انا ابي اطبق ريجيم بس عندي بعض الصعوبات والتي سوف اذكرها عن طريق الأسئلة:
1. ما هي ادوات الريجيم ؟
2.هل احتاج للذهاب لدكتور متخصص ولا اطبق اي ريجيم على كيفي؟
3. ما هو افضل رجيم للبدء؟
4.هل جهاز اوربتريك ممتاز ولا فاشل؟
5. هل اجهزة التنحيف بالكهربا مفيده ام لا؟
6. ما هي سالفه ايام الراحه؟
7. هل اقدر اوصل للوزن المثالي واقل؟
8.ما هي الطرق الي تخليني اشبع ؟
9.ما هو المقصود بالاونصة او الاوقية ..الخ من عبارات عن الحجم؟
10. بكم يقدر الكوب بوحده اللتر؟
صار امتحان ثانوية عامة لووول

هلابك بو خالد وانا بجاوبك وعلى الله تفيدك اجابتي ..

1- ما هي ادوات الريجيم ؟

ادوات معنويه وهي العزيمه وقوة التحمل و الاراده .. اما الادوات الماديه فهي على حسب الرجيم

المتبع .. والاشياء اللي بتاكلها اثناء الريجيم ان كانها خضروات وفاكهه ولا معلبات!!

2-هل احتاج للذهاب لدكتور متخصص ولا اطبق اي ريجيم على كيفي؟

بصراحه ماله داعي الذهاب الى طبيب مختص ناس كثير نقص حجمهم وانحفوا من غير الذهاب الى طبيب

لكن الاهم من ذلك هو اتباع ريجيم مناسب ومتوازن الوجبات .. ومجرب وناجح ..

3- . ما هو افضل رجيم للبدء؟

افضل شي دايما هو التخفيف لمدة اسبوع واحيانا اكل الفواكه فقط قبل اتباع ريجيم احتراق لمدة ثلاث

ايام من اجل غسل الجسم وتهيئته للرجيم.


4-هل جهاز اوربتريك ممتاز ولا فاشل؟

يقولون زين لكن يسبب الم في الركبه والظهر اللي افضل منه هو جهاز المشي والدراجه الثابته ..


5- هل اجهزة التنحيف بالكهربا مفيده ام لا؟

افضل جهازين على الاطلاق مثل ماقال الطبيب هو جهاز المشي والدراجه الثابته سواء العاديه او الكهرب

والباقي اغلبها اجهزه تجاريه ..


6- ما هي سالفه ايام الراحه؟

هذي الله يسلمك لازم تاخذها مابين ريجيم وريجيم عشان تقطع الروتين وتعطي الميزان فرصه للنزول

لان اتباع ريجيم بشكل مستمر من دون اخذ راحه توقف الجسم على وزن معين ..

بس اقول : اهم شي لاتطول ايام الراحه يومين بالكثير لانها اذا طالت تطول الى مالا نهايه ......!!


7- هل اقدر اوصل للوزن المثالي واقل؟

الوزن المثالي تقدر توصل له ااذا لم تكن ذا سمنه مفرطه وخاصه انك رجل والرجل معروف انه ينقص

اكثر واسرع من المرأه ..لكن الوصول الى حجم قريب للوزن المثالي يعتبر ايضا ( معجزه ) !!

8- ما هي الطرق الي تخليني اشبع ؟

اذا عرفتها علمني اياها !! عموما يقولون تناول طبق سلطه قبل الوجبه تعطيك
شعور بالشبع السريع

وتخليك تاكل اقل من المعتاد ..

9- ما هو المقصود بالاونصة او الاوقية ..الخ من عبارات عن الحجم؟

اعتقد الاوقيه هي مايعادل 150 غرام .. يعني تراها قطعه صغيره من اللحم وتعادل صدر دجاجه ..

او فخذ فقط

10- بكم يقدر الكوب بوحده اللتر؟

هذا السؤال ما اقدر اجاوبه لين تقولي المئة متر كم متر فيه !! ياخوي وش هالسؤال !!

عسى قدرت افيدك ..

وريجيم موفق ..

السلام عليكم ورحمه الله وبركاته ما شاء روح الخزامة اعطيتك اجبات جدا جيدة وممتازة

سؤالك 8
8- ما هي الطرق الي تخليني اشبع ؟

في بداية الريجيم اول شي بيكون صعب ويحتاج ارادة ووقت تعود المعدة تاكل قليل بصير جدران المعدة شوي شوي تتقلص وبالتالي تحس بشبع بشكل سريع وهذا الشي يجي مع الوقت

وكما ذكرت روح الخزامى طبق سلطة قبل ما تبى بل اكل لان يلي بصير بيتوسع بالمعدة وبتحس بشبع وبتشرب بعدها كاس ماء وتبدا بل اكل اول كم مرة بيجوز تاكل بعد يصير جدا كميات قليلة وتشعر بالشبع

اما اسؤال العاشر

التر بيسوي 4 كاسات

وطبعا كاس واحد اقل من لتر شي ربع وانقص

بالتوفيق ان شاء الله بالريجيم واي سؤال لا تتردد

ياسمين

ما شاء الله الحبايب جاوبوك على كل الأسأله وانشاءالله توصل للوزن المثالى بالصبر والاراده القويه يلا شد حيلك واتوكل على الله وابدأ الرجيم وبالتوفيق


تحياتى

روح الخزامى و ياسمين ورونه شكرا على الاجابات
واعذروني لأني توني يديد على سالفه الريجيم وهالسوالف

وريجيم موفق ..

بالتوفيق ان شاء الله بالريجيم

الله يسمع منكم

يلا شد حيلك واتوكل على الله وابدأ الرجيم وبالتوفيق

انشاء الله