بعد طول تفكير وقراءة فى موضوع ريجيم السعرات
وجدت بانة من الضرورى القيام بالرياضة معة
يعنى على الاقل رياضة المشى لمدة 45 دقيقة يوميا
لية بقة لان مهما بلغت براعة من درسوا الاطعمة حتلاقى اختلاف فى سعرات اطعمة متعددة
يعنى مرة اقرا ان الزتونة الخضراء الواحدو فيها 5 سعرات ومرة كل 10 زتونات فيهم 100 سعر وهكذا على جميع الاطعمة
شئ مهم جدا وممكن كل واحدة تحسبها لنفسها زى ماالراجية قالت كل واحدة تحسب ما تحتاجة من سعرات حسب السن واوزن
أحب ان اضيف لها ان اليوم الواحد بتاع اي واحدة تبدا تحسبة من ساعت صحيانها يعنى أن مثلا بصحى 10 صباحا يبقى انا محتاجة سعرات فى حالة الصحيان فقط وبحركتى المعتدلة العادية حوالى 1,3سعر فى الدقيقة يعنى انا لو بصحى من10 صباحا الى12 مساءا اذا انا حيعدى علية 14 ساعة صاحية والساعةفيها 60 دقيقة يعنى 14مضروبة فى60 يساوى840 دقيقة كل دقيقة صاحية محتاجة1,3 سعر (840ْْضرب1,3يساوى1092 سعر)
وحنام من 12 مساءا الى10 يعنى 10 ساعاتنوم
دقيقة النوم نحناج فيها فقط واحد سعر
10ساعات كل ساعة فيها 60 دقيقة يعنى 600 دقيقة (600مضروبة فى 1 سعر يساوى 600)
يعنى انا محتاجة ليومىكلة 1092صحيان مجموع على 600 سعر نوم يعنى1692 سعر
هذة مشاركة منى ايجابية بدل النواح والبكاء ارجو ان تجدوها مفيدة وللكلام بقية
أم زيا الايجابية

جزاكِ الله كل خير يا ام زياد ... اجتهاد جميل اوى منك ... بارك الله فيكِ

تفكير جميل شكرا لك

واستكمالا للمعلومة يعنى 1692 سعر حراري يوميا انا محتاجاهم بدون القيام باى مجهود
اذا اذاقمت ان شاللة بنصف او تلت ساعة مش سوف ابدا فى نقصان الوزن
الحاجة او الريجيم اللى بقالى فترة بحاول اوصلة ازاى اكل واخصم اللى اكلتة من السرات اليومية المسموحة وجهزت جدول لكل يوم فية كل لقمة بكلها لما اوصل لحد سعراتى مزودش عن الاكل ولو مثلا زادمنى الاكل اخصمة من الغد والعب بيهم رياضة مشى

حبيبتى ما علينا من حسابك للسعرات لأنى مش مركزه ازاى حسبتيه ( و اساسا حساباتى مختلفه تماما و معقده حبتين )

بس احب اقولك انى دايما باقول ما تحسبوش سعرات الاكل لانه بيختلف باختلاف البلد
يعنى جداول التحليل الغذائى مختلفه

و كمان الاكل 23 عنصر غلط نحصر الموضوع فى حساب سعرات على حساب باقى المواد التى قد تفوق السعرات فى الاهميه فى بعض الاحيان

يبقى ايه الحل العمل بالنموذج الذى وضعته فى موضوعى و التبديل لاى صنف عن طريق نظام المجموعات اما حساب السعرات فغلط

والرياضه التوصيات بتقول 30 دقيقه من 3 الى 4 مرات للمحافظه على الصحه

تزاد الى ساعه فى حال الرغبه فى انزال الوزن

وحاجه تانيه مهمه جدا جدا شرب الماء من 2 الى 3 لترات

و لأ ما تحسبيش لقمه لقمه ح تزهقى اصبرى كده بعد ما تتعودى على انك تحددى اكلك اعملى اللى يعجبك و انا لو طلبوا منى احسب لقمه لقمه ح اسيب الاكل وابطل اكل اصلا

بس و الله برافو عليكى انك بدات تبحثى فى اللى يفيدك بدل ما تقعدى تلومى فى روحك

ان شاء الله ربنا يوفقك للى فيه الخير ليكى ونبارك لك على الوزن المثالى قريب

والاهم بالنسبة فى موضوع ريجيم السعرات ان الواحدة يكون معاها جداول فيها نوع الطعام والكمية مثلا ملعقة او 100جم اوكوب ويكون واضح مسلوق ام مقلى او مشوى
وبعد تفكير عميق فى ريجيم السعرات لانى مهتمة بية بالذات لانى من النوع ما احبش القيود على اكلى وعارفة انى ممكن يوم اخرب الريجيم ولانى مش عايزة اصاب بالياس من نفسى اخترعت لنفسى ريجيم ارجو ان اعرف رايكم جميعا فية وهو انى احسب سعراتى فى الاسبوع كلة واحسب نزول الوزن بالاسبوع
مثلا أنا بحتاج فى اليوم الواحد1700 سعر يعنى فى الاسبوع1700سعر مضروبين فى 7 يساوى بالظبط11900 سعر اسبوعيا
انالية كل يوم 1700 سعر باظ منى يوم مثلا اكلت 3000 سعر الحل انقصهم من سعراتى الكلية للاسبوع كلة مثلا11900 سع ناقص 3000 بتوع اللخبطة0
يبقى عندى لباقى الاسبوع6 ايام8900 سعر اقسمهم على 6 واكمل باقى الاسبوع وانا مش قلقانة انى خربت يعنى اليوم الواحد بقى تقريبا1483سعرلمدة الستة ايام القادمة وحتى انالوكان عدى من اسبوعى3 ايام مثلا وجيت خربت فى اليوم الرابع ارجع اخصم السعرات اللى استهلكتهم من باقى الاسبوع يعنى كان فاضل فىالاسبوع4 ايام كان المفروض استهلك 1700 فى اليوم يعنى6800 سعر فى اربع ايام مثلا ان خربت واكلت 2500 سعر ارجع اطرحة من6800ىبقى فاضل لى4300سع لليام التلاتة الفاضلين اقسمهم على تلاتة يبقى مايزيدش اليوم عن1433 سعر بعد القسمة بزمتكم مش كدة احسن وفى نهاية الاسبوع ابقى ضامنة انى لم اتجاوز سعراتى للاسبوع كلة دة اجتهادى ولم اقراة فى اى مكان وانا فعلا بدات اطبقة من امبارح
ما رايكم دام فضلكم

حبيبتى الراجية شكرا على ردك بس اية هو نظام التبديل بين المجموعات والتبديل بينها
مع الشكر
خدينى كدة تاتا تاتا يا قمر
ام زياد المهمووومة

جزاكِ الله كل خير

ليه بس مهمومه انتى كده بدايتك صح عايزه تفهمى وطالما عايزه تفهمى يبقىعايزه تطبقى اسألينى انا مر على كتير زيك كده طالما بدأوا يسالوا افتائلخير على طول

دلوقتى تقومى تنامى والصبح وعليكى خير اقرى المواضيع اللى ح احطها ليكى

لأ سعرات الاسبوع كده مش صح الجسم بيتحسب سعراته يوميا على حسب احتياجه مش بالاسبوع

الصح ان السعرات اليوم بيومه قلت لك سيبك من الموضوع ده كله كده ح تلخبطى نفسك بصى مبدئيا ادخلى هنا



مرشد الغذاء الصحى

خاص جدا لكل من تسأل عن ريجيم السعرات الصحى

خاص جدا لكل من تسأل عن ريجيم السعرات الصحى ( الجزء الثانى )

البدائل للمجموعات الغذائية الخاصة بريجيم السعرات

ودول عشان تقيمى اى ريجيم صح ولا غلط

خدعوكى فقالوا ....... مفاهيم خطأ عن انظمه انقاص الوزن

أستفتاء: هل نظامك نظام صحى للتنحيف حقا ؟ هل انتى متأكده ؟

باركولى سأتبع ريجيم سريع لكى ازيد وزنى


وهنا ليه انا ضد حساب السعرات

*✿*·´ღ`· دوره كيف تعدين طعام صحى (كيف تصممين وجبات باستخدام السعرات ؟) ·´ღ`·*✿*

*✿*·´ღ`· دوره كيف تعدين طعام صحى ( استخدام الهرم الغذائى لتخطيط الوجبات ) ·´ღ`·*✿*

*✿*·´ღ`· دوره كيف تعدين طعام صحى ( الاحتياجاتتبعا للمجموعات الغذائيه ) ·´ღ`·*✿*

جزاكِم الله كل خير