بالبدايه بشكر القائمات على هالفكره الرائعه جزاكن الله كل خير وبميزان حسناتكن ان شاء الله
طبعا كلنا منعرف وخصوصا بركن الصحه فوائد الفطور واهميته بالايام العاديه فكيف ايام الدراسه اكيد فوائده واهميته بدها تكون مضاعفه
الحمد لله ابني هي السنه دخل صف اول وطبعا مع بداية العام الدراسي ككان عندي مهمه صعبه وهي انو ابني يفطر قبل ماينزل عالمدرسه
ولكن بفضل الله تغلبت عليها وصار يفطر كل يوم
بالبدايه جبتلوا صور من الانترنت عن اطفال مريضين الله يشفيهم ويشفي جميع مرضى المسلمين وقلتلوا اكيد هدول مابيفطروا
وحكيتلوا شوي عن فوائد الفطور قلتله انو الطالب يالي بروح بدون فطور ع المدرسه عقله بضل نايم ومابيصحى
وصرنا كل يوم بالليل نتفق شو رح نعمل فطور الصبح ان شاء الله
وهلىء جينا ع المهمه الاصعب وهي انو لازم يكون فطور متنوع خفيف متكامل
حاولت كتير يكون اكل اطفالي بشكل عام صحي والفطور بشكل خاص وهلىء اكيد بستنى ارائكم بكل شوق حتى اعرف اذا فطور ابني صحي ومتكامل اولاء
هون كان فطورنا زيتون اسود واخضر وتوست وبيضه مسلوقه وطبعا كاسة حليب
ابني كتير بحب الرز بحليب وطبعا طلبه مني وعملتله وهو قال بدو يساعدني بالفطور وحط كم حبة جوز ورشة قرفه مع قطعة توست وتمر
وحتى يكون الفطور متنوع بعملوا بالبيت فطاير سبانخ بالجبنه مع كاسة حليب وموزه
هون كان الفطور صنف واحد وهو شوفان مع زبيب بالحليب صحيح صنف واحد بس بعتقد انه فطور متكامل
[CEN
[/CENTER]
وحتى نغير ومايمل احيانا بكون الفطور تمر واكيد ما النا غنى عن كاسة الحليب
وحتى ما احرمهم من شي ولما بكون بدي اكافئهم بحطلهم كورن فلكس بالشوكولا بصراحه ما بحب اعود اطفالي كتير عليه حتى مايصيروا يطلبوا الشوكولا بشكل مستمر
TER]
والحمد لله مستحيل مستحيل يشتري اي شي من المدرسه ع المدرسه انا بعطي اشياء خفيفه مثلا موزه تفاحه زبيب علبة زبادي بالفواكه خيار جزر وهيك اشياء
طبعا احيانا بيطلب يشتري من المدرسه بس بقعد وبفهموا انه مامنعرف شو حاطين بالصندويش ولا منعرف كيف بيعملوا طبعا بيوافق بس بيكون من قلبه بيتمنى يعمل متل رفقاته بس الحمد لله انه بس قلتله بجوز يكون فيهم لحم خنزير فورا بيقتنع وببطل يطلب
اما الشيبسات وغيرها فالحمدلله انه المدرسه بتمنع هالشي عندهم صندويش وبس
والحمد لله رب العالمين
وهون لازم اقول صدق من قال العقل السليم بالجسم السليم
ودمتم بكل خير
الروابط المفضلة