مسا الخير حبيباتي انا ماشيه  على دايت تخفيف واكل بس مشاوي وتوست بر وجبن قليل الدسم وسلطات وفواكه واستخدم حبوب خل التفاح ابل فت لكن ليا ثلاث اسابيع ومانزلت الا كيلوين فقط
وزني كان 80واصبح 78 ومشكلتي لايتوفر لدي مكان لامشي فيه وشقتي صغيره وظروفي لاتسمح بان اشترك في نادي ف مالحل اريد ان اصل الى الستين خلال شهر تقريباً واستخدم خلطة الكمون والزنجبيل والقرفه والليمون والشاي الاخضر
ساعدووووني الله يجزاكم خير اريد ان اتخلص من وزني الزائد وخاصه بعد الولاده وصل الى الثمانين

السلام عليكم
غاليتي اهلا بك

اولا الله يوفقك وتقدري تنزلي وزنك بس شهر قليل كتير لتصلي لل60 وتفقدي 18 كيلو
بدي انصحك ما تقتصري بالاكل على المشاوي وبس
نوعي باكلك بس خليه اكل صحي وما تحرمي جسمك من دهون خفيفة مثل زيت الزيتون معلقة صغيرة يومي

الفطور احرصي عليه ما تقتصري على الجبن القليل الدسم ممكن تنوعي بين البيض والفول واللبنة
او اللبن اي الزبادي

كلي سناك مرتين باليوم وخليه للفواكه
الغداء ممكن تضيفي نشويات له يعني قطعة خبز قمح او 4 الى 5 ملاعق ارز او مكرونة

العشاء خليه خفيف ممكن توستة بر مع لبنة او جبنة او لبن مع فواكه

كمان بدي الفت انتباهك ان الجسم لما ياكل اكل متشابه ما بيعود ينزل لانه بيصير يتعود على سعرات وشكل واحد للاكل

الرياضة ممكن تمارسيها بالبيت حتى ول كان بيتك صغير
في تماريين المشي بالبيت تمارس حتى ولو بيتك صغير

الماء احرصي عليه كثيرا ولا تقللي الكمية عن اللتر ونص ويا ريت اكثر الجو صار صيف

ممكن اذا بدك تسجلي مع اي مجموعة هنا بالركن تتشجعي مع العضوات اللي بيبحثوا عن الرشاقة مثلك

الله يوفقك

كمان بدي انصحك الحبوب اللي بتاخديها لا تتعودي عليها كتير تخافي تضرك لا قدر الله من طول فترة استخدامها

هذه بعض الروابط ان شاء الله بتفيدك
عندك مشكلة بالجوانب والأرداف والبطن ..تعالي شوفي تجربتي في إنزال 20 كيلو و بالصور


http://www.lakii.com/vb/a-8/a-719903/

تمارين خاصة لتنسيق و تنحيف الأرداف و الفخذين مشروع (رياضتي تحافظ على صحتي و

ما شاء الله ام انس ما قصرت ابدا


بجانب التخفيف عليكى بالرياضة

واعطتك تمارين بيتيه

وممكن ترقصى او تمشى بالبيت

و6 كيلو بالشهر ممتاز وصحى

والله معك

انا براي ان مشكلتك الاساسية انك اكلك قد جهدك.يعني اكنك عاملة تثبيت لوزنك مش تخسيس

يعني مفيش جهد جسدي يستهلك من الدهون المخزنة

حبيبتي اليوتيوب مكلياااااان فيدويهات رياضة لفي الكمبيوتر ع اي جهة فاضية بالاوضة واعملي التمارين ...باي مطرح

لو عندك درجيتن اوز حتى عتبة المطبخ اطلعي وانزلي وعدي ربع عشر دقايق وضلك زيدي

في كتير حلول للرياضة بس تكوني انتي مستعده نفسيا الها وتتقبليها

زيدي جهدك الرياضي ...راح تبدا الدهون المتراكمة تنزل ووزنك ينزل

ممكن تلاحظي زيادة اول فترة حتكون من تكون العضل ...وبعد الزيادة راح تضعفي اسرع واكتر

واستخدم حبوب خل التفاح ابل فت

بلاش هذه يا قلبي
اذا حابه استخدمي خل التفاح مع السلطة وبس

بدك تصلي للستين
أو تصلي إلى عالم الستينات
؟؟؟

هلأ تنظيم الوجبات مهم جداا
التقليل من النشويات مهم جداا
الماء لترين باليوم مهم جدااا

وكمان الاهتمام بالرياضة بشكل اساسي
امشي بمكانك
أنا بعرف وحده خست كل وزنها الزائد
من التخفيف + رياضة المشي بالمكان
وكانت تعمل حركات من المواضيع اللي اعطتك اياها اختي بحيرة البجع
وربي يوفقك يااارب

الله يعطيكم الف عافيييييييه يااقمار وتسلمي يابحيرة البجع ع جهدك
ان شا الله اجرب التمارين اللي ارسلتي لي
ومن ناحية المجموعه كيف التحق بجموعه يعني امشي معاهم ع رجيم معين او كيف

أهلا وسهلا أخت سوزين معنا
نورتي منتدانا الحبيب
الأخوات ما قصرو وعطوكي النصائح المفيدة
بالنسبة للمجموعات منرحب فيكي بأي مجموعة غنتي حابة
وما عنا ريجيم محدد بأي مجموعة
كل وحدة حسب رغبتها


هي مجموعة الغالية بلسم جروح المنتدى كلو
http://www.lakii.com/vb/a-8/a-775489/



وهي مجموعة حبيبتنا الشفاعة مع ريجيم النقاط (حلو كتير صحي ومتنوع)
http://www.lakii.com/vb/a-8/a-776437/



وهي مجموعة نجمات الرشاقة في تحدي بين البنات ولو كنتي جادة أكيد حيقبلوكي فيها
http://www.lakii.com/vb/a-8/a-776658/


وهي مجموعة الغالية بحيرة البجع
http://www.lakii.com/vb/a-8/5-773412/



ولسه في كمان مجموعات ,,
إنتي لفي وشوفي واللي بتعجبك سجلي فيها
بتكتبي بالموضوع نفسه إنو بدك تشاركي معهن وبتحطي طولك ووزنك
وبتصيري بتكتبي يومياتك كل يوم متل باقي الصبايا

بتمنالك التوفيق حبيبتي والوصول للمثالي وإنت بصحة وعافية