السلاااااام ..

بنات حبيت اسألكم إذا مر عليكم شي يخلي الوجه وردي .. انا وجهي وايد اصفر ويلوع الكبد والله ما احب اشوف نفسي بالمنظره من كثر ما هو اصفر .. بنات إلي عندها طريقه لا تبخل والأهم انها طريقه مجربه .. و مشكوريننننننن ..

Om-YouSeF

اختى الحل يعتمد بشكل رئيسي على الغذاء ...حاولى تنوعين بالاكل واحرصي على ان يكون طعامك صحي ....

نعم معك حق أم غانم

تسلممممممممممممممممممممممممممممين

عمري السلطة هي الحل
ولا تنسين الفواكه الطازة والأحسن لو أكلتي الفاكهة في الفطار
وا شربي كاس موية أول شيء صباحا على الريق
وممكن كمان كوب حليب مع معلقة خميرة بيرة...................
وادعيليييييييييييييييييييييييييييييييييي

ابتعدي عن التوتر النفسي وابتسمي باستمرار ترى مافي احسن من الابتسامه لعضلات الوجه


ومثل ماقالوا اخواتج عليج بالخضار والفواكه ولاتنسين الراحه النفسيه قبل كل شي




اتمنى لج التوفيق

اختي انا انصحك بعصير البنجر(الشمندر السكري) لمده اسبوع ولو تحطين معاه عصير فراوله وكرز افضل المهم تضفين معاه فواكه حمراء وبعد انصحك بلخمير (خميرة البيره النقيه) بس لها طريقه وهي انك اذا كنتي نحيفه تكون بعد الاكل والعكس جربي انشاء الله يكون فيها الحل
بس اشوف انك تسوين تحاليل يمكن تكون مشكلتكي عضويه

انا نصيحتى غريباة شوى عنكم بنات انصحك اذا انتي من النوع الى يشرب شاي او قهوة وايد خففي منها وبعد مثل ماقالو البنات الماء والسلطة اهم شي وتسلمووووووووووووووووون

مرحبا حبيباتي..

شوفي عيوني ام يوسف بالاضافه الى اللي قالولج عنه البنات وكلامهم مفيد بالفعل..

حطي خلطات طبيعيه وماسكات واقنعه على بشرتج مثل قناع العسل الطبيعي..

والخيار مسحي عصير الخيار على ويهج..

وهذه اقنعه انا مسويتها واااااااااااااايد حلوه..
بس قبل لا تحطين الماسك على ويهج تعرضي للبخار وحطي على ماء البخار بابونج وتغطي وخلي ويهج على البخار لمده وبعدين سوي القناع.

وهذي الاقنعه استخدميها ورا بعض.. او اختاري منها..

1- تفاح مبشور+ روب+ عسل.

2-وهذي خلطه واااااااايد حلوه: بطاط مهروس+ لبن وشويه روب+ عسل+ شويه ليمون

3-ولنضارة الوجه: التنظيف باللبن او البابونج..

4-عسل +حليب + ماء ورد.

5-حليب بودره+نشا+ بودرة جونسن+ ماء ورد.. تسخن هذه المقادير جميعها ماعدا ماء الورد والنشا.. وتحرك هذه المقادير بعد تسخينها... ثم توضع على الوجه وتترك الى ما تجف ثم يغسل الوجه بماء فاتر..

حطي ماء ورد في الثلاجه وكل يوم اول ما تقومين من النوم حطي على ويهج بواسطة قطنه وراح تشوفين الفرق انشالله..

ولا تنسين عصير الطماط واايد زين للتوريد..

وانا اعلمج على طريقه:
* حطي كمادات ثلج على ويهج بكل مكان.. وخليها فتره على بشرتج وبعدين حطي عصير طماط على بشرتج وخليه ليما ينشف وغسليه بالماء البارد..

بعد 10 ايام تلاحظين بتوريد ونعومه بشرتج

استعملي هذي الخلطات بانتظام بعد البخار وتنظيف البشره جيدا وانشالله ترد نضارة بشرتج

اختي مس بيوتي
اقول حببتي لازم نحن نسويه قبل بالبخار يعني اذا ما سوينا قبله بخار ما بكون فيه فايده
وعصير الخيار شو فايدته ؟؟؟

دمعة الحب عادي عيوني من غير البخار بس انا قلت للفائده اكثر..
بس حتى من غيره انشالله تحصلين على الفائده عادي0

وعصير الخيار يبيض الوجه وينظفه واهوا يكون بمثابة الغسول ..