مساء الخير على احلى منتدى واحلى صديقات اشتقتلكم كلكم ليلي بعرفو ويلي ما بعرف لكن الصبايا النشيطات واللذيذات

غبت فترة طويلة بس دائما بدخل بطمن على الكل وبسكر


شفاعة وبنت الاحرار وكل العزيزات على قلبي اشتقتلكم

بس هلأ ارجعت بس هالمرة وانا حامل وعم انتظر بوبو جديد


المهم اللي صاير معي انو هلأ انا بالشهر الاول و وزني هلأ 72 كيلو اووووو ما؟ ههههه

وهلأ ماني عارفة كيف انزل منو شوي يعني بصراحة مو عارفة كيف ينزل وزني شوي وبنفس الوقت اكلي يكون متكامل بالحمل

كيف بدي نزل وزني شوي قبل ما يزيد اكتر بالشهور الجاي

بدي مساعدتكم شفاعة بنت الاحرار


سلام يا غالين

ألف مبرووووووووك الحمل
الله يتمم لك على خير وتقومي بالسلامة

لك اهلا وسهلا بفلة الفلة

الف الف الف مبروووك الحمل فرحتلك ياقمر و ان شاء الله بتقومي بالسلامة انتي و البيبي و يكون من الصالحين البارين و من حفظة الكتاب الكريم

شوفي ياقلبي هو مافي ريجيم خاص بالحامل

انتي ياقلبي جربتي الريجيم قبل و الاكل الصحي

يعني بتعرفي الصح من الغلط كل ماعليكي انك تاكلي متل قبل 3 وجبات رئيسية

ووجبتين سناك يكونوا فواكه

يعني قللي من النشويات و كلي خضرة وفاكهة كتير ( و هادا اكتر شي بفيد البيبي )

و كتري من شرب الحليب القليل الدسم و ممكن قطعة حلو او 2 صغاااار بالاسبوع

اذا اشتهيتي شي بسمن و مكون من النشويات الغي النشويات من الوجبة اللي بعدها

انتي اول 3 شهور تقريبا لازم وزنك مايزيد يعني الزيادة بال 3 اشهر التانية حوالي 3 كيلو

و ال 3 اشهر الاخيرة حوالي 6 او 8 كيلو يعني لازم تنتبهي اول فترة بالحمل مالازم يصير زيادة ولو صار ماتكون كتيرة

و اذا ماصار عندك اجهاض قبل و حملك سليم و الدكتورة طمنتك بتقدري تمشي كل يوم نص ساعة او ساعة بس مو مشي سريع

يعني مشي عادي انا طول فترة حملي كنت امشي حوالي ساعة كل يوم تقريبا و ماصار عندي زيادة غير بالطبيعي

بس الزيادة صارت بعد الولادة الحمد لله على كل حال

المهم يعني اكل صحي متوازن متل قبل طبعا الحامل بيطلعا اكتر من الشخص العادي

و شرب مي كتير و سوائل متل الحليب و كلي تمر كتير

شوفي اذا بتحبي بتقدري تفوتي تسجلي يومياتك و انا بقدر تابعك بس مجرد متابعة لاكلك يعني مافي ريجيم و هيك شغلات

و الف مبروك مرة تانية شتقنالك و منستناكي بعد الولادة باذن الله

موفقة ياقلبي :

يا عيني عليكِ يا شفاااعة ما قصرت

فلة اشتقنا لكِ يا قلبي
وزيادتكِ مش لهذه الدرجة كبيرة
يعني بعد الولادة بتنزليهم

المهم الأن ضعي براسك شيء واحد
ما أزيد أكثر من 10 كيلو بالحمل
بالأكل الصحي والإبتعاد عن الضار
اركز على الفواكه والخضار وما هو مفيد

وصدقيني بإذن الله بعد الولادة
كله بإذن الله ثم إرادتكِ
بتنزلي اللي زاد من وزنك

وربنا يوفقك يااااااااااااااااارب

واي استفسار ضعيه هنا
فكلنا بنساعدك

حبي لكِ فله

اشتقنا لكِ كثيرررررررررر

سلام عليكم

اول شي هبهوبة شكرا كتير الله يبارك فيكي ويخليلكي ياكي

تاني شي والله شفاعة بنت الاحرار صدقوني عيني دمعت بكلامكم المريح متل صداقتكم ما لقيت ابدا صحيح احنا ما منعرف بعض من قريب بس والله حاسة انكن موجودين معي

انا ان شاء الله رح دير بالي بالحمل وزي ما قولتولي اكل صحي وحاول امشي ساعة يوميا طبعا بعد استشارة الدكتورة

المهم الف شكر الكم وانا كمان اشتقتلكم كتير والله وان شاء رح تابع معكم

شفاعة رح ادخل وانضم للكروب ان شاء الله وشكرا لأن رح تضميني معكم واتابعيني

بحكبكم كتير

سلام عليكم

ام عمار

مبروك فلتي ....

ان شاء الله بصحة و عافية ....

البنات ما قصروا ...نصائح رائعة و قيمة ....


مثل ما قالت بنوتة ليس أكثر من 10 كيلو..

و مثل ما قالت شفوعتي ....مشي كل يوم ....

المهم الآن الفصل الأول حاولي ما يزيد وزنك

و الفصل الثاني أكثر شيء 2 كيلو....

و اتركي الفصل الثالث بحرية لأنه هنا هو أهم فصل للبيبي و اكتمال تكوين المخ و باق يالأعضاء .....


الله يوفقك

كتبت بواسطة ☺أم إبراهيم☺

مبروك فلتي ....

ان شاء الله بصحة و عافية ....

البنات ما قصروا ...نصائح رائعة و قيمة ....

مثل ما قالت بنوتة ليس أكثر من 10 كيلو..

و مثل ما قالت شفوعتي ....مشي كل يوم ....

المهم الآن الفصل الأول حاولي ما يزيد وزنك

و الفصل الثاني أكثر شيء 2 كيلو....

و اتركي الفصل الثالث بحرية لأنه هنا هو أهم فصل للبيبي و اكتمال تكوين المخ و باق يالأعضاء .....

الله يوفقك

حبيتي ام ابراهيم كيفك شو اخبارك اشتقتلك والله


شكرا على النصائح وما انحرم منك ابدا

حبيبتي فلة
فرحت كثير بالحمل
الف مبروك
يلة تعالي معنا على مجموعة النقاط

بوساتي الك وللبوبو

كتبت بواسطة fatinzeki

حبيبتي فلة
فرحت كثير بالحمل
الف مبروك
يلة تعالي معنا على مجموعة النقاط

بوساتي الك وللبوبو

فاتن الله يبارك فيكي يارب ان شاء الله رح كمل معكم

انت طمنيني عنك شو صار معاكي وكيف كندا معك اخدتي شهادة السواقة و سقتي ولا لسا ؟

تبوسك العافية يارب

مليوووووون مبرووووووك يافلة
الله يتمم لك ويرزقك الذرية الصالحة
وإن شاء الله تحافظي على وزنك
اشتقت لك ياقمر