©{« تجربة تستحق القراءة »}© تجربتي مع الريجيم
بناءًعلى طلب الأخوات حبيت أحكي لكم عن تجربتي أوتجاربي المريت بيها من وأناصغيرة
بدايةً كنت صغيرة لمااكتشفت ان وزني زايد وكان عمري 15سنة
ووزني تقريباًكان 65ك.. للأسف عملت كذا رجيم وأي أحدينصحني بأي
حمية كنت أعملو على طول بس للأسف,,كنت بس أتعب عالفاضي
وبالعكس كان وزني كلمالو يزيد لحد ماوصلت 82ك!!!!
تخيلو أعمل رجيم وماأنقص ولا كيلو ايش أسوي بعدها؟؟طبعاًأترك
الرجيم..وكانت أمي الله يحفظهالي تقول لي يابنتي بلاش تتعبي
نفسك الوزن لو يزيدعالطبيعي كم كيلو ماحيضر أهم شي انك تتمتعي
بصحة جيدة!!!هوصح كلامها ان الصحةالجيدة أهم بس من فين تجي
الصحة واحنا مليناأجسامنا بالشحوم الزائدة؟؟
يعني مافي تحفيز ولاتشجيع بس تحطيم..وللأسف كنت أترك الحمية
لكن شوية شوية حسيت اني لازم أتحرك وأشوف لي صرفة لحسن
ألاقي نفسي في يوم من الأيام أثخن امرأة في العالم بسبب الإهمال ومايفيدني الندم ساعتها
عملت الرجيمات الفاشلة بالنسبة لي شخصياً ,,لان في البعض
استفادوامنها طبعاً لان الجسم عن الجسم يختلف وهذاشي أكيد..
خلونا في المهم التجارب الفاشلة بالنسبة لي:
أولها الرجيم الكيميائي,,أي نعم طبقتو لمدة شهر تخيلو كم نقص وزني؟؟
5 ,ولا 4 ولا3 ولاكم؟؟
مانقص إلاكيلو واحدفقط!!! بعدما نشف ريقي وسقط شعري بالهبل
ومن يومها أعاني من فقر دم شديد وهبوط في السكروالضغط
لاوراح جسمي غيرطبيعي وتوترعندي الجهازالهضمي وخليها على الله
من جد موت تدريجي الكيميائي,,,
وجربت كمان رجيم الصنف الواحد بس بصراحة ماقدرت أواصل لاني تعبت معاها كمان..
وعملت رجيم التمر والحليب, بصراحة مانزلني أبداًلكن حسيت انو ينشطني ومدني بالطاقة كثير..
لاتستغربو يمكن لاني من النوع اللي ماكنت آكل الحلو كثير..
وبصراحة اللي نحفني شوية وغيرمن مظهري واللي اتفاجأالكل لما
شافوني يوم زواجي وانبهرو بالنيو لوك تبعي
هو: التخفيف
أي نعم خففت من الأكل ولاأخفي عليكم كنت آكل أي شيء
وأجلس عالسفرة زي زي غيري وماأحرم نفسي من ولاشيء
فقط كنت آكل لحدماأحس اني لسه ماشبعت والله ان هذا اللي جاب
معايا نتيجة..وكنت أعمل رياضة خفيفة مثلاًمشي 30د ورياضة ربع
ساعةأو10دقائق,,بس كنت ماآكل الشيبس والمقالي عموماً
والشكولاتةوالغازيات الانادراًولو آكل كمان آكل على خفيف وبسيط
وماشاءالله نزل وزني 15كيلو ولاعاد معايا الوزن هذا إلابعدالزواج
بعدماحملت بولدي كانت أمي تزن علي آكل ولاأخفف عشان
الجنين لايضعف وينمو كويس وهذا اللي رجع وزني 73ك
وحملت على طول بعدولدي ببنتي وابتلاني ربي من جديد فزاد وصار75ك
وأناحالياًأعمل التخفيف ورياضة بسيطة مع مجموعتي في صحتي قبل رشاقتي وانشاءالله أوصل للوزن المثالي..
ولاأنسى أذكركم بان التخفيف طبعاًياخدوقت شوية وتريجياًتلاقي
حالك خاسة ونازلة
أناتقريباًأخذمعايايمكن سنةونص أوسنتين بس الوزن يبقى ثابت..
صدقاًحديث الرسول صلى الله عليه وسلم جاب معايانتيجة:نحن قوم لا
نأكل حتى نجوع واذاأكلنالانشبع"أوكماقال عليه السلام بأبي هووأمي.
أتمنى انكم استفدتو من تجربتي وسامحوني عالإطالة
رد مع الاستدلال
الروابط المفضلة