السلام عليكم
انا هاكتب تجربتي مع السمنة والريجيم والرياضة لأن فيه أكتر من بنت طلبوا مني هذا الشئ
وباتمنى ان الكل يستفيد من هذه التجربة
صلوا على النبي عليه أفضل صلاة وتسليم
أنا وزني قبل سنة وشوي وتحديدا أخر شهر يوليو كان 102 كيلو
وما كنت قادرة استمر على أي ريجيم واللي بنزلو متل كتير منا برجعو وبرجع أكتر منه كمان
شو التغير الفاصل اللي صار بشهر 7 ؟؟؟؟؟؟
الأول حابه أخبركم اني كنت كل يوم بزن على راس زوجي عشان نصير نمشي كرياضة وما كان يقبل . 
وسافر جوزي بشهر 7 اجازه لحاله ورجع وساعتها كانت نقطة التحول
اتفاجأت بزوجي بيقولي : لازم من بكره انصير نمشي كل يوم <<<< وااااااااااااو
شو هالتحول ليييييش شو اللي صار بالسفريه؟؟؟؟
اللي صار انه لما سافر لاقى أغلب قرايبنا
اللي عنه ضغط واللي عنده سكر واللي مشقادر يتحرك واللي واللي ...............الله يشفيهم كلهم ويشفي مرضى المسلمين يارب
فهو لاقى أن الحل للحفاظ عالصحة قبل ما توقع الفاس بالراس هو الرياضة والحمد لله هاي الاجازة أجت لصالحي 
وعلى طول من تاني يوم بدت رحلتي مع المشي وتنزيل الوزن
بدينا نمشي 30 دقيقة بس ما اقوللكم كانو 30 دقيقة عذاااااااااااب . آآآاه نسيت اقوللكم انا كنت باعاني من الم شديد في الظهر بعد أي وقوف لوقت متواصل ان شاالله نص ساعة ولازم بعدها اتمدد لمدة ربع ساعة عشان يخف الالم اللي فظهري وكمان كان عندي فقردم فكنت باعاني من تسارع نبضات القلب مع أي مجهود وأبسط مجهود وما كنت باقدر القط نفسي
المهم نيجي للعذاب
قصدي الرياضة فأول أيامي أنا لما بدات المشي ما كنت حاطه فبالي اني اعمل أي ريجيم لأ سعيت للرياضة لأني عارفه فايدتها حتى لو كنت سمينه لكن من أول يوم رجعت من المشي كتييييير تعبانة ولأن الجو عنا كتير حر فشهر 7 يمكن شربت ليترين مي أول ما رجعت ولاقيت نفسي طبعا ما الي شهية للعشا وتاني يوم بدأت اخفف غدايا
كنت باكل عالغدا رغيف وأكتر غير الرز مع الاكل وما كان يهمني اطبخ أي شي قلي أو بطريقة غير صحية وباكل بدون سلطة
فبدات بتخفيف كمية الخبز الى النصف ويوم بعد يوم لغيت الخبز من أكلي وصرت أطبخ بطريقة صحية أكثر وصحن السلطة كان شيء أساسي يومي لازم أملا فيه بطني مع الاكل وطبعا ما فيه عشا ومنعت الحلويات والشيبس والشوكولاته مش من البيت لأ لأن الاولاد ما لهمش ذنب بس منعتهم من دخول بطني
نرجع للمشي والله اني ما كانت تخلص النص ساعة الا وانا روحي طالعة من الحر والرطوبة والتعب
وبالتدريج صرنا نزود مدة المشي لحد ما وصلنا 45 دقيقة في أول شهر وطبعا كنت باعاني من وجع في الساق بسبب المشي اللي مش متعودة عليه وجع الساق هذا استمر شهر كامل ولما بدأ يخف وأتعود عالمشي .......................... بدأشهر رمضان وزوجي وقف المشي لأن مع الصيام والتراويح ما في وقت ولا طاقة للمشي 
بس أنا طبعا رفضت لأني قلت يادوبك أول ما بدأت رجلي اتخف من الوجع هارجع أريح تاني وأبدأ بعد شهر من أول وجديد وكنك يا ابو زيد ما غزيت 
نسيت اقولكم انه مع المشي والتخفيف نزل وزني 10 كيلو أول شهر 
واستمريت عالمشي مع انه كتير صعب بسبب اني لحالي ومنطقتنا مش آآمنه كتير وبسبب شهر رمضان وضيق الوقت لكن الحمدلله قاومت كل الوساوس اللي بتقلي اوقف واستمريت وفشهر رمضان مع التخفيف بالرغم من اني كنت باكل الحلويات وانتو عارفين طبعا حلويات رمضان نقصت 2 كيلو وفي العيد أهلي ما صدقوا لما شافوني ناقصة 12 كيلو ماتتخيلو فرحتي لما كل حد يشوفني يقللي ::شو ضعفانه والله<< مبين عليك أصغر من اول بكتير<< حلو عليك هيك
وطبعا كل كلمه كانت تشجيع اكتر الي اني استمر وبعد العيد رجعنا نمشي أنا وزوجي وكملت ريجيمي اللي هو التخفيف
وخلال شهرين يعني للعيد اللي بعده كان وزني نزل كمان 10 كيلو وصار وزني 80 وردة فعل الاهل كانت اقوى من الاول بكتيير لأن شكلي اتغير 180 درجة
والحمد لله بعدها استمريت ووصلت في شهر5 لوزن 68 كيلو
وما تتخيلو كيف صار شكلي كنت باعمل فحوصات كل فترة والحمد لله دمي كتير اتحسن آلام الظهر رااحت صرت أوقف ساعتين وثلاثة بدون أي الم صرت أمشي أيام ساعتين بدون ما أحس بالوقت أو التعب
ولأني منعزله عن الناس شوي فاللي كان يشوفني ما كان يصدق انه هاي أنا اللي شافها من كام شهر
والله انه في وحده قالتلي مالك مريضة شو كل هدا >>>>>
مش عارفة ان هاي صحة مش مرض 
وأحلى أحلى شي لما الناس اللي مابعرفوني منيح ايشوفوني مع بنتي اللي عمرها 17 سنه وما يصدقوا انها بنتي ما تتخيلو المفاجأة اللي بشوفها عوجوه الناس وهم بيرجعوا يسالو بنتك ولا اختك هههههههه ؟ وفيه كمان وحدة ما شفتها من سنة لما شافتني نسيت اتسلم علي هههههه
ضلت تحكي عني وعن شكلي الجديد وتسالني شو هذا ؟؟ يمكن نص ساعة وكل ما نفتح موضوع تاني ترجع اتلف وتحكي عني وعن ضعفي وقديش مبينة أصغر... هاي كمان بحياتي ما بنساها وهأخليها فذاكرتي عطول عشان ما أرجع أبدا . بس للاسف صابتني فشهر 5 صدمة عاطفية تركت فيها الريجيم والمشي لفترة ورجع زاد وزني لأني كنت باكل متل المجنونة والحين بعد تحسن نفسيتي ارجعت للمشي والريجيم وان شاء الله هنزل الوزن اللي زدته وناويه أوصل 60 كيلو ان شاء الله من تلات اسابيع للحين نزلت تقريبا 5 كيلو والله يوفقني وأكمل
وأنزل بصحة وعافية
وفي شي مهم حابة اقوله لكل وحدة نالويه تبدأريجيم
أن أهم شيء هو الدعااااااااء
ادعو الله دايما ان يكون عندكم ارادة للاستمرار
وادعوه انه بنزل وزنكم بصحة وعافية
وكونوا موقنين ان الله بيستجيب الكم
أنا ما راح اتصدقوا الظروف اللي كنت بامشي فيها حر كتير 
ورطوبة وبرد
وامتحانات الاولاد والظروف العائلية
لكن دايما كنت حاسة انه في شيء بيدفعني دفع للاستمرار وبيطوعلي الظروف مهما اتكون وانا متاكده انه هذا ربنا استجابة لدعائي .
وكمان وقت الرياضة املوه بشيء ينفعكم متل التسبيح وسماع القرآن .
أي وحدة تستفيد من حكايتي الطويلة المملة البايخة تدعيلي دعوة بظاهر الغيب . نسيت أحكيلكم عن زوجي
بتعرفوا انه وزنه نزل 15 كيلو عالمشي وتقليل العشا بس
يعني بيفطر عادي وبيتغدا عادي ما شاء الله عليه .
اللي جوزها مش مساعدها اتشده من ودنه غصب عنه للرياضه
تجربتي مع الرياضة والريجيم##وسام أفضل تجربة##
رد مع الاستدلال
الروابط المفضلة