السلام عليكم ورحمة الله وبركاته

اخواتي انا والدة من شهر و 21 يوم ولادة قيصرية وفي عندي زيادة في الوزن وكرش طبعا ومو عارفة متى بصير العب رياضة من غير اي مشكلة .. افيدوني الله يبارك فيكم

وحابة اشتري آله رياضية وتكون متوفرة عندي في البيت شو رأيكم شو افضل شي ونتائجه منيحة وبشد الجسم ؟؟ الصحيح بفكر ب اوربت تراك !! احكولي رأيكم

شي تاني هلأ لبس المشد للبطن منيح والا لأ ؟؟ لاني بسمع اته اله مساوئ متل ترهل البطن !! صحيح هالكلام ؟؟

سامحوني اخواتي طولت عليكم

الله يرفع درجاتكم

وعليكم السلام ورحمه الله وبركاته

اولا الف مبرووووووووك والحمد لله على سلامتك
بالنسبة للمشد انسي امره لانه ماينفع ابدا على العملية دا كلام دكتورتي اول

وبالنسبة للجهاز الرياضي بصراحه انا بالنسبة ليا اشوف السير انسب شي ويمكن في حدا يفيدك احسن مني

والرياضة لاتبدأي فيها الا بعد 6 شهور والله دا كلام اخصائيه تغذية جاتنا بالمستشفى بعد الولادة وانا ماادري لكن عندك ام ابراهيم العسل اكيد راح تجاوبك

ولاتستعجلي اصلا انا جسمي مارجع بعد ولادتي الا ب 9 شهوووور راحت الكرش والزياده

وكمان افضل رياااااااااضة المشي كويس للجسم ككل

ام فصوولي الله يجزيك الخير ويرفع درجاتك

يعني هلأ لو اشتريت الجهاز ما بصير اشتغل عليه الا بعد 6 شهور ؟؟

مرحبا اختي كيفك والحمدلله عاسلامة ومبروك البيبي وربنا يجعله من الصالحين
اول شي الرياضة الوحيدة المصرح لك بالقيام بها هي المشي فقط وباقي الرياضات لبعد 6 شهور لانه ولادتك جرح مو طبيعية فلا تضري حالك وهاي نصيحة موثقة
وانتي اذا كنتي وبعدك بترضعي البيبي منك من دون مساعدة واكلك ماقيه زيادة خلال ال 6 شهور الاولى رح تنزلي كتير من وزنك من دون ماتحسي وهاد كلام علمي مو من عندي
والمشد متل ماحكتلك اختي الكريمة ام فصوووولي انسيه ومابدك اياه لانه بضر مابينفع انتي بعد فترة الرحم عندك رح يرجع لحجمه الطبيعي والي بساعده على هالشي هو الرضاعة الطبيعية لانك خلال الرضاعة لطفلك بكون الرحم يعمل تقلصات وهالشي من روائع نعم الله للمرأة ومن بعد فتة برجع كل شي لوضعه الطبيعي بس لازم تاخدي بالك من اكلك مايكون كتير بالسعرات الحرارية
وربنا يوفقك حبيبتي

أختي في اللهblackiris بارك الله فيك على ردك القيم
الحمد لله برضع طبيعي واحيانا صناعي بس باكل حلاوة كتير عشان الحليب وبحس انه غذائي مو صحي

يا ريت لو تساعدوني بنظام غذائي صحي للمرضع