انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 100 123451151 ... الأخيرالأخير
عرض النتائج 1 الى 10 من 996

الموضوع: [مجموعة] رشيقات طول السنه *عشره على عشره** التسجيل مغلق

  1. #1
    تاريخ التسجيل
    Dec 2008
    الموقع
    جوه القفص مع عصافيرى & بحاول افتحه &
    الردود
    5,132
    الجنس
    امرأة

    clap [مجموعة] رشيقات طول السنه *عشره على عشره** التسجيل مغلق

    السلام عليكم ورحمة الله وبركاته


    وحشتونى جداااا ووحشنى المكان والصحبه وبناتى اللى قضينا مع بعض احلى ايام واحنا بنعمل دايت طبعا مش بنعمل صينيه بشاميل اممممم يا جمالها

    اعوذ بالله من الشيطان لااا التوست والجبنه الدايت والفراخ المشويه المتبله على كيفى مفيش احلى منهم نعمه من عند الله
    اليوم قررت انى اقف وقفه جامده مع نفسى وافكر فى صحتى اللى هى نعمه من الله

    ليه بنفرط فيها ودينا بيحثنا على الحفاظ على الصحه وشكر الله عليها

    اذاى افرط فى صحتى مقابل ساندويتش برجر او بانيه مليان دهون ونشويات وكمان لما اكله جسمى مش حيستفاد باى فيتامين غير دهون متراكمه

    طيب انا لما اكل اكل صحى مش حستفاد جسم رشيق فقط لا ده كمان مناعه قويه وفيتامينات جسمى محتاجه وجلدى وشعرى اللى بشتكى انه بيقع ( ال يعنى هو مجنون بيقع لوحده ماهو من اهمالى وعدم اهتمامى بتغذيتى )

    ناهيكم عن الامساك اعزكم الله اللى بقا شكوى عامه للناس كلها وده طبعا نتيجه طبيبعيه لعدم الاهتمام بالخضروات والفواكهه

    ومش معنى الاكل الصحى انى اكل جزر طول النهار او ان طعم الاكل يكون وحش بالعكس فى اكلات صحيه كتير ومنوعه بس انتى دورى وابحثى بنفس الهمه بتاعتك وانتى بتبحثى على طريقة الكنتاكى والبطاطس الوينجز

    علمى ولادك ياكلوا صح انتى بالاكل الغلط ده بتضيعى مستقبله وبتضعفى من صحته وذاكرته ويكون ضعيف مرهق دائما ده غير طبعا سمنته اللى بتحرمه من حياته كطفل وبعد كده حياته كشاب ورجل او امراه

    اقفى مع نفسك وفكرى جيداااا انتى ليه بتعملى كده فى نفسك

    فقد حثت آيات القرآن الكريم على عدم
    التبذير والإسراف في تناول الطعام، وعلى سلوك منهج التوسط
    والاعتدال في كل شؤون الحياة، فقال جل وعلا: { وكذلك جعلناكم أمة وسطا لتكونوا شهداء على الناس ويكون الرسول عليكم شهيدا} البقرة ( 143)

    فقال عز وجل: { وكلوا واشربوا ولا تسرفوا، إنه لا يحب المسرفين} الأعراف (31)

    وقد وردت في السنة النبوية الأدلة الموجهة الى النهي عن الإكثار والإفراط في تناول الطعام والشراب،
    فقال صلى الله عليه وسلم ::"ما ملأ آدمي وعاء شرا من بطنه، بحسب ابن آدم لقيمات يقمن صلبه فإن لم يفعل فثلث لطعامه وثلث لشرابه وثلث لنفسه"؟

    ودلت دراسات العلم الحديث على أن السمنة الناجمة عن الإفراط في تناول الطعام تعد من أخطر أمراض العصر، إذ ينشأ عنها العديد من الأمراض التي تهدد حياة الإنسان وتعرضه للهلاك مثل أمراض السكري وارتفاع ضغط الدم وتصلب الشرايين والنقرس، وهذا ما يؤكد صحة المقولة المأثورة : " المعدة بيت الداء والحمية رأس كل دواء".

    اظن بعد الكلام الجميل ده منقدرش نفتح فمنا الا فيما هو مفيد وضرورى
    اهتمى بشرب اللبن خالى الدسم والزبادى واللبن الرايب
    اهتمى بالعسل الابيض فى الفطار
    اهتمى بالخضروات لازم كل وجبه تحتوى على الخضروات الطازجه
    اهتمى بالفواكهه المتوفره عندك مش حنقول كيوى وجريب فروت لا اى فاكهه
    اهتمى بالمشروبات الدافيه اللطيفه زى الينسون التيليو او الشاى الاخضر
    ابعدى عن الدسم خااالص وقللى من النشويات
    شرب الميه ليه فوايد كتيييير قوى منها البشره وعدم جفافها ومنع الامساك اعزكم الله بالاضافه الى اهميتها للجسم كله فالماء سر الحياه

    وبما انى بشر محتاجه مساعدتكم ونحط ادينا فى ايد بعض ونشجع بعض ونمشى مع بعض طريق الرشاقه باذن الله

    يلا بينا نلتزم ونبتدى صفحه جديده كلها امل وحماس
    طيب ايه رايكم نعمل مسابقه بسيطه تشجعنا
    حنسميها عشره على عشره
    تكون 10 ايام بعشر متسابقااات شرط تكون المشتركات على درجه عاليه من الامتياز لان كل يوم حتخرج واحده فينا بسبب غلطه ولو بسيطه فى يومها والمتميزه اللى حتوصل لليوم العاشر حتكون هى صاحبة شعار 10 على عشره



    وبما انى بحبكم طبعا اللى حتخرج من التنافس مش حنسبها فى الشارع واقفه لوحدها لا حتفضل معانا ملتزمه برضوا بنفس الشروط لان فى نهاية ال10 ايام ونوزن حنشوف اكتر نزول وزن تاخد لقب رشيقه

    مسابقتى ليها شروط يجب قراءتها اولاااا جيدا والالتزام بيها علشان مفيش واحده تقولى طلعت ليه وبسبب ايه ؟!

    وطبعا المسابقه بدون زعل احنا هنا مش علشان نزعل مع بعض احنا بنساعد بعض وبنتواصل بكل حب واخاء ومن الاول الاشتراك بمزاجك وارادتك


    الشروط


    1- يستحب فى المشتركاات ان لاتكون مشتركه فى اكتر من مجموعه اخرى ( بصراحه حاجه محرجه قوووى الاقيها داخله مجموعه وكاتبه يومياتها ومطنشانى او العكس داخله عندى ومطنشه باقى المجموعات الموجوده فيها )ده غير بيكون تشتيت جامد كفايه عليكى مجموعه او اتنين بالكتير


    2- الالتزام التام بكل ماهو صحى ونوع الدايت على كيفك المهم يكون دايت مش تقوليلى واكله حمامه محشيه واحده وبخفف كده اسمه تهرييييج



    3- شرب الميه تحتها 70 خط
    لتر ونص ليس اقل من ذلك


    4- الرياضه ااقل شىء نص ساعه اى نوع اللى تحبيه وتقدرى تعمله منوعه او نوع واحد براحتك المهم لايقل عن 30 ق ويكون بشكل متواصل يعنى مش ربع ساعه الصبح وربع بالليل لا النص ساعه على بعضاها



    5- الدخول اليومى لكتابة اليوميات والتواصل معانا



    6- الفرى يوم واحد فقط فى الغالب بيكون يوم الجمعه علشان الاجازات لو اخدتيه فى يوم تانى براحتك ملكيش عندنا يوم زياده



    7- صدر رحب ومش بتزعلى لان كل يوم واحده حتخرج من التنافس



    يلا فكروا كويس وتوكلى على الله ونوى واخلصى النيه
    لما تقررى تعالى اكتبى موافقتك وحنبتدى ان شاء الله يوم الاربعاء ان شاء الله
    ( طبعا الجمعه دى مفيهاش فرى ) بلاش دلع


    ولو العدد كمل قبل كده حنبتدى على طول ونوزن كلنا مع بعض
    ملحوظه العدد المطلوب 10 فقط
    ارجوكم اللى تدخل وتلاقيهم 10 بلاش احراااج


  2. #2
    تاريخ التسجيل
    Nov 2011
    الردود
    118
    الجنس
    امرأة
    احب اشترك معاكي يا ندي

  3. #3
    تاريخ التسجيل
    Dec 2008
    الموقع
    جوه القفص مع عصافيرى & بحاول افتحه &
    الردود
    5,132
    الجنس
    امرأة
    شعار 10 على 10 من ابداع حبيبتى بيررووووو
    وعلشان كده محجوز ليها مكانين مش مكان واحد خخخخخخخخخخ لغاية لما تدخل تقول مش عاوزه اشترك معاكم

  4. #4
    تاريخ التسجيل
    Dec 2008
    الموقع
    جوه القفص مع عصافيرى & بحاول افتحه &
    الردود
    5,132
    الجنس
    امرأة
    تعقيب كتبت بواسطة فله وياسمينه عرض الرد
    احب اشترك معاكي يا ندي
    اهلا بيكى يا فله معانا
    بس مقولتيش موافقه على الشروط وايه رايك وانطباعك فيها

  5. #5
    تاريخ التسجيل
    May 2005
    الموقع
    في بلدي,حيث الدماء أنهر وشلالات
    الردود
    16,869
    الجنس
    أنثى
    التكريم
    • (القاب)
      • ملكة الرشاقة لصيف 1432هـ
      • قائدة شتوية بارعة
      • احساس راقي
      • أميرة الرشاقة 2013م
      • مبدعة دورة الــ mms
    (أوسمة)
    ندىىىىىىىىى
    واااو
    منورة أبلة ندوووووووووش
    اشتقنالك كتييييييييييييييير يا عسل
    فكرة مسابقتك حلوة كتير
    بالتوفيق


    حسبنا الله وكفى

  6. #6
    تاريخ التسجيل
    Dec 2008
    الموقع
    جوه القفص مع عصافيرى & بحاول افتحه &
    الردود
    5,132
    الجنس
    امرأة
    تعقيب كتبت بواسطة هبهوبة عرض الرد
    ندىىىىىىىىى
    واااو
    منورة أبلة ندوووووووووش
    اشتقنالك كتييييييييييييييير يا عسل
    فكرة مسابقتك حلوة كتير
    بالتوفيق
    هبهوبه حبيبتى وحشانى
    وشكرا يا جميل على المرور
    تعالى هنا وقوليلى بقيتى رشيقه والا ايه النظام معاكى

  7. #7
    تاريخ التسجيل
    May 2009
    الموقع
    غزة العزة-(إم يزونة سابقا)
    الردود
    13,324
    الجنس
    امرأة
    التدوينات
    9
    التكريم
    • (القاب)
      • معطاءة ركن الصحة والتغذية
      • محررة في مجلة أنا ورحلة الأمومة
      • درة صيفنا إبداع 1432هـ
      • لمسة إبداع
      • نبض وعطاء الشتاء
      • مبدعة ركن الصحة والتغذية
      • مبدعة صيفنا إبداع1431هـ
      • لؤلؤة الإحسان
    (أوسمة)
    بالتوفيق حبيبتى
    كلامكسليم
    ربنا يوفقكم جميعا
    بالامس كان في احشائي قريباً من نبضات قلبي ،،

    واليوم اصبح في احضاني قريبا من عيني،،

    فقد ابصر النور"زين"

    بحجم كل شئ حمدآ وشكرآ لخالقي

    أسأل الله ان يحقق لكم ما تتمنون



    عصفور فى مقصلة الشواء"هنا حكاية"



    الى مدرآء المدآرس في غزة ؛
    لآ تسجلوآ طلآبكم ؛ غآئبون !
    بل : " أحيآء عند ربهم يرزقون " :')

    لك الله ياغزة وفقط

  8. #8
    تاريخ التسجيل
    Dec 2008
    الموقع
    جوه القفص مع عصافيرى & بحاول افتحه &
    الردود
    5,132
    الجنس
    امرأة
    شكرا ام يزونه للتشجيع
    بارك الله فيكى

  9. #9
    تاريخ التسجيل
    Jul 2008
    الموقع
    (قلب الحبيب)
    الردود
    1,501
    الجنس
    أنثى
    يالهوى ياخراشى نددددددددددددددددددددددددددددددى
    وحشتينى جدا والله ماصدقت لما قريت أسمك.....أنا طبعا أخيرا حسيت على دمى بعد طول غياب وقررت أبتدى رجيم من 3أيام بس
    وطبعا جيت أدور على حد منكم مالقيتشى فانضميت لمجموعه بس طبعا أنا هنا معاكم ده أنا من العصابة القديمة ماشى ياقمر....طبعا مش عايزة أصدمك من الاول وأقولك بقيت كام كيلويالا ما علينا..... وحمد الله على السلامة مرة تانى

  10. #10
    تاريخ التسجيل
    May 2005
    الموقع
    في بلدي,حيث الدماء أنهر وشلالات
    الردود
    16,869
    الجنس
    أنثى
    التكريم
    • (القاب)
      • ملكة الرشاقة لصيف 1432هـ
      • قائدة شتوية بارعة
      • احساس راقي
      • أميرة الرشاقة 2013م
      • مبدعة دورة الــ mms
    (أوسمة)
    ندوش حبيبتي
    أنا تقريبا متل ما أنا ..
    وزني هلق 62.2 وطولي 158

    وصارلي كم شهر وأنا طالعة نازلة بين 63 وال61
    ونفسي ومنى عيني أبقى 55 ما بعرف كيف


    حسبنا الله وكفى

مواضيع مشابهه

  1. [مجموعة]تنافس المرضعات-امهات رشيقات -الجزء السادس-التسجيل مغلق
    بواسطة ام لانا 20 في ركن التغذية والصحة والرجيم
    الردود: 398
    اخر موضوع: 09-07-2011, 11:37 PM
  2. عيد سعيد يابنات لك كلهم وتصميم فله عشره على عشره
    بواسطة هدوءءءءءءء في ركن التصاميم
    الردود: 17
    اخر موضوع: 15-09-2010, 01:35 PM
  3. عشره تمنع عشره(حديث مكذوب )
    بواسطة شيمـاء في روضة السعداء
    الردود: 2
    اخر موضوع: 02-09-2010, 01:21 PM
  4. العبه هي من واحد الى عشره ولي يواصله رقم عشره يختار سواق وشغا ***
    بواسطة عين الغزاله في ركن الألعاب والترفيه
    الردود: 2
    اخر موضوع: 21-08-2006, 06:06 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ