السلام عليكم ورحمة الله وبركاته
الاحظ منذ فتره بقعه بيضا في وجهي تسطع مره ومره تختفي وهااليومين اشوف البقع زادوا مره يسطعون ومره تختفي مع لون الجلد
اخاف يصير بهاق بنات الله يعافيكم فيه احد جاه زيبي وهل له علاج انا ابروح للطبيب بس زوجي هااليومين عنده دوامين ولاني افكر وضايق صدري ابغى اتطمن

الله يعافيكم ردولي

بارعه لايضيق صدرك ولاشي بنت خالي بنتها عمرها 8 سنوات صار يطلع في وجهها ويدينها من عند الكوع بياض يخف ويزيد ماهو بهاق لان مافي عروقهم احد به ودوها للاردن وطلع مرض جلدي واخذت ادويه واذكر انها كانت تقول لها طريقة استعمال خاصه

حبيبتى بارعه الأفضل تروحى للدكتورة عشان تطمأنى وانشاءالله ليس بهاق وممكن يكون
مرض جلدى عادى يعالج بأذن الله وطمنينا عنك وبالتوفيق

حبوووبتي بارعه
لاتشيلين هم
ولايضيق خاطرك ...تراك غاليه علينا ....واتمنى تروحين للدكتور وتطمنينا
احنا ننتظرك

حبوبتي بارعة
لا تخافي عسى ما يكون شر و يكون بس مجرد مرض جلدي بسيط و يروح ان شاء الله
و ابغى منك انك تطمنينا عنك

الف شكر ياام عبود وسلوم طمنتيني
رونه واليس الف شكر والله يعطيكم الف عافيه ذولي الاخوات ولابلاش
جزاكــــــــــم الله خيـــــــــــــر

كلش ولا بروعه حبيبتنا.. الف لاباس عليج قلبونتي ما تشوفين شر انشالله..

حبيبتي المشكله ما شفنا هالشي وما نقدر طبعا نقولج اي دواء او اي وصفه ولا سمح الله تكون آثارها سلبيه عليج..

فا للاحسن تروحين طبيب الجلديه ويشوفه واهوا يصف لج الدوا علشان تطمنين اكثر..

ومافيه الا العافيه ولا يضيق صدرج ولا شي حبيبتي


وطمنينا عليج بروعتي

سلامات حبوبة ما تشوفين شر لا يضيق صدرج ولا شى انشاء الله شى بسيط ويروح بلعلاج طمنينا عليج

الف عافيه عليك
وانشالله مافيه الا الخير
بنت اختي كان فيها نفس اللي تقولين عليه وقال لها الطبيب من كثر التسبح
جاها مثل الجفاف سبب لها كذا
وفعلا امها دائم تملى لها البانيو يوميا
وولد عم البنت نفس الشئ وقال لهم بعد التحليل انه ضعف
مع ان الولد صحته حليوه مو نحيف مره
وفي كل الحالتين اعطاهم مراهم وبسرعه اختفت
وانشالله ماتشوفين شر

هلا بالغوالي رحت امس للطبيبه وطمنتني قالت لي انها حساسيه وعطتني مرهم وانشاءالله الله يعافيني