أكيد غاليتي ما ينزل شيء لأن ما في 7 كيلو في الأسبوع
هذا غير مستحيل

نسيت أن اقولك أنه بعد أسبوع أو 1خ أيام تعالي و ضعي وزنك
حتى نشوف مدى تجاوب جسمك معه

و إذا كان فيه تغيرات تقوم بها
و أيضا بعد مدة حوالي شهر نعيد الحمية و الحسابات على جسب التغير الجديد

أي شيء لا تترددي و ربنا يوفقك

الله يسعدك يا رب
انا الي اسبوع بخفف بالاكل كتيير او بلعب رياضه مشي عالجهاز او بشرب مي كويس
نزلت 700 غم الحمد لله

كتبت بواسطة em asoom

الله يسعدك يا رب
انا الي اسبوع بخفف بالاكل كتيير او بلعب رياضه مشي عالجهاز او بشرب مي كويس
نزلت 700 غم الحمد لله

سعيدة جدا من أجلك الحمد لله

يعني راح تستمري عليه أو بدك تغيره ؟؟؟

انشاالله رح امشي عليه وشكرا الك كتير تعبتك معي

لا غاليتي يسعدني هذا

ربنا يوفقك

السلام عليكم ورحمة الله وبركاته اختي العزيزة انا عضوة جديدة اللي خلاني سجل بالمنتدى اني قعدت فترة عالنيت ادور على وصفات رجيم لانه كان وزني 82من اقل من 3شهور وتعقدت من وضعي وما الي سنة عاملة عملية ديسك
المهم عشان ما طول عليكي عندي زيادة 15 كيلو رغم اني ماباكل دهون بس خبز ورز وهالحاجات المهم قررت ابدا اول شغلة استفدت من كثير برامج واول نصيحة الك كلي بعد ما تصلي يعني الاكل باوقات الصلاة وشرب الماء باليوم 12 كوب لازم وضروري
وقطعت كل شي اسمو خبز ابيض ومعكرونة ورز وبطاطا وصرت اعمل خبز بالبيت من الردة وهي نخالة القمح وطحين اسمر اخلط كاسة بكاسة واعمل شي يكفي اسبوع وكمان اول اسبوع بديت اغلب الاكل خضار وفواكه كل ما حس بجوع اكل تفاحة خيارة واول فترة كانت صعبة بس صدقيني الارادة لانه بعد شعور الجوع بفترة نص ساعة وما تاكلي ما بتعودي تحسي بالجوعوكمان شربت شاي اخضر واسا صار وزني 70 واليوم كمان نزل كيلو يعني 69 انا رح قلك كيف بس بالرسالة الجاي لانه مضطرة امشي
سلام

شكرا الك كاميليا وانا بستناك بس هلا الحمد الله صرت انزل وصلت 67.700 الحمد لله

انا باختصار يا اختي رح قلك انه الارادة وتحدي نفسي كان اكبر سبب لنزول وزني لانه كنت امشي واكلي مش زايد بس بسرعة اسمن اول حاجة كانت انه نام بكير لانه النوم بكيربيخلي الهرمونات تشتغل بالليل وهي خاصة للشبع وتوازن الانسولين بالجسم وهذا الكلام اللي سمعتو من برنامج غذائي دوائي للدكتور جميل قدسي دويك واستفدت كثير من كلامو والاكل باوقات الصلاة وصرت حاول احسب الحريرات اللي بتدخل جسمي لانه المرأة لازم تاخذ باليوم 2000 حريرة فانا صرت احسب على اساس انه اخذ 1000 لحتى جسمي يحرق الدهون المتخزنة فيه وبالاخص ورك وارداف وقلتلك قبل انه لغيت الخبز الابيض من حياتي والبطاطا والرز والمعكرونة ولازم هيك باول فترة لحتى تتخلصي من وزن وبعدين بتصيري تاكلي بشكل خفيف ولما تاكلي استبدلي الرز الابيض بالرز البني والبرغل مهم تدخلي الياف ويكون القمح او الرز كامل ولازم لما تاكلي شي زايد تمشي ولا تلعبي رياضة المهم انا لحد الان ما عم اكل هاي الاشياء وركزت على الخضار والفواكه بشكل كبير لما جوع اكل فواكه باستثناء الموز والمانجا واذا اجى عبالي باكل يادوب قطعة وبضل بعلكها لمني حس خلص هيك برضي جسمي بالطعم وبكون ما اكلت وكمان الزيت والسمن والماجي كلو قطعتو بس زيت الزيتون لما بدي حمر لحمة فيليه نقطة زيت بالتيفال بتكفي وبعدين حط الخضرة معها تنزل مي منها وصرت اكل بعد الفجر مثلا 3 حبات تمر واشرب مي كثير وبعد الظهر كاسة نسكافيه طبعا حليب والبن اكيد منزوع الدسم واكل معه شابورة ريجيم بر وبعد العصر باكل فواكه وخلال اليوم بشرب كاسة شاي اخضر او ثنتين وكمان قطعت السكر العادي وكل انواع الحلو وصرت حلي الشاي بسكرين اللي مافي كلوري وبكون حاطة قطعة زنجبيل بالمي تبع الشاي لانه الزنجبيل كثير كويس للرجيم بيزيد حرق الدهون واستقلاب الجسم وكمان زيت الزيتون وزيت الزنجبيل والخل هذول بالسلطة لانه الخل بيذيب الدهون وكمان ادهني جسمك فيهن يعني اخلطي الزيتين والخل وادهني البطن والورك والفخاذ كثير نتائجو حلوة وكمان كل يوم بمشي ساعة مشي سريع حتى لو بالبيت وشوية حركات اللي بعرفهن من الرياضة وتمارين معدة وكل ما قدرتي اشربي مي واذا جعت بين الصلوات باكل 10 حبات لوز فيهن 70 كالوري مو كثير ومفيدين للجسم والبشرة لانها بتتعب اثناء الرجيم والمغرب باكل يااما سلطة وجاج مشوي انا عم تبلو بخل وثوم وبهارات وممكن خردل بس بلا زيت وبشويه او لحمة مشوية كمان بلا دهن بلا شي او سمك مشوي لانه كمان لغيت الاكل المقلي والعشاء باكل اما بطيخ او فواكه او شاي اخضر حسب ماكون جوعانمة
وبنوع يعني مش كليوم باكل نفس الشي لما باكل شابورة ما باكل خبز ابدا ولما بفطر خبز اسمر مع لبنة او جبنة منزوعة الدسم او تونا بالملعقة مصفاية من الزيت ما باكل برجع شابورة يعني انتي بتنسقي من شان ما تملي مرة جاج مرة لحمة مرة تونا مرة فول مهم تعرفي شو عم تدخلي عجسمك والخضرة والفواكه اهم شي بالاخص الخيار والخضرة مرة مشوية مرة شوربة مرة سلطة والفواكة مرة عصير مرة عادي ونوعي فيها ونصيحة بعد المغرب كلي بالعشا فاكهة حبة بس او شاي اخضر يعني لاتاكلي اكل بعد الساعة 6 وهذا اللي انا ماشية عليه الحمدلله اول شهر نزلت 9 كيلو وبعدين ثاني شهر صرت انزل اسبوع كيلو اسبوع كليين الحمدلله انا راضية هيك وجسمي ما ترهل لانه عم امشي والاكلل باوقات الصلاة نظام لكل شي ما حسيت ابدا بدوخة او تعب الحمدلله لانه ما عم الحق اشعر بجوع وكميات الاكل بسيطة
وفي حال اشتهيت شغلة ما لازم اكلها باخذ منها يادوب براس الملعقة وبتذوقها وبرجع شيلها من تمي يعني قربت اوصل للوزن المثالي الحمدلله انا طولي 167 ووزني اليوم صار 68ونص حبيت اعطيكي تجربتي الخاصة لانه فعلا تعبت من الوضع اللي بيكره الواحد حالو فيه وبتتعب صحتو وكل شي الحمدلله صرت حس بتحسن خف الضغط على جسمي وصرت نشيطة انشالله تكوني استفدتي من تجربتي والله يكون بالعون ويصير وزنك متل ما انت بدك تحياتي اي سؤال انا جاهزة
سبحانك اللهم وبحمدك اشهد ان لا اله الا انت استغفرك واتوب اليك