ازيكو ياقمرات انا اول مره اسجل او اكتب حاجه هنا بس كنت بتفرج كتير علمواضيع وعلمعلومات المفيده اللي بتقدموها وقريت عن دكاتره التخسيس اللي كنتوا بتكلمو عنهم ولقيت ان في واحده اسمها نانسي عبد السيد اللي فعياده ماري جرجس وبتعمل الميزوثيرابي دي اللي انا استقريت عليها من كلامكم وقررت اروحلها ويارب تجيب معايا نتيجه انا مش تخينه انا عيبي بس عندي شويه بطن وجوانب دول اللي مدايقيني غير كده جسمي كويس فقررت اعمل الميزوثيرابي عندها

كلمت العياده اللي خدت رقمها من الدليل وقالو اني لازم احجز الاول ومينفعش فلتليفون لازم اروح فروحت وحجزت والكشف لاول مره ب 25 جنيه ودخلت الدكتوره واديتني رجيم حلو امشي عليه وخدت حقنه ميزوثيرابي فبطني والحقنه ب 250 وعايزه اقول معلومه الحقنه بتتاخد بمساحه معينه يعني حته من البطن زي مثلا المعده او البطن اللي تحت مش كل الحته وده عشان تجيب مفعول كويس فعلا بس في من الدكاتره بيقولو ينفع عشان ميطفشوكمش بس الدكتوره فهمتني ان لما اخد الحقنه كلها فحته المعده حتجيب مفعول كويس انما لو وزعتها ممكن متعملش حاجه المهم خدت الحقنه فمعدتي وشوفت واحده بتاخدها قبلي خوفت اوي شكلها يخوف المهم لما جت تعملهالي رشت بنج وبعدين ادتني الحقنه والله والله والله انا ماحسيتش بألم الا شكه بسيييييييييطه يعني حتى وجعها ميخلكيش تغمضي عينك بسيطه اوي بجد انا اصلا بخاااااااااف من الحقن بس بجد اتبسط انها مش بتوجع والبنج بتاعها كويس اوي المهم رشت بعدها على مكان الحقنه عشان تعقمو وقالت لما يروح تأثير البنج ممكن توجعك شويه كأنها كدمه وحتعمل لون ازرق وكده وقالت ممكن تاخدي مسكن وان الوجع ده النهارده بس انا مشيت ووالله محسيتش بيها اصلا لما بضغط عليها بس بحس بوجع كدمه خفيفففففففف وفنفس اليوم روحت الجيم

وعادي دي اول حقنه وانشاء الله ححكيلكم كا حاجه بلتفصيل ولو عايزين الدايت اللي خدتو ممكن اكتبهولكو

والصراحه الدكتوره دي بجد صريحه اوي وكلامها يخليكي تفهمي الحقيقه بالزبط حتى لو تدايق انا لما عرفت ان الحقنه لحته صغيره قولت حيكلف بقى بس ارتحت انها صريحه ومدفعتنيش وخلاص وعرفت ححتاج ايه وكل حاجه ويارب فعلا تجيب نتيجه واللي عايز اي معلومه انا مستعده

انا حاطه الموضوع عشان الكل يستفاد عشان انا كان طالع عيني فلنت بدور اخس ازاي ومين الدكتور الكويس فقولت احط تجربتي عشان يارب لو استفدت اساعدكو

انا رحت الدكتوره يوم السبت اللي فات 27-9

اهلا بيكي اختى
انا اخدت عند دكتور حقن ميزو للتخسيس من حوالي شهر ونص اخدت 10 حقن على 3 جلسات في منطقه الاجناب بس لسه مش شايفه اي نتيجه
انا وزني 100كجم وطولي 160سم
ياترى مثلا وزني كبير ومتنفعش معاه الحقن
طيب ممكن طلب ياريت تبعتيلي عنوان الدكتور عشان اروح لها
وهي ريجيمها كيميائي ولا سعرات
شكرا

بصي ياحبيبتي انا الي قريتو علنت ان هو مش للسمنه المفرطه مش لاكتر من 100 كيلو معرفش ده صحيح ولا لا انا عن نفسي افضل تروحي للدكتوره وعنوانها فعياده ماري جرجس اللي فمصر الجديده جنب مستشفى هليوبلس ولو عايزه الرقم موجود فلدليل وتقدري تاخدي رقمها من العياده اسمها نانسي عبد السيد انا عرفتها عن طريق النت فلمنتديات بنات كتير شكرو فيها وهي صراه شكلها صريحه جدا وكويسه اوي وعلى فكره هي بتروح اماكن تانيه بس العياده اللي بروحها انا بتدي الحقن فيها ارخص زي ماقولت الحقنه ب 250

جزاك الله خير
انا مرة رجت لدكتور ودفعت الكشف 100 جنيه لانه كان منزل اعلان فى الوسيط انه بيعمل حقن للمناطق
ورحت له علشان البطن بس هو عقدنى جدا وقالى لازم لك عمليه لان الحقن مش هتنفع
وطبعا لقيت ان العمليه وكلامه تجارة وبس وما لهوش دعوة لا بمصلحه المريض ولا حاجه
عموما انا هروح بس مارى جرجس مش عند مستشفى هليوبوليس دى ناحيه الكوربه
ولا انتى تقصدى انهى بالظبط

السلام عليكم ورحمه الله وبركاته

انا هكتب تجربتي مع حقن الميزوثيرابي
انا من 3 سنين كان وزني 93 كيلو وطبعا الريجيم الكل بيكرهه وكنت بدور على اسهل الطرق وقررت اعمل الميزوثيرابي وبردو رحت لدكتور منه لله اسمه عبد العزيز علما في مدينه نصر واوهمني ان الحقنه دي بتشيييييل الدهون من المنطقه اللي تتحقن فيها وعملتها في البطن والافخاذ والهانش وطبعا لاحياه لمن تنادي وكان واخد مني في الحقنه الواحده 900 جنيه وكان بيقولي لازم العب رياضه وكان كل اسبوع يوهمني اني بخس وبيوزنني وبيكتب بخط ايده اني نزلت لحد ما اوهمني اني نزلت 15 كيلو رغم اني منزلتش ولا جرام وطبعا لما اتاكدت انه بينصب عليا رحتله وعملتله فضيحه واخدت منه كل الفلوس اللي دفعتها
وبعدين رحت لدكتور تاني بيتقي الله وقالي ان الميزوثيرابي مش بتخسس بس هي بتعالج ديفوهات الجسم يعني لو انا عملت دايت وخسيت بس جسمي لسه فيه ديفوه زي البطن مثلا او الاجناب ده اللي ممكن ينزل بالميزوثيرابي

انا حطيت تجربتي علشان تستفيدو منها وربنا يوفق الجميع

حبيبتي مرسيعلى مرورك اولا وثانيا هي جنب مستشى هليوبلس ميدان في كنيسه كبيره هي جنبها على طول ولو عايزه العنوان اوضح مع انك لو رحتي مستشفى هليوبلس حتشوفي الكنيسه علطول بس احتياطي اتصلي خدي رقم العياده من الدليل حتلاقيه اسمها عياده اري جرجس والدكتوره اسمها نانسي عبد السيد

ام ملك وادهم

نورتي ياحبيبتي وربنا يخليكي انك كتبتي تجربتك وكلام ده صحيح وهو بيسيح الدهون اللي موجوده فمكان معين مش للسمنه المفرطه

انا الحمدلله رحت للدكتوره دي شكلها صريحه جدا وقالتلي ان الحقن لاماكن معينه وان الحقنه الاحسن تاخد فمكان معين مش كبير عشان يبقى تركيز اقوى كلامها عقلاني وواقعي فارتحت جدا عشان عرفت اه مكلف شويه بس فهمت الاحسن ليا بدل ما ارمي فلوس علفاضي والدكتوره دي انا عرفتها عن طريق النت كتير كاتبين انها كويسه وجابت معاهم نتيج حلوه عشان كده قررت اروحلها

الرجيم

الافطار:- نصف كوب كورن فليكس دايت+كوب لبن بالسكر الدايت+ملعقه زبيب+ملعقه مكسرات او سوداني

بين:- بيضه او 2 شريحه لانشون+ربع رغيف خبز بلدي + خيار وجرجير+واحده فاكهه(او ربع كوب فاكهه جافه)

الغداء:- 2 كوب سلطه+نصف كوب ارز او مكرونه او ربع رغيف+قطعه كبيره لحم او فراخ او سمك (في الفرن)

بين:- 1 ونص ثمره فاكهه

العشاء:- ربع رغيف + كوب سلطه + بيضه او 2 شريحه لانشون او قطعه صغيره لحم او 3 ملاعق تونه

ملاحظات هامه :-
يمكن مرتين اسبوعيا تبديل الغداء ب

1-ربع بيتزا وسط +2 كوب سلطه+سلطه زبادي

او

2- 6 قطع ناجتس دجاج+نصف كوب مكرونه بالصلصه+2كوب سلطه

او

3-قطعه مكرونه بشاميل في حجم نصف اليد + 2 كوب سلطه

- لا تنسي شرب كوب او 2 ماء قبل كل وجبه
- ازا حدث جوع بين الوجبات يمكن اكل خضار سوتيه وخاصه البروكلي المسلوق حتى الشبع بحد اقصى 3 كوب يوميا

حبيت احطه عشان لو حد عايزو

اولا انا فرحانه جدا لوجودك معانه كعضوه جديده ثانيا عجبنى اوى اسلوبك فى الكلام حساكى جدعه وصادقه اوى من جوه انا هقولك بقى ياسيتى حكيتى انا بعمل رجيم حاليا مع دكتور بقالى عنده حوالى 3 اسابيع ماسيه على الدايت بس ساعت بلخبط بسيط انا نفسى اعمل ميزواثربى بس هستنى اخس شويه وبعدين اروح لدكتوره نانسى لانى كنت متابعه مواضيع الى بتنزل ليها بس عايزة وعد منك انك اول باول تقوللنا التفاصيل وتشجعينا اه نسيت اقولك انا وزنى حاليا 83 وانا كل يوم هدخل موضوعك واتابع معاكى ويارب انتى تكونى سبب لتشجعى وبجد انا سعيده بوجودك مانا ويارب تلاقى النتيجه الى بتتمنيها ربنا معاكى اختك شذى

كتبت بواسطة ام ملك وادهم

السلام عليكم ورحمه الله وبركاته

انا هكتب تجربتي مع حقن الميزوثيرابي
انا من 3 سنين كان وزني 93 كيلو وطبعا الريجيم الكل بيكرهه وكنت بدور على اسهل الطرق وقررت اعمل الميزوثيرابي وبردو رحت لدكتور منه لله اسمه عبد العزيز علما في مدينه نصر واوهمني ان الحقنه دي بتشيييييل الدهون من المنطقه اللي تتحقن فيها وعملتها في البطن والافخاذ والهانش وطبعا لاحياه لمن تنادي وكان واخد مني في الحقنه الواحده 900 جنيه وكان بيقولي لازم العب رياضه وكان كل اسبوع يوهمني اني بخس وبيوزنني وبيكتب بخط ايده اني نزلت لحد ما اوهمني اني نزلت 15 كيلو رغم اني منزلتش ولا جرام وطبعا لما اتاكدت انه بينصب عليا رحتله وعملتله فضيحه واخدت منه كل الفلوس اللي دفعتها
وبعدين رحت لدكتور تاني بيتقي الله وقالي ان الميزوثيرابي مش بتخسس بس هي بتعالج ديفوهات الجسم يعني لو انا عملت دايت وخسيت بس جسمي لسه فيه ديفوه زي البطن مثلا او الاجناب ده اللي ممكن ينزل بالميزوثيرابي

انا حطيت تجربتي علشان تستفيدو منها وربنا يوفق الجميع

ياه يام ملك عبد العزيز علما ده حرامي مالاخر
ربنا يسامحه على الي بيعمله فالناس حتى فالعلاج الطبيعي
كان هيضيع ركبة حماتي