اهلا بيكم من جديد فى حملة الرشيقات بثوبها الجديد وبعضواتها النشيطات
مرت ايام وشهور على هذه الحمله رشيقات كتير وصلوا لوزنهم المطلوب والمثالى بفضل الله ثم بعزيمتهم
اما باقى البنات فتحتاج كل واحده فيهم الى المساعده والدعم الى جانب عزيمتها وارادتها القويه
فقررت انى افتح باب التسجيل من جديد لاتاحة الفرصه لكل عضوه نشيطه
نشيطه فقط
الموضوع للجادات وبس
النص نص لأ مش حتعمر معانا
كل واحده حتطلب اشتراك تفكر هى حتقدر على التنفيذ والاستمرار والا حتاخد مكان رشيقه تانيه تستحق
الهدف الاساسى من اول اسبوع لينا هو تجربة المشتركات قبل شهر رمضان
استعدادا لمسابقه قويه فيما بيننا
الكسلانين ملهمش مكان معانا
شروط الاشتراك ( الزاميه / اجباريه /صارمه بحذافيرها )
1- التواجد بصفه يوميه لكتابة اليوميات ( مع الالتزام بيوميات جديه مش تحضرى كل يوم بمصايب )
اى غياب فوق ال3 ايام بدووون عذر مقبول جدااااااااااااااااا يبقا حتنزل الى الفريق المهمل حتى ولو النت مقطوووع يبقا تسيب مكانها لمشتركه منتظمه تتفاعل معانا لغاية مشكلة النت ما تتحل عندها
2- شرب كميه كافيه من المااااااااااااااء ( مش سوائل ) وتقدر ب 2 لتر ليس اقل عاوزه بعدهم تشرب سوايل للدايت يا مرحب
3- الرياضه ثم الرياضه ثم الرياضه كل يوم ساعه ممكن تقسميهم نص ساعه صباحا ونص مساء الرياضه ممكن تكون مشى او تمارين او مشكل مع بعض متروكه ليكى لكن ساعه يعنى ساعه اى اخلال بيها فى عقوبات سياتى ذكرها فيما بعد
4- مفيش حاجه اسمها سناك شيبسى او مانجو او بسكويت السناك المسموح بيه هنا الزبادى او لبن خالى الدسم او عصير فريش او ثمره فاكهه
5- التواصل فيما بيننا مش ترمى يوميات وتجرى هو مش واجب نخلصه لو مش مستريحه نفسيا لينا خلاص خليكى براحتك فى حملات اخرى
6- الوزن كل 10 ايام
7- تصوير الميزااان والالتزام بميعاده بدون اعذار ( مضطره اسفه الغى اشتراك اى عضوه تتاخر فى تنزيل ميزانها )
ويستحب عمل شريط للوزن بالبدايه الجديده
8- اى عضوه حتنزل فى فريق المهملات ليها فرصه واحده اما تلتزم وترجع فريقها فى الميزان التالى او تطرد بدون زعل فى حالة الاهمال
9- المطلوب 11 مشتركه فقط
10- ستقسم على مجموعتين الاولى مجموعة الخضروات ولقب المهمله فيها كرنبه اما المجموعه الثانيه مجموعة الفاكهه والمهمله فيها بطيخه
11- عند الاخلاء باى شرط ستحصل العضوه حسب مجموعتها على حرف من اللقب وعند اكتمال الكلمه تنزل على المهملات
12- التسابق بين المجموعتين على لقب افضل مجموعه متنافسه عن طريق حساب نسبة النزول والتزام اعضائها
عارفه ان الشروط كتير ويمكن تكون قاسيه على البعض لكن الغرض من الحمله بنات زى الرجاله قويه وليها هدف
اتمنى ليكم التوفيق والرشاقه الدائمه
منتظره بياناتكم بشرط بعد كتابة البيانات تكتب اقرار بموافقتها على الشروط
الطول
الوزن
الموافقه
وسنعلن عن بدايتنا بعد اكتمال العدد ان شاء الله
رشيقات طوول السنه &بدايه جديده عزيمه جديده وتسجيل جديد& مش حتقدر تغمض عنيك
كتبت بواسطة الاسم الصعب
الروابط المفضلة