا و هنبدأ ب 2-3 حصص


    الرياضة
    الالتزام ب 10 دقايق يوميا
    و اللى يزيد برافو عليه
    بس مافيش كسل عن 10 دقايق


    الجمال
    قبل النوم كريم لايديكى ووجهك و قدميك او مرة فى اليوم عموما فى اى وقت

    البيت
    ترتيب مع احتساب النية
    و ممكن نشغل اى محاضرة حلوة نسمعها لشيخ او داعية بنحبه و احنا بنروق

    الاهل او صلة الرحم
    الدعاء لهم
    ونسال عليهم مرة فى اليوم مع الاحتساب
    و لو مغتربة كلميهم حتى مرة فى الاسبوع

    الاولاد
    لكل منهم كل يوم
    كلمة بحبك + دعوة ليهم يسمعوها منى لهم + مدح على حاجة حلوة اتعملت او حاجة وحشة ماعملوهاش


    الزوج
    دعوة جميلة - مدح على حاجة حلوة او على وجوده بيننا او اجابة طلباته بسرعة

    هنشرح كل حاجة دلوقتى


    اولها العبادات
    و دى اهم حاجة عايزة التركيز عليها الفترة اللى جاية
    لدرجة انى كنت هاقولكم نركز عليها لوحدها الاسبوع ده
    بس رجعت قولت مادام مافيش التزام بريجيم معين يبقى خلاص باذن الله هتكون يسيرة
    الصلاة فى مواعيدها
    اول ما نسمع المؤذن نسيب اللى فى ايدينا (و نبطل تسويف)و نجرى نتوضأ و نصلى السنة لو متعودين و ندعى لنفسنا و للى حوالينا دعوات بسيطة و نصلى الفرض و ياريت بعيد عن الناس
    عشان الاخلاص و التركيز
    و نختم الصلاة عشان فيه بعض العلماء بيقولوا انها بتتمم الناقص من الصلاة

    قيام الليل ب3 ركعات فقط
    الفرق بين التقى و المنافق
    بعد صلاة العشاء او وقت ماتقدرى بالليل و لسه هانزل موضوع عن ده كمان شوية

    قراءة ورد من القرآن
    نلتزم بربع حزب بس صفحتين و ربع مش كتير
    منها ثواب و لا نعد من هاجرى القران و ننتصر على الشيطان

    العادات الغذائية او الاكل

    ناكل حصص الخضار اللازمة لينا يوميا
    الصح انه حصص الخضار لا تقل عن 3-5 حصص يوميا
    والحصة عبارة عن:
    -كوب من الخضر الطازجة :خس- نعناع - ملفوف - قرنبيط (زهرة) - بقدونس - بندورة (طماطم ) او غيرها
    - نصف كوب من الخضر المطبوخة : لوبيا او فاصوليا خضراء - سبانخ 0 هندباء - بامية - كوسى - باذنجان و غيرها
    لو قسمناها على مدى اليوم كله مش كتير

    الرياضة
    الالتزام ب 10 دقايق يوميا
    و اللى يزيد برافو عليه
    بس مافيش كسل عن 10 دقايق
    نشد بالرياضة جسمنا و نحمى عظامنا من الامراض

    الجمال
    قبل النوم كريم لايديكى ووجهك و قدميك

    و الكريمات مالية البيت مش لاقية اللى يعبرها

    طبعا انتى انثى
    مش محتاجة افكرك و الا ايه؟
    ههههههههههههههههه

    و عايزاكم تفتكروا دايما
    طريقنا الجنة و كل اللى بنعمله ده حاجات حلوة بترفعنا درجة للجنة


    و كمان افتكروا
    المؤمن القوى خير و أحب الى الله من المؤمن الضعيف


    آخر مرة عدل بواسطة yaralemoo : 03-11-2012 في 09:02 AM

  6. #6
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)
    كمان عايزة الوزن و الطول
    و محيط الخصر و الارداف و الصدر بس دول على الخاص

    عشان هنتابع بيهم

    و حاجة كمان يا حبايبى
    كل واحدة فينا هتعمل كراسة او نوتة صغيرة و تسميها (صديقتى الى الجنة) هتحطها جنب سريرها او تحت المخدة احسن مع قلم
    كل ليلة قبل ماتنام
    تكتب ايه الانجازات اللى عملتها النهاردة
    و هتكتبها الصبح مع التقرير اليومى

    و فى التقرير هنكتب البنود السابقة اللى اتفقنا عليها طبعا
    مع ذكر اكل اليوم كله

    هتسالونى ليه؟
    الاسبوع ده هنعتبره مراقبة لنفسنا
    و هنقيم نفسنا اخر الاسبوع
    عشان نقدر نحدد مواطن الضعف عندنا اتفقنا
    بالتوفيق
    آخر مرة عدل بواسطة yaralemoo : 03-11-2012 في 09:14 AM

  7. #7
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)
    الطول
    160سم
    الوزن 96.5 كجم

  8. #8
    تاريخ التسجيل
    Jun 2006
    الموقع
    مصرية مقيمة فى السعودية
    الردود
    5,147
    الجنس
    أنثى
    التكريم
    (أوسمة)
    قيام الليل للشيخ حازم شومان

    نبدا على بركة الله



    1- تلخيص المقطع :_♥

    لسه ربنا الأول فى حياتك ؟
    بعد ما الدنيا ومشاغل الدنيا ومخاوفتها وفلوسها وغيره وغيره اخذت جزء من قلوبنا كلت قلوبنا


    لسه ربنا الأول فى حياتنا ؟
    لسه ربنا له المقام الأول ؟
    طيب فين الدليل ؟ الدليل ؟
    الدليل

    هو قيام الليل


    لو فى قلبك ثقة لربنا قم الليل
    لو فى قلبك شكر لربنا وعايز تشكره قم الليل
    لو فى قلبك حب لربنا قم الليل

    دكتور حازم شومان يحكى عن واحد بيقوم الليل كل ليلة

    فضل ثابت على قيام الليل كل ليلة كل يوم

    بسبب انه سمع واحد قال

    اياك تضيع ميعادك مع الملك مهما كانت الظروف مهما كانت الظروف



    الرسول (صلى الله عليه وسلم ) فى رحلة المعراج
    راى

    موسى بن عمران بيقوم الليل فى قبره وهو ميت
    وانت ما زالت على قيد الحياة ؟؟
    وما زالت صحفية اعمالك مفتوح.




    الفضيل بن عياض تاب إلى الله بسبب واحد قوام لليل وهو بيقرأ
    ’’
    ألم يأن للذين آمنوا أن تخشع قلوبهم ’’
    وطلع يسرق
    قال
    آن يا رب آن يا رب إحنا لسه مآنشى ؟ تخيلوا قلبه اتزلزل بسبب واحد بيقوم الليل



    اللى عايز ينجوا من عذاب النار يقوم الليل

    اللى عايز درجات الجنة العليا يقوم الليل

    اللى عايز يقف فى ظل عرش الله يوم القيامة
    يقوم الليل

    اللى عايز يأمن فى قبره وفى موته وفى يوم القيامة يقوم الليل

    اللى عايز تثقل موازينه يقوم الليل

    يوم القيامة عسى أن يبعثك ربك مقاما محمودا .


    إجابة الدعاء وقضاء الحوائج قيام الليل

    اللى عايز يوجب دعاؤه وجسمه يسلم من الأمراض

    يقوم الليل




    التوصيات


    1- اخذ قرار انى انا هثبت لربنا من الوقت نصف ساعه او اكتر ساعة ساعتين 3 او 4 ساعات لربنا عايزة تثبتى 11 ركعة او اقل 9 او 7 او 5او حتى 3 ركعات
    اللى تقدر تثبته لله
    طيب انا مش بقدر اقوم الليل فى الاخر قومى الليل فى اول الليل فى نصفه فى اخره فى اى وقت
    كلها سنة عن الرسول عليه الصلاة والسلام


    2-اهم حاجه كلمه السر
    10 عشرة ايه ؟
    هى تنهى يومك الساعة 10
    احنا عايزين نعطى وقت للقيام زى ما بنعطى وقت للدنيا والمحاضرات والدورس وغيره

    لازم ده كل ليله امتحان


    فى حبك لله فى ثقتك بالله إمتحان
    فى رجاءك فى خزائن الله ماذا أنزل الليلة من الخزائن ؟ ده كل ليلة عطاءات عطاءات عطاءات



    3-اياك الشيطان يذبحك بكلمة سوف

    سكينة التسويف اللى ذبح بها ملايين نايميين تحت التراب
    اوعى تضيعى قيام الليل
    ممكن تتحددى وقت للقيام الليل
    جربوا والله هتاخذوا ربنا فى حياتكم
    ايه يعنى ساعة على حسب وقت صلاتك ضحينا بها وكسبنا معية ربنا فى حياتنا
    نجرب نبدا يومنا زى ما النبى ما بدءوه
    ونبدا يومنا زى الصالحين ما بيبدؤه بعد صلاة الفجر

    من قام الليل بألف أية كتب من المقنطرين


    نبدا بأذن الله تعالى نقوم بألف اية
    الجزء ال 29 والجزء ال 30
    وسورة الفاتحة نقوم نبكى

    بين إيديه نقوم نناجييه

    أخطر ساعتيين فى حياتك الساعة اللى قبل الفجر والساعة اللى بعد الفجردول الساعتيين اللى فيهم القيام وإجابة الدعاءوصلاة الوتر الفريضة واستغفار الأسحار وصلاة الفجر المشهودةوسنة الفجر اللى خير من الدنيا وما فيهاوجلسة الضحى اللى بحجة أو عمرة وأربع ركعات الضحى اللى بعدها اللى تكفى بيهم طول اليوم من الله كل دول فى الساعتين دول دول لو فاتوك تقضيهم ثانى يوم عشان تعود نفسك إن دول ورد بينك وبين الله


    كل واحد الليلة وكل ليلة هيثبت عند ربنا ........ربنا لسه الأول فى حياته ولا لاء؟


  9. #9
    hiba b's صورة
    hiba b غير متواجد ياقوتة ركن الصحة والتغذية والرجيم
    تاريخ التسجيل
    Jun 2011
    الموقع
    عمان-الأردن
    الردود
    3,435
    الجنس
    امرأة
    التكريم
    • (القاب)
      • النجمة البرونزية 2012م
      • أميرة الرشاقة 2013م
      • ياقوتة ركن الصحة والتغذية والرجيم
    (أوسمة)
    صباح الخير يارا
    صباح الخير لكل البنات اللي رح ييجوا
    يا رب تزيد لمتنا اكتر واكتر
    والصحبة الصالحة دايما تشجع
    الواحد لما يقرا يوميات غيره المنيحة يغار ويتشجع هو كمان

    يارا كل الكلام اللي قلتي عجبني بس ايش قصدتي بانهاء يومك عند الساعة 10؟
    وايش قصدك في ختم الصلاة؟؟؟

    على فكرة انا عملت جدول وكنت مستحي احطه في غرفتي احسن حد يشوفه
    مش مستحي بدرجة اني ما بدي حد يعلق وانا لسه في اول الطريق
    مرات اللي حوالينا تعليقاتهم السلبية بدون قصد منهم تحبطنا

    يعني انا مخفف اكل ، وبس اكل لقمة حلو او شوكولاته
    ما انتي عاملة رجيييييييييييييم بكرها هاي الجملة ، وتخليني انفجع على الأكل كاني انتقم منهم في نفسي !!!!!!!!!!!!!!11

    بس خلص رح احطها عشان تذكرني كل يوم صبح وكل مساء وكل وقت

    اما تعليقي عن التعديلات
    فاول شي العبادات
    بس حاب اذكر نفسي قبليكم في السنن ، 12 ركعة في اليوم تبنيلنا بيت في الجنة

    تاني شي عادات الأكل
    رح اركز هاد الأسبوع على ادخال الخضار في وجبة اكل، واعود حالي على اكل السلطة قبل او مع وجبة الغداء عشان تخفف كمية الأكل وتزيد احساس الشبع. (هاي العادة كتير مهمه في التثبيت)
    وعملت مبارح شوربة خضار، رح اصير اشربها مع وجبة الغداء واذا جعت بين الوجبات
    ولازم كل واحدة تدور على محفزات الأكل ، يعني في اشياء لا شعوريا تحسي فيها برغبة في الأكل
    ومن هاي الأشياء عندي التلفزيون!!!!!!!!!!!
    هلأ انا ما بتفرج كتير على التلفزيون ، بس كل يوم في مسلسل ساعة او 2 ان كترت ، وفي هاي الساعة بخرب كل التخفيف تبع النهار
    كله بيخرب للأسف، ومش قادر امنع حالي
    فمبارح متلا ، كنت ناوي ما اتفرج بالأساس بس بعدين فرشيت اسناني وقلت لو اكلت وانا اتفرج رح الغي التلفزيون تماما والحمد لله عدت على خير.
    ان شاء الله كل يوم

    وبالنسبة للرياضة هدفي انه حتى لو لخبطت بالأكل ما الغيش الرياضة من يومي ابدا
    يعني فصل تام بين الرياضة وبين الأكل
    الرياضة هي عادة يومية صحية لازم نلتزم فيها بغض النظر عن اكلنا

    اما عن التعديلات السلوكية
    فااااااااااااااااااااااااااااااااااااااااااا حدث ولا حرج
    وخلي الطابق مستور احسن
    بس رح احاول والله عم احاول
    والي لاحظته اني اثبت على تقويم السلوك فترة وبعدين احس من جواي بضيق شديد ما بيروح الا لما ازعل كل اللي حولي
    الله يعينا على نفسنا



  10. #10
    تاريخ التسجيل
    Dec 2009
    الموقع
    الدنيا لازاااالت بخيييييييييييير
    الردود
    6,925
    الجنس
    امرأة
    التكريم
    • (القاب)
      • ملكة الرشاقة 2013م
      • بصمة متميزة
    (أوسمة)

    L36

    السلام عليكم ورحمة الله وبركاته
    ماشااء الله عليك ياراااا انما فضفضة بجد ربي يكمل لك بعقلك ويثبتك ويثبتنا ويااربي صحبتنا على طاعة الله تكون فاتحة خير لصحبتنا في الفردوس الاعلى جوار البي عليه افضل صلاة وسلام
    عودة قوية ماشااء الله مبروك اللقاء واخيراا لقيتي نفسك فرحت لك وانا مثلك كنت مخنوقة واتاري نفسنا عطشاانة لربنا وروحة لا تستانس الا بالله ومع الله وفي الله واحنا ندور على راحتنا في الاكل والكسل
    ربي ينور دربك ويفتحها في وجهك وين ما رحتي ويبارك في بناتك
    وفكرتك ماشاء الله خلتني الااقي نفسي المتبعثرة وهبة يااه منورة وحشااني يا عسل والله خير ما جمعنا هنا طاعة وصحة هههههههههههه اوعو تغيبو نحتسب كل حرف لله والدال على الخير كفاعله
    ونفسي كل البنات تجي اكيد نتنافس في طاعة الله وهذا ما اعتقد انه رياء فيها ايه لما نعبد ربنا ونجري ليه سوى فيه ناس تثبط وتقول دا رياء انما في ناس المهم عندها واحد ياخذ بايدها ونخليها صحبة في الله وياربي تكون حجة لنا وربي ماا يحرمكم الاجر
    المهم الف مرحب بكم يا غااالياات منوراات وربي يثبتنا على طاعته وكل ما كتبتو قريتو بتمعن وارتتتتتتتتتتتححت كثير نفسيا كنت محتاجة دفعة كدا تصحيني وبفضل الله ابتديت اتوضاقبل الوقت وهذا انفع شيء للصلاة بالوقت عوض سكينة التسويف تبع يارا والا نبقى نركض ورا الشغل الي ما يخلص او اي شيء تافه بالتلفزيون
    اجتهد قراءة وردي القران ولو صفحة على حسب المهم ما اهجره واحاول اجيب ورد الاذكار ومع كثرة الاستغفاار وكل افكاركم روعة ماشاء الله
    ومع زيادة الوزن بالمناسات ونفسنا الضايعة بين الحلو و الاكل الملخبط رجوعنا لربنا هو الحل مافيش حل تاني وباذن الله مع بعض نرجع ونهدا ونوعى بجد انه هدفنا مو الاكل ونفسنا تتعب من كثرته انما الاعتدال وغعند الحاجة اتنما يصير هدف وملااذ مدمر بدل آآآآآآمن لازم نفوق من وكستنا وخيبتنا الثقيلة
    اختكم غلطت بطولها سابقا طولي 173 ووزني 80 للاسف عك وانتقاام والحجة العيد ندلع انما والله نفسيا ما كنت راضية اول زعل افش خلقي بالاكل
    نفرح زي بعض الفرحة تجوع هههههههههههههه انما نتعب والمعدة تتمغص والحرقان انما لامتى من اليوم التزاام جااد باذن الله والله لما شفتكم غيبتو ضعفت وفشلت لكن ربنا حابب لكم الخير على ادينا هه
    الصبح لعبت 40د رياضة منوعة لكل الجشسم وجري بالمكان والله نفسيتي كانت احلى وانا اذكر ربنا وحسيت بالسعادة وعقبال كل يوم اوعو تغيبو خلونا نروح الجنة سوى ههههههههههههههه ياربي امين
    رااجوو الحقي هناا رااحتك وصحتك اوعي تغيبي وكل البناات نواال وينك ياربي تكوني بالف خير وكل الغاالياات احضروونا من اليوم نبدا بجد وشعااري... وعجلت اليك ربي لترضى اجتهد ان يكون ربي الاول في حياتي وكل شيء بالحلال ولا لاسرااف ونتحرك كثيير واي وحدة تضعف تجي مباشرة تفضفض اوعي تروحي تاكلي خلينا نتحرك لما نتنرفز مو نااكل ونتشحمم مش ناقصين شحوم والله

    ام عمار وباقي البنات وينكم ؟؟؟؟؟؟؟؟؟؟؟؟؟؟؟؟؟؟؟؟مشكورة اختي على تعبك معايا ربي ما يحرمك الاجر يالله يالله نتجمع ونحافظ على جسمنا بالاكل الصحي والرياضة ونحافظ على روحنا بالاقرب الابدي من ربناا

    احبكم في الله

    آخر مرة عدل بواسطة مستبشرة بالخير : 03-11-2012 في 12:52 PM

مواضيع مشابهه

  1. [مجموعة] جروب المسلمات رشيقات و أنيقات ..باقى 40 يوم على العيد ..ج 4
    بواسطة yaralemoo في ركن التغذية والصحة والرجيم
    الردود: 862
    اخر موضوع: 02-11-2012, 07:52 AM
  2. الردود: 478
    اخر موضوع: 15-09-2012, 09:44 PM
  3. الردود: 1002
    اخر موضوع: 25-06-2012, 01:30 PM
  4. الردود: 1037
    اخر موضوع: 10-05-2012, 04:57 PM
  5. جروب المسلمات رشيقات
    بواسطة Nora82 في ركن التغذية والصحة والرجيم
    الردود: 236
    اخر موضوع: 13-07-2010, 11:19 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ