مرحبا للجميع..

بدي تساعدوني عنجد..

هلقيت انا قبل ما اتزوج كان وزني 51 وطولي 168..

الي تلات سنين متزوجة وجبت ولدين ما شاء الله وكلو ضغط على صحتي ..

حالياً انا مركبة لولب وبرضع ودايما دايخه وتعبانة بدون ما اعمل شي..وزني 45 ويمكن اقل ..وهان المصيبة جوزي كتير مدايق وبيحكيلي بينفعش لازم تنصحي..

شو اعمل لانو انا برضو مش عاجبني هيك..كيف أبدأ نفسي اتخن..

حبيبتى

ربنا يخليلك اولادك يااااااااااااااااارب


حبيبتى شو بتتغذى؟
وكيف قوة دمك؟
هل تأكدتى من نسبته؟


اجيبى على الاسئلة وربنا يسعدك

حبيبتي اذا بترضعي اكلي اكثر زيدي المكسرات والحلويات اضافة شرب الحليب كامل الدسم والطحينة وان شاء الله اني اضعف وانتي تسمنين

ماشاء الله اكيد الاخوات رح يفيدوكِ

حاولي تاكلي كل شوي بس بدك تنتبهي يعني ماتاكلي دهون بحجة بدك يزيد وزنك

بصراحه مابعرف شو ئلك بس ماحبيت أطلع بدون ما أكتب رد

الله يوفقك يارب

شو رأيك أعطيكِ كم كيلو من عندي ههههه

سبحان الله ناس حابة تنزل الوزن
وناس حابة تزيد الوزن
الله يعينك بس انت بالفعل وزنك نازل كتير
بالنسبة لطولك ديرى بالك على صحتك
وروحى استعينى بخبيرة تغذية

طيب شو رايك تاخدي الدهون الي عندي وتريحيني ههههه
حبيبتي اشربي عصير جوافة كتير
طبيعي مش صناعي
وكمان منقوع الزبيب بيرفع نسبة الدم وبتبطل الدوخة عندك ان شاء الله بالاضافة الي انو بيورد الوجه وبيعطيه لون حلو
وكلي كل ساعتين وحبة صغيرة
وقد مافيكي اشربي حليب كامل الدسم
وكلي بسكويت ومعمول ومعجنات
قد مافيكي
يبعتلك يا القلم جوعتيني هههههه
ان شاء الله انتي تنصحي وانا اضعف

حبيبتي لازم تعملي التحاليل اللازمة لتشوفي شو المشكلة عندك

يمكن يكون مثلا خلل بالغدة الدرقية

ولازم تلعبي رياضة تقويفيها عضلاتك

مو رياضة للحرق لا.. لتقوية العضلات وتنشيط جسمك ,,ضروري

لما كنت مشتركة من زمان بجيم كان في صبايا نحاف كتير يجو يلعبو تمارين بأعداد محددة ويكلو بعدها مثلا يشربو كوكتيل حليب وموز ..(هيك كنت شوف المدربات يقولولهن )

أنا بعرف إنو الأكل بعد الرياضة مباشرة بتسمن

مرحبا ياعمري ..بلسم الجروح

والله زمان ما فحصت دمي بس لانو بسبب اللولب بتكون الدورة عندي كتيرة عشر ايام تقريباً كل شهر وكل عشرين يوم بتيجي ..

وبسبب الرضاعه والصغار دايما دايخه وتعبانة..يعني مبين انو فيه ضعف دم..

جوزي بيشتغل من الستة الصبح للتسعه بالليل..وانا من طبعي ما بحب اكل لحالي..فباكل لقمتين سندويشة ع الماشي ..

يسلمو كتير ياعمري على ردك..

كتبت بواسطة ام عبد الله عراق

حبيبتي اذا بترضعي اكلي اكثر زيدي المكسرات والحلويات اضافة شرب الحليب كامل الدسم والطحينة وان شاء الله اني اضعف وانتي تسمنين

اهلين حبيبتي ام عبد الله ..كيفك؟

انا حابة اكل شي بس ع حسب المتوفر ..فشي شي عندنا اسمو حليب كامل الدسم ..نيدو بينفع؟؟
مشكلتي بجوع بس ما بشتهي الاكل نفسي مسدودة..

كتبت بواسطة ~~ أم عُبـــــاده ~~

ماشاء الله اكيد الاخوات رح يفيدوكِ

حاولي تاكلي كل شوي بس بدك تنتبهي يعني ماتاكلي دهون بحجة بدك يزيد وزنك

بصراحه مابعرف شو ئلك بس ماحبيت أطلع بدون ما أكتب رد

يسعدلي طلتك يارب ..

الله يوفقك يارب

شو رأيك أعطيكِ كم كيلو من عندي ههههه

يسعدلي اياكي يارب يا سكر..

انا متل ما حكيت ما بشتهي الاكل نهائي ..هلقيت بدأت افكر جد انو ما بينفع هيك ورح أنتبه لحالي واصير كل شوي اكل ..

ويسلملي مرورك يا عمري