السلام عليكم ورحمة الله وبركاته
اخواتى الكريمات يمكن الاقى عندكم رد على سؤالى اللى محيرنى ومش عارفة ليه اى رد من فترة طويلة
انا مضايقانى النظارة وخصوصا انى لابساها من عمر طويل_مش هقولكم كام سنة_ بس بجد زهقت منهاا قوى
عاوزة اعمل عملية الليزك وحيرانة لانى سمعت انها مجرد عملية تجميلية مش اكتر لانها مش بتعالج 100% وممكن يحصل مضاعفات
مش عارفة الكلام ده حقيقى ولا لأ
فياريت و ارجوكم لو واحدة فيكم عملتها او تعرف حد عملها ياريت تقوللى عملتها الاول من فترةة اد ااية ؟ وهى عاملة اية دلوقت؟ يعنى مستريحة عليها ولا اية؟
ثانيا عملتها فين وعند مين بالضبط؟ والدكتور اسمه اية؟
ثالثا عملتها بكام؟
واكون شاكرة ليكم جدااااااا

السلام عليكم حبيبتي
انا عملت الليزك من حوالي 6 شهور ونتائج فعلا روعة ومريحة جدا واصحك تعمليها بتحسي احساس جديد غييييييييييييير شكل فعلا مافيحلى من انك تصحي من النوم وتشوفي الدنيا واضحة قدامك شي خيالي رائعععع لا تتردي واعمليها فورا وهي عملية بسيطة ما بتاخد وقت اكتر من ربع ساعة بتطلعي بعدها و بتحسي بغباشة وبتخف بالتدريج أول 3 ايام بضل في شوية غباشة وبتوضح الرؤية بعدها تمام ولا نضارة ولا عدسات ولاهم لاتتردي حبيبتي
انا نزلت عبلدي وعملتها بسوريا اذا بهمك اسم الدكتور و التكلفة بخبرك فيهم تكرمي
موفقة

وعليكم السلام ورحمه الله وبركاته انا لى صديقتى عملتها من كام سنه حوالى 8 سنين ومبسوطه بها جدا بس للاسف مش عارفه عند مين ؟ ولا فاكره بكام ؟

و أى عمليه لها مضاعفات لبعض الحالات اسالى عليها قبل عملها

السلام عليكم

حبيبتى عاوزة اقولك ان عمليه الليزك دى ممتعة حتحسسك انك اتولدتى من اول وجديد .. بجد ..
انا عملتها من سنة و8 شهور .. وجميله جدا .. وعلى فكرة الدكتور بيقدر يعرف الاول قبل اجراء العمليه عن طريق الكشف هل عينك يقدر يعمل فيها العمليه دى ولا لا ..
لان بيبقى فى كشف طبعا قبل اجراء العمليه وبيكشف على قاع العين .. وما تقلقيش هى مش عمليه تجميليه ولا حاجة .. هى بس مجرد تصحيح النظر فى شبكة العين ..
ما تقلقيش كمان من ناحيى الالم لانها مفيهاش اى الم ..

بالنسبه لتمنها فلما عملتها كانت بـ 3000 جنيه للعينين الاتنين ,, ده اذا كنتى من مصر طبعا .

والخطوات اللى تم عملها معايا :
الاول الدكتور كشف على قاع العين وبيشوف احسن نظر ليكى بيكون ازاى وبأى درجة .. وبعد كده هو بيظبط جهاز الليزك على كده .. بتدخلى حجرة العمليات طبعا بتلبسى معقمات لانك داخله غرفة عمليات وبتلبسى زى كيس فى رجلك كده .
وقبل اجراء العمليه بيحطلك قطرة كبنج للعين .. ولما بتدخلى العمليات بتنامى على ظهرك ويبدأ يقولك فى ضوء احمر خليكى بصة عليه .. وخاللى بالك انك تظبطى عينك على الضوء الاحمر ده له عامل كبير فى اجراء العمليه بنجاح وبيبدأ هو يشتغل .. ومش بتاخد خمس دقايق ..
وبعد انهاء العمليه بيحطلك قطرة فى عينك
ده غير انه بيكتبلك على قطرة تاخديها فى فترات محددة وفى الـ3 ايام اللى بعد العمليه ما تقربيش عينك للماء او للهواء او اى اتربه ويستحسن انك ما تنزليش من بيتك الـ 3 ايام دول .

طبعا فى نفس اليوم بتشوفى بس انا الحقيقه كنت واخداها نوم عشان احمى عينى من اى تأثيرات خارجية .. لان يعتبر فيها جرح .
وكمان على فكرة عشان ما تقلقيش بيظهر فى العين زى نقطة كده .. لما ظهرت معايا الدكتور قاللى حتروح كمان اسبوعين وفعلا راحت والحمد لله بقت منورة
وكمان طبعا لما بتخلصى العمليه الدكتور بيديكى عدسات بتلبسيها على عينك شبيهة بالنظارة عشان تحمى عينك من اى تلوث او اى هوا .

وما تقلقيش خالص ان العمليه بجد ممتعة جدا وحتحسسك انك اتولدتى من جديد .. وربنا يكرمك ان شاء الله ويوفقك .

معلش طولت عليكى

السلام عليكم

ranimt

جيهان ابو الغيط

م.هبة

السلام عليكم جميعا منورين حبيباتي وتسلمولي على ردودكم وذوقكم معايا
وبارك الله فيكم جميعا وتقبلو مني فائق الاحترام والتقدير
ممكن يا م.هبة اعرف اسم الدكتور اللى عملتى عنده العملية وفين عيادته بالضبط لانى مش من القاهرة وشكرا ليكى على االرد الوافى واالتوضيح بالتفصيل الجميل واالمريح وانا ان شاء الله اما انزل مصر ربنا يسهل واعملها بعد ما ريحتونى بكلامكم ده .ربنا يجعله فى ميزان حسناتكم ان شاء الله

كتبت بواسطة شمس وقمرين

ranimt

جيهان ابو الغيط

م.هبة

السلام عليكم جميعا منورين حبيباتي وتسلمولي على ردودكم وذوقكم معايا
وبارك الله فيكم جميعا وتقبلو مني فائق الاحترام والتقدير
ممكن يا م.هبة اعرف اسم الدكتور اللى عملتى عنده العملية وفين عيادته بالضبط لانى مش من القاهرة وشكرا ليكى على االرد الوافى واالتوضيح بالتفصيل الجميل واالمريح وانا ان شاء الله اما انزل مصر ربنا يسهل واعملها بعد ما ريحتونى بكلامكم ده .ربنا يجعله فى ميزان حسناتكم ان شاء الله

.

ربنا يخليكى يا قمر على الكلام الحلو اللى قلتيه ده
بالنسبه للدكتور فعشان انا من اسكندرية فرحت عند دكتور بالاسكندرية
اسمه د/ احمد شامة ده اللى عملى العمليه وبصراحة ممتاز جدا وفى كمان دكتور اسمه د/ سمير البحة ده برضه ممتاز .. بس اللى جربته د/ احمد شامة .
اذا كنتى عاوزة العنوان بالظبط اقولهولك على الخاص ان شاء الله بس قوليلى عاوزاه ولا لا

السلام عليكم
عزيزتي انا عملتها من9 سنين وانبسطت كتير انه خلص ما في عدسات ولكن للاسف من سنه رجع نظري ضعف ورجعت للعدسات ومش عارفه ازا ممكن اعملها مره تانيه ولا لألألألألألألألألألأ

يا شموسه اعرف ثلاثه اشخاص عملوها اولهم زوجي وثنتين اعرفهم

يالغلا كلهم بخير وطيبين ولله الحمد أسأل الله يمتعك واياهم بالصحة والعافيه

لا تتأخرين ولا تترددين اذا وصلتي لدكتور ثقه مهما يكون السعر توكلي على الله

زوجي يقول ( ما كنت اتصور اني بأعيش يوم من الايام بدون نظارات اما الحين الحمد لله ).

وبالفعل مثل ما قالت م.هبه حيكشف اول وبعدين يحكم هل يستطيع يعملها والا بيقول لك لا.
اذا انتي بالسعوديه حأعطيك اسم ومكان العياده.

تقبلي مروري.

م.هبة
شكرا ليكى بجد على اهتمامك وان شاء الله ولو ممكن تبعتيلى رقم التليفون قبل العنوان عشان انا مش من اسكندرية ولازم احدد الميعاد الاول قبل ما اسافر ان شاء الله لما انزل مصر

فرح العيد
اتمنى انك تعرفى تعمليها مرة تانى عشان تستريحى من النظارة .