[مجموعة] جروب المسلمات رشيقات و أنيقات ..انطلاقة نحو الرشاقة ( مجموعة ورد مدينى)
اهلا و سهلا بكم فى جروب المسلمات رشيقات أنيقات فى انطلاقة نحو الرشاقة و طبعا لازم تكونوا عارفين ان من زمان المسلمات فعلارشيقات جميلات أنيقات طول عمرهم
بيحبوا يلبسوا و يتعطروا و يتزينوا و يكتحلوا
دى حقيقة
جروبنا انا فتحته و كرستالة زرقاء شريكتى فى قيادة الفريق بالنيابة عن ورد مدينى ربنا يرجعها بالسلامة
في البداية احب اشكر كل اخوتي اللي اشتركوا معنا في الاجزاء الماضية و باجدد شكرى للمستمرين معنا حاليا
و شكرا للغالية ورد مدينى صاحبة الفكرة الاصلية للجروب و اللى كانت بتشجعنا طول عمرها و كانت شايلة مسؤلية كبيرة عننا ماحسيناش بيها الا بعد ما امسكنا القيادة بعدها
و ربنا يصلح حالك ياورد و احنا فى انتظارك غاليتى ترجعى تنورينا من تانى
اخواتي باقي 90 يوم تقريبا على بدايه رمضان وجميعنا يريد ان يستقبله بكل جديد وخفة تعيننا على العبادة والصيام والطاعة
وما حققناه خلال الفترة السابقة يزيد من عزيمتنا لنبدأ باذن الله من جديد
وانا في غير حاجة لتذكيركم ان حلم الرشاقة ليس مستحيلا ان عقدنا النيه وتوكلنا على الله
فعايزين نكون وصلنا رمضان برشاقة و اثناء رمضان باذن الله يكون التثبيت
و نحضر احلى لبس للعيد ان شاء الله نفرح بهدية ربنا لينا و نلبس أحلى وأجمل لبس واحشنا من زمان بنشوفه فى الفاترينات و نتحسر
المرة دى هنقول لأ كلنا للسمنة لأ للاكل و شعارانا
شبعنا أكل نفسنا نشبع لبس بقى
وانا من خلال الجزء اللى فات استخلصنا او كرستالة شريكتى
انه أهم حاجة
الدخول اليومى و التفاعل بين البنات هو دا اللى بيخلى البنات تتحمس و تكمل و تتشجع و تساعد بعضهاكل ما تحتاج
و عايزاكم من اللحظة دى تخلوا نية انكم تخسوا و تبقوا رشيقات خالصة لله أولا عشان احنا مسلمات لازم نكون مثل و قدوة
و نعدد النيات
انه دا جهاد فى الزوج زى ما قال رسولنا صلى الله عليه و سلم
انه جهاد المرأة حسن تبعلها لزوجها
و ايه اكتر من انك بتصلحى من نفسك و شكلك عشان تعفي زوجك
فريجيمنا و طريقة اكلنا الصح و رياضتنا فى حد ذاتها جهاد له أجره و ثوابه عند الله
و عشان شغل البيت
والتخسيس والعبادة والتجميل والاولاد
والاهتمام بالزوج و نفسيتنا كل هذه الاشياء تقريبا
مرتبطة ببعضها
فلازم و ضروووووووووووووووووووووووووووورى التواصل بيننا
علطول
و باذن الله مع الرياضة و الاكل الصحى اللى هنتناولة هيكون فيه نصايح للاعتناء بنفسنا و اولادنا و نشارك فيها و نذكر بعض بالاذكار و العبادات
و مش هيخلى الجو من هذارانا و ضحكنا لانه ترويح عن نفسنا
فتنضيف المنزل يعينك على عدم التفكير
في الاكل او التركيز مع شعورك بالجوع
كتير مننا لما يندمج في شغل البيت
بينسى نفسه
وكمان الذكر بيعين بطريقة سبحان الله
فعلا
اما التجميل فبيعطي حافز ودفعة وبيساعد في تعديل الحاله المزاجية يعنى انا اول ما احس اني نفسيتي تعبت بخش اتمكيج واروق على نفسي
كمان عايزة اقولكم على حاجة
عايزة اللى ناوية تستمر هى اللى تدخل
مش عايزين ناس تدخل مرة و تجرى الالتزام اهم شيئ
لانه اللى ما بتدخلش و ندخل نلاقى الموضوع فاضى
دا بيحبط الباقى
او انه واحدة تدخل تشتكى من نوبة جوع بتهاجمها دلوقتى ماتلاقيش حد يسندها و يساعدها
بالنسبة لنظامنا:
- اختارى الريجيم اللى تحبيه بس التزمى
- هيبقى فيه رياضة يوميا و شعار للرياضيات النشيطات
- اللى هتغيب 3 ايام بدون عذر هنعتبرها منسحبة
- المشاركة اليومية اهم حاجة و اللى هتتفاعل اكتر هتاخد شعار التفاعل
- هتحطى شعار اليوميات و هتكون بلون اسود عشان نميزها بسهولة مع اليوم من فضلكم
- الرياضة يوميا لا تقل عن ساعة
- هتكتبى بلون فريقك
- هيبقى عندنا مسابقة للوزن بين الفرق هنقسم الفرق حسب الاوزان بالالوان ان شاء الله و هيبقى فيه شعار للفريق و شعار لرشيقة الاسبوع
- اللى هتعك فى الاسبوع مرتين او مش هتعمل رياضة مرتين هتحط شعار تختوخة هانم و لو التزمت ايام بعدهم تشيل الشعار
- المرة دى الشروط صعبة احنا اتدلعنا كتير و جه وقت نشد على نفسنا بقى مش هنفضل طول عمرنا فى جروبات ريجيم لا ينتهى ابدا
عايزين نعمل جروب التثبيت و الوزن المثالى بقى
المطلوب منكم كبيانات:
الوزن
الطول
نوع الريجيم
الرياضة المفضلة
مقاس الوسط و الارداف و يتبعت على الخاص و احنا هنحسب النقص الاسبوعى و نحطه مش البيان الاصلى
فى النهاية احب اقولكم كلمة :
الرشاقة رحلة طويلة لازم يبقى فيها عقبات و حفر نقع و نقوم و و نتكعبل و نقوم
و حواجز عريضة تاخد وقت مننا شوية عشان نعديها و اشارات مرور نقف نستنى الاشارة لما تفتح بس نقف مكاننا مش نرجع لورا
و حتى لو لخبطت احاول اعدل اليوم اللى وراه و ماستسلمش و باذن الله مش هيضيع مجهودكم
فامشى فى طريقك و ماتلتفتيش يمينك و لا شمالك عينك على حلمك اللى عايزه تحققيه و مش شايفة غيره و شوفى بس اللى بيشجعوكى و بيحيووكى مش اى حد تانى ما يهمكيش و لا يهمه نجاحك
بالتوفيق قدامكم النهاردة ان شاء الله عشان الحق اعمل جدول الاوزان و الفرق و بكرة باذن الله انزل الشعارات و نبدأ من بكرة باذن الله
اهلا و سهلا بكل البنات اللى هيشتركوا معنا
هتنورونى و عايزين جدية يا قمامير
قال على راى المثل وجع ساعة و لا كل ساعة
هههههههههههههههههههه
شهرين تلاتة و نخلص ان شاء الله
كتبت بواسطة كاردف
الروابط المفضلة