الســلام عليكم ورحمة الله وبركاتــه ...
خواتي بنبهكم عن موضوع خطير واكيد كل واحد
منا موعايف صحته بين يدين ماتخاف الله ولا عندهم ذمه ولا مسؤليه ...
بقولكم عن قصه واقفه عليها بنفسي ...ونقلتها لكم لأجل تنتبهــون على انفسكم !!
وحده اعرفها هي صديقه لأمي ..
كانت حامل ومراجعتها في مستشفى تخصصي
كشفت حملها وقالوا انها حامل بثلاثه توأم ولما جات الولاده وعدت على خير تقول يوم يولدوني
شايفتهم ثلاثه ومتأكده ..وبعدها تقول جت الممرضه تكشف وتطمن على صحتي وسألتها عن اولادي وقلتلها تجيبهم ابي اشوفهم تقول راحت وجابت لي اثنين بس سألتها عن الثالث
وينه؟؟
قالت انتي ما ولدتي غير أثنين بس ..
قلتلها لا متأكده انهم ثلاثه ..وبعد جدال بيني وبينها على ولدي ..قلتلها بجيبين ولدي وإلا اشتكى عليك وأعلم زوجي يتفاهم معهم !!
قالت خلاص عطيني اولادك ارجعهم للحضانه واعطيك حقنه تنويم عشان مايرتفع عليك الضغط
ويؤثر على صحتك ...
تقول راحت الممرضه بأولادي وتأخرت علي ...
وكانت جنبها في السرير حرمه حضرت الموقف هذا كله <<يعني اللي كان بينها وبين الممرضه >>
تقول اسألتني الحرمه
وقالت لي انتي متأكده انهم ثلاثه ..
رديت عليها وقلت ..ايوه متأكده وشايفتهم بعيوني.. وعارفه قبل مأولد انهم ثلاثه اصلا يوم اكشف واراجع في المستشفى وزوجي واهلي عارفين انهم ثلاثه
وكيف صارو الحين اثنين ..
عاد دخلت عليهم الممرضه ومعها ابره وطعمت الوالد ام الثلاثه ..وطلعت
تقول الحرمه اللي كانت تسولف معها قبل اشوي
بعد الحقنه اخذت ام الثلاثه تشتكي من بطنها
وتقول<< احس اني بموت من الألم >>
بعدها بقليل ماأسمع لها ولا صوت واستغربت
وقلت شكلها نامت
وبعد دقايق دخلت الممرضه وطالعت فيها شافتها نايمه وجت لها تهزها
وقلت لها لسه مانامت إلا الحين <<يعني ماطولت في نومتها >>
تقول ناظرت فيني بنظرت استحقار وقالت <<اصلا هذا فيه موت >>واخذت تضحك وطلعت من الغرفه ..
ماصدقتها وقمت من السرير ورحت لها وحركت الحرمه اذا هي صدق ميته
وتقول وعلمت زوجي باللي صار ..وخليته يسأل عن زوج الحرمه اللي ماتت ..
سأل عنه.. وعلمه بكل شي واشتكى زوجها على الممرضه ذي ..
وبعد التحقيق معها قالت انها تسرق الموالد وتبيعهم ..
وهي ضربت الحرمه ذي بالحقنه عشان تموت
قبل ماتشتكي عليها ..
وينكشف امرها <<بسرقه المواليد >>
ولكن سبحان من كشفها ...
والقصه الثانيه ...
جارتنا كانت حامل بولد وبعد الولاده صار لها نزيف قوي ..
واضطرو لدم لها وبعد الولاده بشهور تعبت
وصارت تراجع المستشفى وبعد التحاليل يقولون لها فقر دم
وبعدها صرت اتحمل المرض واسكت ماعاد اراجع المستشفى ..
بعدين ظهر في جسمها بقع بني داكن وبعضها لونها اخضر
راحت تحلل وبعد اسبوع رجعت التحاليل بس مخبروه... واذا سألت قالوا لها نبي نتأكد اكثر
تقول سألني الدكتور عن اخر ولاده كيف كانت معها تقول استغربت من سؤال الدكتور وجاوبته انها كانت تمام والحمدلله ..
وقال لها صار معها نزيف طيب ..جاوبته ايوه
وقال اضطروا لتبرع دم مع النزيف ..قلت له ايوه
قال وحالتك بعد الولاده كيف كانت ..
قلت بعدها بشهر وانا تعبانه وحللت وقالو فيكي فقر دم وجلست بعدها بعدة شهور وطلعت في جسم البقع ذي ..وجيت لكم وحللت ..وسألته ايش صار في التحاليل ذي؟؟.
قال لها انتي فيكي مرض الأيدز
والدم اللي هم متبرعين لك فيه دم واحد مصاب بمرض الأيدز ..واعتذر لهم عن الغلط ..
بس بعد ايش بعد ماصابها المرض ذا
<<الحمدلله على العافيه >>
وهي الحين في العزل
ادعو لها ان الله يشفيها ويخليها لأولادها
ويعافيها من مرضها
وانتم انتبهو على انفسكم من ذولي اللي مايخافون الله .. واستخيروا قبل ماتسوون اي شي وادعوا الله يحفظكم
الروابط المفضلة