عدت اليكن اخوااااااتى الغاليات بموضوع اتمنى
ان يكون مفيدا وان تؤخذ منه العبرة والعظة
غاليتى:
كم تعذبتى من الرياضة؟
كم حرمتى من اشهى المأكولات؟
كم صبرت وقاومت؟
كم وكم وكم
الى ان اتت هذه الايام المباركة واجتهدتى غاليتى بالعبادة
وصمت النهار متبعة بفطورك وسحورك نظام غذائى صحى
الى ان:
يأتى يوم الفرحة والسرور
انه يوم العيد السعيد
يتجمع الاحبة .......... ويفرح الاطفال
ونستشعر معنى العبادة وقيمتها
ولكن؟؟؟؟؟؟؟؟؟؟؟
هناك ما يخوف بالعيد
فلدينا مثل يقول يوم العيد بتشبع العبيد
لحمة وحلويات ودهون وسكاكر
ماهو اليوم عيد
يبدو أن البعض يستسهل الخرافة والوهم،
هربا من واقع يستلزم بعض الجهد والعمل والتضحية.
يأكل الانسان أكثر من طاقته فيزيد وزنه وتضعف صحته
وتضيع الرشاقة وحسن المظهر..
ورغم وضوح الطريق الى الرشاقة والصحة
واختصاره في تناول الطعام الصحي والمفيد،
مع ممارسة الرياضة والحركة تنشيطا لأعضاء الجسم المختلفة،
إلا أن البعض يصمم على سلوك طريق الخرافة والوهم..
انظرى غاليتى الى هذا المشهد الذى يتكرر فى عيادة الطبيب
فهذا طبيب يتحدث عما حدث فى عيادته قائلا:
أنا: من المهم يا مدام انك تتناولي الوجبات في مواعيدها..
وآخر وجبة اللي هي العشاء تكون قبل الساعة عشرة مساء.
هي: لا يا دكتور.. أنا العشا بتاعي بيكون الساعة 3 الفجر..
أنا: (مندهشا) ليه التأخير دا؟
هي: (منتشية) علشان الباشمهندس جوزي بيحبني اتعشى معاه علشان أفتح نفسه.
أنا: (مستنكرا) وليه بتتعشوا متأخر كده؟
هي: (بفرحة) الباشمهندس يا دوب بيخلص شغله الساعة 3 الفجر.
أنا: (بفضول) ليه كده؟ هو الباشمهندس بيشتغل ايه؟
هي: (بفخر) في المقاولات.
أنا: بس أنا اتعاملت مع مقاولين كتير وعمري مارحت لمقاول الساعة 3 الفجر.
هي: آه.. هو بيخلص شغله قبل كده وبيروح يسهر له شوية.
أنا: (وقد اكتشفت اني دخلت بين البصلة وقشرتها) هو الباشمهندس ها يعمل معاكي ريجيم؟
هي: لا
أنا: يبقى لازم يكون لك نظام مختلف عن نظامه..
هو يسهر زي ما هو عاوز وانتي تاكلي في مواعيد منتظمة علشان تحافظي على دقة الريجيم.
هي: لا مش ممكن يا دكتور.
أنا: وبعدين اللي عاوزة تخس لازم تنام بدري علشان انتظام هورمونات الليل
اللي لازم تكوني نايمة علشان تشتغل صح.. ومنها هورمون النمو اللي بيخلي جسمك رشيق.
هي: ما أنا بأعوض في نوم النهار.. بأصحى من النوم الساعة خمسة بعد الضهر.
أنا: ودي مصيبة أكبر.. علشان هورمونات النهار لازم تشتغل في ضوء النهار..
وانتي طبعا ها تكوني نايمة وعيونك مغمضة وبالتالي هورمونات النهار مش ها تشتغل..
وها تدخلي كده في حالة ارتباك هورموني.. ويمكن دا السر في وزنك الزائد.
هي: لأ أنا وزني زائد علشان الحاجات اللي بأكلها مع الباشمهندس في العشا.
أنا: (وقد عاد لي فضولي السابق) ليه انتو بتاكلوا ايه في العشا؟
هي: الباشمهندس بيحب ياكل اللحمة السمينة والمكرونة بالكريمة وبنحلي بصينية بسبوسة بالقشطة..
أنا: ……….
هي: (منزعجة) الله.. مالك يا دكتور .. جرالك ايه؟
يا اخوانا الحقونا.. الدكتور وقع من طوله.. باينه أغمى عليه!!
خلاصة الموضوع:
لتجنى ثمار تعبك وحرمانك وجهدك وعرقك
احترسى بالعيد
ولا تأكلى الاخضر واليابس
ثم تعلقى على شمااااااااعة العيد
كلى غاليتى ولكن بطريقة صحية متوازنة وبكمية قليلة
ولا تحرمى نفسك ابدا
لا تأكلى غاليتى متأخرا لترضى زوجك او امك او اقاربك
لا يسعنى الا ان اقول
بالهنااااااء والشفاااااااااااااااااء
وكل عام وانتم جميعا بخير
الروابط المفضلة