سلام،
يالولافولاو كل البنات،هل يمكن لي أن أتابع معكن هذا الرجيم بعد ما أنتهي من الرجيم لأنا بديت ،يعني بعد 5أيام.
شكرا على الروح الخفيفة.

كتبت بواسطة رورو شيكو

والله ياامينة انتى زى العسل وبلاش سيتى استارز دة خالص دة بيتعب الاعصاب فى كل حاجات فى الناس الى فية والابس الى فية كل الهناك مقاسات عصافير مفيش تنفعنا غير اسبنس يعنى بردة الاكل وانا عايزكى تقولى رجيمك هيكون اية

عزيزتى رورو شيكو

شكرا يا قمر على المجاملة الجميلة دى وانت اللى سكر وعسل كمان هههههههه وبلاش سيرة الحاجات اللى بتطخن دى ههههههه

بصى انا مدمنة سيتى ستارز للأسف هو فسحتى الوحيدة تلاقينى هناك علطول يعنى بروح فى الأسبوع اقل حاجة خالص مرتين

هو يعقد واعصابى بترجع من هناك تعبانة بس اعمل ايه اهو مكان الواحد يتمشى فيه ويتفرج على الناس والناس اكيد بتتفرج عليه

وانا نزلت الرجيم ياريت يكون عجبك

كتبت بواسطة bosbos deeb

حبيبتى امينه كلنا فى الهم شرق كلامك بييجى عالجرح وخلينى الاول اقدم نفسى انا دبدوبه الطخينه من 4 سنين تقريبا يعنى من بعد الجواز والحمل والولاده طولى 162 ووزنى من 8 شهور 96 ونص وده كان بعد الولاده ب4 شهور
ومش عايزه اقولك يوم ماوزنت نفسى والميزان قال 96ونص برقت عينيا وفتحت بقى وقعدت اطلع وانزل من عالميزان مية مرة يمكن يغير رايه ويراف بحالى وينزلنى 10 او 20 كيلو لكن كانت الضربه القاضيه ومن يومها خدت القرار الخطير والنهائى لازم اخس وخدت صورتى بتاعة الخطوبه الى كان وزنى فيها تخيلى 60 كيلو بس اهئ اهئ اهئ كنت مانيكان مفيهوش غلطه المهم حطيت صورتى عالتلاجه وعالمرايه وفى الشنطه عشان كل اما نفسى الاماره بالسوء تحب تتطافس افتكر الخيبه الى انا فيها واقدر امسك نفسى عايزه افكرك ان ده كان من 8 شهور سعنى انت متوقعه انى دلوقتى بقيت ديانا كرازون بعد ما خست بنت الايه وبقت عصايه لكن اخر مره وزنت فيها نفسى من 10 ايام كنت 82 كيلو طبعا الحمد لله 12 كيلو ونص نعمه نقلنى من مرحلة الدبه الام الى مرحلة سيد قشطه وفرق معايا فى اللبس جامد جدا بعد ماكنت بلبس تلبيسة اللحاف زى ماهى كده ممكن دلوقتى اجسمها شويه واعملها تفصيله عند الوسط هاهاها هم يبكى وهم يضحك بس عايزه اقولك ان انا فى الفتره دى كلها معملتش ريجيم بس كنت عامله تخفيف وعشان كده خدت وقت وكمان مكانش الامر بيسلم من اللخبطه يعنى حتة تورتة شيكولاته من عيد ميلاد يوسف ابنى او كراميل وااااااااااااو او فطير مشلتت وجبنه حادقه جايين هديه من البلد بذمتك تقدرى تقاومى؟؟؟؟؟؟؟؟؟؟؟؟المهم طبعا كالعاده سى السيد قصدى جوزى بعد ماكان مبيشيلش عينه من عليا مبقاش يشيل عينه من عالتليفزيون وكترت خناقاتنا وبقيت اتكسف البس لبسى السمباتيك بتاع البيت عشان اللحم ميبظش من كل حته فيه والخلاصه ان الموضوع كبر وهو زهق وكبرت المشاكل طبعا مش دى بس الاسباب لكن دى كانت مخلياه مش قريب منى زى زمان او انا حاسه كده واحنا دلوقتى بعيد عن بعض لاعادة التفكير فى حياتنا واتخاذ قرار قد يكون صعب جدا !!!!!!!!!!ايه ده الحكايه اغمقت اوى معلش اعذرونى بس انا طبعا مش مضطره اقولكم ان فيه ولاد حلال كتييييييييييييييييييييييركانوا بيتعمدوا يفرسونى ويحرجونى عشان وزنى قدامه وانتم طبعا عارفينهم مش كده ياامينه؟؟؟؟؟ هما الى سدوا نفسك وخلوكى تاكلى الجوافه هاهاهالانهم من اصحاب الوزن التقيل وكنت انا الفراشه الى بتفرسهم وماصدقوا يشمتوا فيا حسبى الله ونعم الوكيل
المهم ان انا قررت ارجع احلى واشيك وارق وارفع من الاول مش بس عشان ارجع لجوزى لان مش دى بس المشكله لكن عشان كمان ارجع ثقتى فى نفسى الى اتهزت بشكل كبير ويمكن ساعتها اقدر اتحكم فى حياتى اكتر من كده انا اسفه انى زهقتك لكن يارفيقة الكفاح امضى فى طريقك وانا معاك باذن الله لانى اكتر واحده حاسه بيك وخطتى الخمسيه زيك بالضبط والله معنا وخلى السلاح صاحى صاحى صاحى

اهلا اهلا اهلا بزميلة ورفيقة الكفاح بوس بوس


اولا نورتى يا قمر يومياتى وعايزة اقولك ان كلنا ضربنا بعد ما اتجوزنا .... يعنى الجواز جه علينا بخسارة من كل النواحى مستفدناش منه بحاجة ههههههههه

وعايزة كمان اقولك الحقيقة المرة ان الموازين مش بترجع فى كلامها ابدا يعنى 96 هما ولو غير رأيه يزودهملك شوية هههههههههه

وكمان يا حبيبتى ديانا كرازون مخسيتش ولا حاجة ولا تعبت نفسها دى راحت عملت عمليه تجميل وشفط دهون عند دكتور خالد جودت اشهر دكتور فى مصر وده اللى عمل لليلى علوى وصابرين ومنة شلبى وحسين الجسمى وكلهم

فطستينى من الضحك لما نطيتى من الدب الأم لسيد قشطة ... شوفى الفرق برده الدب مش زى الحاج سيد ... ههههههههه

ومين يقدر يقاوم الحاجت الجامدة اللى ذكرتيها دى .... يالله بقى اللهم اغذيك يا شيطان ههههه

اما بقى بالنسبة لموضوع الهدوم و اللحم اللى بيبظ منها فده بقى حدث ولا حرج ومتفكرنيش بالأيام السودة دى ... دا انا مرة جيت اخرج مع جوزى ملقيتش ولا حاجة تدخل فيه اضريت البس عباية امى
ومرة تانية لبست التى شيرت بتاعه ههههههههه

ويا بنتى ولا قرارت صعبة ولا حاجة اول ما الواحدة بتخس بترجع تانى ثقتها فى نفسها ومش المفروض ان العلاقة بين الزوجة والزوج تبقى قائمة على الشكل فقط لأن عبد الوهاب الله يرحمه قال ايه ( وعشق الروح مالوش اخر ... لكن عشق الجسد فانى ) ههههههههههه

ان شاء الله حنخس وحنفرح ونمشى زى الغزال

وانتى نورتينى يا حبيبتى بدمك اللى زى العسل ده وياريت تنورينى دايما

وخلاص سكت الكلام ... والبندقيه اتكلمت هههههههههه

كتبت بواسطة fofo18

انتم مجموعه خفاف الدم وتقال الوزن يعني حاجه تسد مكان حاجه بصراحه انا اقرا كتاباتكم واضحك كاني بتفرج على فلم عدوله

عزيزتى فوفو

شكرا لمرورك الكريم و مجاملتك الرقيقة

وكويس ان ربنا بيقدرنا نرسم البسمة والضحكة على وجهكم

بس عندى سؤال بسيط مين فلم عدوله ؟؟؟؟

كتبت بواسطة fatibaty

سلام،
يالولافولاو كل البنات،هل يمكن لي أن أتابع معكن هذا الرجيم بعد ما أنتهي من الرجيم لأنا بديت ،يعني بعد 5أيام.
شكرا على الروح الخفيفة.

يا اهلا بى fatibaty

طبعا حبيبتى ممكن تعملى الدايت ده وربنا يقوينا جميعا

السلام عليكم ورحمة الله وبركاته

يومياتى للبارحة واليوم يعنى يوم 16\9 و 17 \9

حدث ولا حرج

تعليف مش تخفيف على رأى بيرو

امبارح طول اليوم كنت بره بخلص مشاوير وحاجات للبيت فأضريت الغ من بره اشى هوهوز على شويبس سفندى

واستهبلت اخر استهبال واخدت ايس كريم وحاجات تانية كتيير

النهاردة بقى كنت مع اصحاب السوء صديقاتى ورحنا كارفور المعادى

اتغديت هناك فى تشيليز و قالولى ودعى بقى ايام الهرتلة علشان من بكرة انضباط
قالى يعنى هما كدة بيشجعونى

بصراحة الواحد مستغرب نفسه يطافس ويقعد ياكل ويلغ وبعد كده ضميره يرجع يوجعه طيب كان فين الضمير ده وانا عماله احشر .... شكله كده بياخد تعسيله وبيصحى لما اخلص اكل هههههههه

المهم انا حوزن بكرة نفسى ان شاء الله علشان لو حصل تعديل فى الوزن ابقى اغير شريط الوزن بتاعى وحبقى احط لكم صورة الميزان بتاعى وعليه وزنى عند اول كل تحدى وفى اخر كل تحدى

والميزان القاد حيكون يوم السبت 25\9 باذن الله

ياله بسم الله نبدأ ... الله ارزقنا قوة الأرادة و العزيمة وقلة الشهية وسدادان النفس

امييييييييييييييييييييين

موفقة ان شاء الله
بس فين الرياضه

كتبت بواسطة noor alhouda

موفقة ان شاء الله
بس فين الرياضه

مشرفتنا العزيزة نور الهدى

نورتى يومياتى وشكرا لمرورك الكريم

ان شاء الله اول اسبوع بالتحدى الأول مشى 10 دقائق صباحا و حركات ايقاعية لمدة 10 دقائق ليلا

فى الأول مدة قليلة بس علشان نلين العضلات والركب ههههههه

ههههههههههههههههههههههههههههههههه
امينة و كنتي عايزة تعضيني امبارح؟
ههههههههههههههههههههه ده علفي انا جنب اللي انتي عملتيه ريجيم هههههههههههههههههههه انا كل اللي عملته اكلت كيك بالشيكولاتة و قطعتين لحمة ضاني مشوية ههههههههههههههههههههههههههههه
و دلوقتي شوب عصير مانجة هههههههههههههههههههههههههههههههه
ياللا عامة غلطة و فاتت و مش هتتكرر يا حلوة صح؟
لا مني و لامنك

بوس بوس

ازيك يا قمر وحشاني موت كده تسيبي النادي و بعد كده لا كلام و لا سلام
انا قريت كلامك و ربنا يهدي زوجك يا رب و يوفقك و ترجعي سمبتيك لنفسك اولا زي ما انتي قلتي برافو عليكي و بالنسبة للهدوم انا كمان لبست تيشرتات زوجي زي امينة هههههههههههههههههههههههههههه
و في البيت بقي قمصان شبه الشوال الهندي دي عارفينها بحجة الحر ههههههههههههههههههههههههههههه
و بيجاماتي الشورت بقي و القمصان مش بيدخلوا اصلا
و لابسة اسود علي طول في الخروج عشان يداري شوية ههههههههههههههههههههههه و بردو فيه بظابيظ ههههههههههههههههههههههه
ياللا ربنا يوفقنا كلنا يا بنات

ايه الزرافه دي
موتوني من الضحك
اوعي تقولي مابعرفش اتكلم مصري
وفلم عدوله ياست امينه يعني فلم لعادل امام في زمانه
لما كان بيفطس من الضحك
وللامانه بس انا لما قلت انكم دمكم خفيف ووزنكم ثقيل
انا مش بعيده عنكم في الوزن وكمان ابقى استاذتك في التخانه لاني وزني حاجه وتسعين
والحلوه بيرو فين موضوع التحدي الصعب اللي حتنزليه لليوميات
والا شفت امينه وظرافتها ونستينا
اوعو تقولو مابعرفش اتكلم مصري
يعني اذا زرافه خطاء تبقى ظرافه صح ولا ايه
تحياتي لكم جميعا

خلاص يا بيرو لقيت الموضوع

امينة
فين يوميات السبت؟
ايه عكيتي من اول يوم؟
اوعي اعضك عضة كبيررررررررررررررررررررررررررررررررة

كتبت بواسطة bero333

ههههههههههههههههههههههههههههههههه
امينة و كنتي عايزة تعضيني امبارح؟
ههههههههههههههههههههه ده علفي انا جنب اللي انتي عملتيه ريجيم هههههههههههههههههههه انا كل اللي عملته اكلت كيك بالشيكولاتة و قطعتين لحمة ضاني مشوية ههههههههههههههههههههههههههههه
و دلوقتي شوب عصير مانجة هههههههههههههههههههههههههههههههه
ياللا عامة غلطة و فاتت و مش هتتكرر يا حلوة صح؟
لا مني و لامنك

بوس بوس

ازيك يا قمر وحشاني موت كده تسيبي النادي و بعد كده لا كلام و لا سلام
انا قريت كلامك و ربنا يهدي زوجك يا رب و يوفقك و ترجعي سمبتيك لنفسك اولا زي ما انتي قلتي برافو عليكي و بالنسبة للهدوم انا كمان لبست تيشرتات زوجي زي امينة هههههههههههههههههههههههههههه
و في البيت بقي قمصان شبه الشوال الهندي دي عارفينها بحجة الحر ههههههههههههههههههههههههههههه
و بيجاماتي الشورت بقي و القمصان مش بيدخلوا اصلا
و لابسة اسود علي طول في الخروج عشان يداري شوية ههههههههههههههههههههههه و بردو فيه بظابيظ ههههههههههههههههههههههه
ياللا ربنا يوفقنا كلنا يا بنات

كتبت بواسطة bero333

امينة
فين يوميات السبت؟
ايه عكيتي من اول يوم؟
اوعي اعضك عضة كبيررررررررررررررررررررررررررررررررة

ازيك يا احلى بيرو فى الدنيا

شوفتى الفاجعة اللى كنت فيها ... حسدونى يا ختى والله ههههههههه

والحمد لله ربك ستر قلت حزيد على الأقل كيلو فى العك دة بس الحمد لله ربنا ستر وفضلت ثابتة على 85

بس للأسف نسيت اصور صورة الميزان ... حبقى اصور صورة اول وزن بقى وخلاص ان شاء الله علشان مخلفش بوعدى معاكم

وان شاء الله باذن الرحمن الفاجعة دى متتكررش تانى لأننا خلاص بقينا فى الجد وربنا يقوينا ونلبس احلى لبس بدل الفضايح اللى احنا فاضحنها للبسنا دى

وشكرا على المتابعة يا قمر ومتقلقيش محصلش حعك ولا حاجة ( انا على العهد يا سوراقة ههههههههههه )و حقولك على يومياتى حالا بس بعد ما ارد على فوفو

كتبت بواسطة fofo18

ايه الزرافه دي
موتوني من الضحك
اوعي تقولي مابعرفش اتكلم مصري
وفلم عدوله ياست امينه يعني فلم لعادل امام في زمانه
لما كان بيفطس من الضحك
وللامانه بس انا لما قلت انكم دمكم خفيف ووزنكم ثقيل
انا مش بعيده عنكم في الوزن وكمان ابقى استاذتك في التخانه لاني وزني حاجه وتسعين
والحلوه بيرو فين موضوع التحدي الصعب اللي حتنزليه لليوميات
والا شفت امينه وظرافتها ونستينا
اوعو تقولو مابعرفش اتكلم مصري
يعني اذا زرافه خطاء تبقى ظرافه صح ولا ايه
تحياتي لكم جميعا

عزيزتى فوفو

معلش يا قمر العتب على الفهم .... مكنتش اعرف انك بتحبى عادل امام قوى كدة لدرجة انك بتدلعيه بعدوله

مهى ممكن عدولة دى تتفهم عديلة ولا عدالات ولا ايه حاجة ههههههههه

انا قلت بس استفسر

ويا ستى حد يقدر يقول انك مش بتعرفى تتكلمى مصرى .... دا انتى زى الفل والله وياله شيدى حيلك بقى فى الدايت وربنا يقوينا جميعا