السلام عليكم

هذه أول مشاركه لى فى المنتدى وأتمنى تكون مفيده لكم إن شاء الله

حبيت أحكيلكم تجربتى مع رجيم ناجح جداً وفعلاً نزول الوزن فيه بلا

عوده وإسمه
weight watchers

ويتميز هذا النضام بالحريه فى إختيار الوجبات وعدم رجوع الوزن

وذلك بعدم الرجوع للعادات السيئه فى الأكل

اولاً ناخد مثال وبعدين ندخل فى الموضوع

لوالوزن بين ٧٩ و ٨٩ سيكون له من ٢٢ نقطه ل ٢٧ نقطه

يعنى إيه ? أقولكم لكل نوع من أنواع الأكل عدد نقط فمثلاً ....

١ كوب لبن ٣ نقط ربع فرخه متوسطه ٥ نقط

ربع كوب لحمه مفرومه ٤ نقط ١ كوب جمبرى ٤ نقط

١ 1 كوب مكرونه ٣ نقط رغيف عيش أسمر ٢ نقطه

وهكذا لكل نوع أكل عدد نقط يعنى ببساطه نحسب أكلنا فى كل وجبه

ويكون المجموع فى المثال اللى كتبته ٢٤ أو ٢٥ نقطه يعنى متوسط

مابين الرقمين تجنباً لحدوث أى خطأ فى الحسابات

على فكره الموضوع مش صعب أبداً كل الحكايه الحرص فى أنواع

الأكل الذى يحتوي على سعرات عاليه لكن ممكن ناكل من أى أكل بس

يكون فيه شوية نظام وتكون النيه بإذن الله إننا نعمل بالآيه الكريمه فى

قوله تعالى :
(يا بني ادم خذوا زينتكم عند كل مسجد وكلوا واشربوا ولا تسرفوا
انه لا يحب المسرفين )


الحمد لله نزلت بالنظام ده ١٤ كيلو والحمد لله لم يرجع الوزن على

الرغم إنى دلوقتى سايباه شويه لأن البرد هنا فى أمريكا بيجوع قوى

لكن إن شاء الله هابدأ تانى الإسبوع الجاى وأنا تحت أمركم فى أى

مساعده فى حسابات أنواع الأكل أو لأى وزن تانى

أنا عندى جدول للأوزان وكمان لأنواع الأكل ونحسب سوا لو حبيتوا

وأتمنى لكم دوام الصحه والعافيه يا رب

رجيم النقاااط اتبعه والله وفعلا حريه ومافي تقيد فيه
الله يجزاج كل خير وان شاء الله توصلي الى الوزن المثااااااااااالي يااااااارب
لج احلى تحيه

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه وسلم

ربنا يعينك وان شاء الله توصلى للوزن المثالى

فى جروب فى الركن ونتبه هذا النظام
اذا حبيتى انضمى لنا ونشجعك وتشجعينا

حاولت انزل الرابط فلا يفتح الصفحة
عنوان الموضوعرجيم النقاط .. متعه وحرية وصحة بإذن الله ..... الجزء (33)

شكرا لكي حبيبتي
لكن للاسف انا مش فاهمه
انتي تقصدي ايه؟
وضحيلي
ايه النقاط دي

شكراً على تشجيعك أختى المجبوره

أكيد إن شاء الله يا أختى ذات العفاف

وما كنتش أعرف إن فيه جروب لهذا النوع من الرجيم

أختى نورا أنا قصد ى نظام النقط


والوزن بينزل فيه لأنه السعرات اللى بتدخل للجسم أقل


من ما يحتاجه وبالتالى يحرق الجسم من مخزون الدهون

اللى فيه ونتيجته تظهر من أول إسبوع

شكرا حبيبتي لكي
لكن انا مش فاهمه بيتعمل ازاي او ايه نظامه
بصي انا طولي 171
ووزني 63
فيبقي نظامه ايه معايا
\

كتبت بواسطة nnnnn_nora

شكرا حبيبتي لكي
لكن انا مش فاهمه بيتعمل ازاي او ايه نظامه
بصي انا طولي 171
ووزني 63
فيبقي نظامه ايه معايا
\

شوفى حبيبتى

بالنسبه للوزن أقل من 63 النقط ليه من 18ــــ23

ليكى21 نقطه هى مجموع لكل حاجه حتكليها فى اليوم

يعنى لو فرضنا إن فطارك 2 بيضه ورغيف عيش بلدى وكوب لبن


تحسب كالتالى البيضه ب نقطتين يعنى 4نقط بيض و2 عيش و3 كوب لبن يبقى

المجموع 9 نقط وهكذا تحسبى الغداء والعشاء المهم يكون المجموع آخر اليوم 21

نقطه ولو فيه نقطه زياده تخصم من اليوم اللى بعده

أتمنى أكون وضحت الفكره ليكى وبصراحه أنا شايفه إنك مش محتاجه لأى رجيم

السلام عليكم
كيفك اختي بس بسالك ال14 كيلو بكم شهر نزلو