السلام عليكم ورحمه الله وبركاته

وانا بتصفح موضوعات الركن العزيز لاقيت ان اغلب البنات هدفهم واحد

اهم يغيروا حياتهم للافضل

التخينه عايزه تخس علشان ترضي زوجها واهلها وقبل كده تكون راضيه عن نفسها

والرفيعه عايزه تتخن شويه لنفس السبب

واللي وزنها حلو بس جسمها مش متناسق بتدور على حل

ومن خلال تجربتي الشخصيه مع المنتدى وجدت ان افضل علاج لهذه المشاكل هو العلاج الجماعي

يعني كل واحده بتدخل في فريق بتكتسب منه العزيمه والاصرار وكمان بتتكسف لايكون شكلها وحش قدام باقي الفريق

فانا فكرت في حمله نعملها هنا اسمها جددي حياتك للافضل

يعني كل واحده تكتب مشكلها من وجهه نظرها والحل اللي هي شايفاه ايه وتتعهد قدام الكل انها هتبذل كل ما في وسعها لتحقيق هدفها

واحنا مع بعض وبنتابع بعض لحد ما كلنا نوصل لاهدافنا ان شاء الله

ولماواحده تقطع شوط طويل في حل مشكلتها هيكون عندها الخبره اللي تفيد بيها الزميلات الجديدات

انا بدات

بسم الله الرحمن الرحيم
وبه نستعين

مين معايا؟؟؟؟؟؟؟؟؟؟؟؟؟؟

انا اول واحده هكتب مشكلتي

انا مشكلتي السمنه

انا طول عمري رفيعه
واتجوزت وانا 65 كيلو

وبعد 4 سنوات زواج اصبحت 105 يعني زدت 40 كيلو

كل ما كانت ملابسي تضيق عليا واجي اشتري غيرها اقول دول هم 5 كيلو هانزلهم باسبوعين ريجيم

لحد ما الخمسه بقو خمسات وحسيت بالمأساه اللي انا فيها لما لاقيت نفسي بنهج من اقل مجهود ومش عارفه اجيب ملابس ومش قادره اطلع السلم وانا شايله ابني

فقررت اقف وقفه مع نفسي ورحت لدكتور ريجيم وبدات

وفعلا نزلت 16 كيلو في شهر ونص لكن خلال ال3 اسابيع اللي فاتو حصلتلي ظروف صحيه حنب شويه دلع على لخبطه في العيد فاتخنت 6 كيلو

وانا نويت اني ارجع تاني من الصبح باذن الله

وفي رايي ان حل السمنه هو انك تقفلي بقك وتستعيني بالله في تقويه ارادتك

لاني مفيش حاجه مجربتهاش قبل كده

من ميزو ثيرابي لشفط دهون لحبوب تخسيس

وكت باعمل كل ده وانا باكل زي الحيتان

يعني كانت لقمه في بقي والتانيه في ايدي وعيني على الثالثه

وطبعا ولا حاجه جابت نتيجه لاني مكانش عندي اراده ولا عزيمه

يعني كل الناس كانت بتعمل اللي عليها الا انا

زوجي كان بيدفع والدكتور كان بيعمل العمليه او بيديني الحقن وانا كنت باكل ولا كان عندي اي مسؤليه

لكن لما جربت التزم ولاقيت النتيجه الحلوه قررت اني اكمل

حتى اني استغنيت عن الدكتور

وان شاء الله هكمل لوحدي لحد ما اوصل لهدفي

اني في عيد زواجنا الخامس يوم 22-3 ان شاء الله اكون عروسه من جديد ووزني 65 كيلو ان شاء الله

وان شاء الله ده هيكون بتشجيعكم ليا

صباح الخير يا ام ملك وادهم
موضوعك جميل
وانا هكون اول واحده تكتب معاكى
انا مشكلتى الكبيرة
ان رجلى بتالمنى من زمان وزاد الالم مع الوزن
لان كان دايما جسمى كويس ومش تخينه
بس من المشاكل الى دخلتها بزواجى اهملت نفسى وتخنت
وبقيت مش راضيه عن نفسى خالص
وكمان ظلمت بنتى معايا لان وجع رجلى مخلينى ما بحبش انزل كتير واخدها النادى وكسلت عن حاجات كتير
ولما فكرت لقيت ان الدوامه الى انا فيها دى هتبدا تتحل لو انا خسيت واهتميت بنفسى
هرجع لنفسى تانى واهتم بنفسى واحب انزل والعب مع بنتى
وانا اتعهد امامكوا وامام نفسى انى هبدا بقوة وعزم واصرار وان شاء الله اهزم السمنه

حبيبتي أمملك و أدهم باين ان الحملة ستكون جميلة و كلها حماس لكن لا تستطيعي ان تفتحي حملتين في نفس الوقت لذلك يجب ان نغلق واحدة غما هذه الحملة او تجمع فريق العزيمة

حبيبتي إختاري الحملة اللي تحبي تخليها عشان اسكر الأخرى

كتبت بواسطة um Abdallah

حبيبتي أمملك و أدهم باين ان الحملة ستكون جميلة و كلها حماس لكن لا تستطيعي ان تفتحي حملتين في نفس الوقت لذلك يجب ان نغلق واحدة غما هذه الحملة او تجمع فريق العزيمة

حبيبتي إختاري الحملة اللي تحبي تخليها عشان اسكر الأخرى

ياخساره
فعلا كان نفسي الاتنين يستمروا لاني حاسه ان العلاج الحماعي بيجيب نتيجه هايله وكان نفسي الكل يستفيد

عموما انا مضطره اني اسيب الحمله دي واكل في فريق العزيمه لانه مفتوح من زمان وناس كتير ارتبطت بيه

بس ياريت القوانين تتغير
لان طالما مفيش اي خروج عن اداب المنتدى ليه ميكونش فيه اكتر من حمله هادفه

شكرا اختي ام عبد الله

جزاك الله كل خير على تعبك

الهدف من القانون حبيبتي ان كل حملة تاخذ حقها

تقدري في جزئك الجديد لحملة العزيمة تغيري العنوان و الاهداف من الحملة

كتبت بواسطة um Abdallah

الهدف من القانون حبيبتي ان كل حملة تاخذ حقها

تقدري في جزئك الجديد لحملة العزيمة تغيري العنوان و الاهداف من الحملة

ياريتني كنت اقدر

بس لكل حمله هدفها الخاص

العزيمه هدفه التخسيس بس

لكن الحمله دي كان الهدف من وراها ان كل واحده تقول مشكلتها زي ما هي شايفاها وتحاول تحلها بنفسها
والحقيقه انا مش شايفه اي تضاد بين الهدفين

عموما دي القوانين وانا لا املك الا الاتزام بها