9السلام عليكم و رحمة الله ...
حنان أنا وزني 85 كجم و طولي 1.59سم .كيف حسبتها لي؟؟ استنى ردك لأني ذبحت حالي بالجوع و البروتينات...
أختي ذات العفاف ردك فهمني الموضوع ...ألف شكر و الله يجزاكم انتي و حنونة خير الجزاء...

كتبت بواسطة الدلع؟؟؟

مساء الخير
الله يعطيك العافيه اختي حنان واختي ذات العفاف
وزني 90 كيلوا كم يبي نقطه عشان ابيه بنفس الوقت ينزل وزن

أهلا بك أختى

الوزن من٩٠ إلى ١٠٠ له من ٢٤ -- -- ٢٩

يعنى ليكى ٢٦ نقطه وزى ما قلتلك لوأخذت نقطه زياده تنقصيها من

اليوم اللى بعده وكمان حاولى ما تاكليش نشويات إلا فى اليوم الأخير من

الإسبوع هايبقى النزول أسرع فى الأسابيع الأولى

وده مثال ليوم كنت باعمله

الفطار سندوتش أى نوع من الجبنه وعصير طبعاً الجبنه لها حسابات مختلفه لكل نوع

الغداء ربع دجاجه وسلطه وطبق فاصوليا اوكوسه نى فى نى بدون دهون أضيفى بصل وثوم بودره ها تبقى جمييله

العشاء كوب زبادى وتفاحه أوأى فاكهه ( التفاحه ٢نقطه )

وطبعاً لوباقى نقط تكون للفاكهه بين الوجبات

ربنا يوفقك وكل إسبوع إوزنى نفسك وإن شاء الله يكون فيه فرق

كتبت بواسطة صــبا

9السلام عليكم و رحمة الله ...
حنان أنا وزني 85 كجم و طولي 1.59سم .كيف حسبتها لي؟؟ استنى ردك لأني ذبحت حالي بالجوع و البروتينات...
أختي ذات العفاف ردك فهمني الموضوع ...ألف شكر و الله يجزاكم انتي و حنونة خير الجزاء...

وعليكم السلام يا صبا

الوزن من٧٩ ---- ٨٩ ياخد من ٢٢ --- ٢٧

يعنى المتوسط ٢٤ نقطه ويا ريت تقرى التفاصيل اللى كتبتها مع الدلع

وتحت أمرك فى أى حسابات لأى وجبات تحبيها لأن مافيش تقيد بأى

نوع من الأكل ولكن فى حدود عدد النقط

ربنا يوفقك وإن شاء الله يكون بفايده ليكى

حنان انا عايزة اعرف السمك البلطى فى الفرن بمعلقة زيت واحدة كام نقطة

معلش هتعبك فى الاسئلة استحملينى معلش عايزة اعرف الجبنة البيضاء كام نقطة وكمان لبن البودرة المعلقة فيها كام نقطة اصل انا مش بعرف بالجرامات اسفة تعبتك

كتبت بواسطة bery love

معلش هتعبك فى الاسئلة استحملينى معلش عايزة اعرف الجبنة البيضاء كام نقطة وكمان لبن البودرة المعلقة فيها كام نقطة اصل انا مش بعرف بالجرامات اسفة تعبتك

السمكه المتوسطه ٥ نقط ولو كبيره شويه ضيفى نقطه كمان

ومعلقة الزيت ١ نقطه

بس إيه رأيك تستغنى عن الزيت وتوفرى نقطه لازم تكونى من هنا

ورايح بخيله مع نفسك فى النقط ماشى والسمكه إما تحطيها فى ورق

ألومنيوم ومعاها خضار وتوابل وثوم أو تشويها تحت الشوايه ب رده

تعرفيها ? أوعلى البوتاجاز على صاجه لو عندك وللا طاسه تيفال بس

بلاش تقلبيها بسرعه علشان تتماسك يعنى الحلول كتير من غير زيت

ويكون صحى أكتر لأن شعارنا دلوقت أكل صحى


الجبنه البيضا معلقه صغيره نقطه واحده عشان خاطرك

اللبن البودره معلقه كبيره ١٥ جرام نقطه مش كبيره قوى هه

يا ريت يكون عندك مجموعة معايير المعالق والأكواب هاتفيدك كتير

ومعاك فى أى سؤال ومش ها تتعبينى ولا حاجه إحنا إخوات

شكرا حنان على مساعدتك انا فطرت رغيف سن صغير اديتة 2 نقطة و3 ملاعق فول متوسطة بدون زيت 3 نقطة وخيارة مفيش نقط
خلاص انا هعمل السمك مشوى وهاخد 4 ملاعق رز ب2 نقطة وفوقة نقطة للزيت علشان مش بحب معلش الرز مسلوق وسلطة كده يبقى مجموع نقط الفطار والغدا 13 نقطة وهمشى نص ساعة بعد الغدا بساعتين ونص ساعة قبل العشاء بس اكديلى بس على حسابى للنقط وشكرا

شكرا جزيلا على الموضوع الحلو
وربنا يوفقكم جميعا فعلا افدتونا
جعله الله في ميزان حسناتكم آآآآآمين

كتبت بواسطة bery love

شكرا حنان على مساعدتك انا فطرت رغيف سن صغير اديتة 2 نقطة و3 ملاعق فول متوسطة بدون زيت 3 نقطة وخيارة مفيش نقط
خلاص انا هعمل السمك مشوى وهاخد 4 ملاعق رز ب2 نقطة وفوقة نقطة للزيت علشان مش بحب معلش الرز مسلوق وسلطة كده يبقى مجموع نقط الفطار والغدا 13 نقطة وهمشى نص ساعة بعد الغدا بساعتين ونص ساعة قبل العشاء بس اكديلى بس على حسابى للنقط وشكرا

٣ معالق فول نقطه

والباقى تمام وربنا يعينك

أنا فطارى شوربة شوفان ٥ نقط قهوه عليها ٢معلقه كريمة قهوه نقطه واحده مكعب شيكولاته نقطه

تفاحه ٢ نقطه
الغداء ربع فرخه ٥ نقط مع كوسه وسلطه

برتقاله نقطه واحده

العشاء كوب زبادى ٤ نقط موزه ٢ نقطه


المجموع ٢١ نقطه والنقطه الباقيه مع نقط بكره