السلام عليكم ورحمة الله وبركاته
أخواتى الحبيبات ومشرفاتنا الفاضلات
أتمنى إنكم تقبلو مشاركتى البسيطة معكن فى هذه المسابقه الرائعة
والله فطار أولادى بسيط جدا لكن حبيت أشارك معكن وتكوت أول دخولى لهذا القسم الرشيق
أخواتى من منطلق أننا نعامل الله فى أولادنا الذين هم أمانه عندنا ومن تعاليم رسولنا الكريم
أن كلكم راع وكلكم مسئول عن رعيته أبدأ
بسم الله
أنا تعودت إن لازم أولادى يبدءو يومهم بعد الوضوء والصلاة بأخذ ملعقة عسل النحل التى لا غنى عنها أبداااااااااااااااااااااا
ثم بعد ذلك نبدأفطارنا العادى المفيد اللى هو طبعا اللبن والبيض المسلوق
الكالسيوم اللازم لبناء أجسامهم الصغيرة
وطبعا أحب جدا إنى أعطى معاهم سكريات وده طبعا علشان المجهود اللى بيذلوه بالمدرسه وطبعا ما فيش غيره اللى مالوش أضرار نهائيا وطبعا ملىء بالفوايد المهمة للجسم
التمر
بعد ذلك نبدأبتحضير ساندويتشات المدرسه وهى فى الحقيقة بسيطة جدا جدا
وتتكون من عيش وجبن قليل الدسم أومربى أو الجبن القريش مبشور به جزر وقطع صغيرة من الفلفل الأخضر وزيت الزيتون لما به من فوائد
وطبعا أى نوع من الخضروات مثل الجزر أو الخيار أو الفلفل الأخضر
يعنى بحسب الموجود بالمنزل
وطبعا ما بنسى الخضرة فى الساندويتش
وعادة بتكون إما كرفس أو بقدونس
طبعا بعد حضور أولادى من المدرسه وبعد الجرى واللعب وبذل المجهود المضاعف ده ولكى يستطيعوا تكمله اليوم من واجبات وغيره لازم أكل أى شىء قبل الغداء مثل
الرمان
وما أدراك ما الرمان وفوايده اللى كل يوم يكتشفها العلماء طبعا بقوم بوضع قليل من السكر فيه قبل الأكل بشويه
وممكن فاكهة أو عصير يعنى أى شىء متوفر بالمنزل أو بليلة (الغله )أوالفشارأو أى شىء ممكن يفيد الطفل
وبكده أخواتى الغاليات بتكون إنتهت فترة الإفطار لدينا
أتمنى إنها تكون مشاركة مفيدة
وأعذرونى لأن الصور غير كافيه وغير واضحة
وأعذرونى إنى دخلت بالموضوع على طول والله ما أعرف أنمق الكلام بالموضوع بس حبيت أشارككم بيها وجزاكن الله خيرا
والسلام عليكم ورحمة الله
الروابط المفضلة