السلام عليكم ورحمة الله نشكرك على جهودك وخدمتك لله جعلها الله فى ميزان حسناتك وجمعنا واياكى فى جنة الفردوس اختى فى الله انا ام مرضع وعمر ابنى سنة وشهرين واعانى من زيادة الوزن وزنى 76 وطولى 163 كم عدد السعرات التى احتاجها وماهو الرجيم المناسب لى مع العلم ان ابنى يرضع من خمسة الى ستة رضعة فى اليوم رضعات صغيرة وانا اعانى من الجوع دايما بعد المغرب وبحب تناول الشاى بلحليب مع الكيك والبسكويت هل فى انواع قليلة السعرات ودايما بتناول العشاء من الخارج فما الحل وهل يوجد شى لسد الشهية وانا اعانى من القولون العصبى والامساك وارجو منكى الرد السريع وجزاكى الله الف خير اختك فى الله

وعليكم السلام ورحمه الله وبركاته

حبيبتى اهلا بيكى

بارك الله فى ابنك وابنائنا جميعا

مؤشر كتله وزنك 29 وابنك اسم الله عليه اتم العام

يبقى ما تحتاجيه 2000 سعر ( ان شاء الله لو اكلتيهم لن تجوعى لا بعد المغرب ولا بعد العشا لان الجوع دليل على نقص اكلك اساسا عن احتياجاتك )


والكيك والبسكويت بديل للخبز مش الفاكهه ( سؤال دائما اتسئله ) نقصى من الخبز وبدليه بالبسكويت مره يوميا
هو تقريبا الربع رغيف ح يساوى 2 بسكويته
يعنى كلى 2 بسكويته وفى العشا اتعشى بنصف رغيف بدب 3 ارباع رغيف

وفكره بسكويت قليل السعرات لا افضل اى اكل ريجيم
كلى كل الاكل العادى اكل الريجيم ده ممنوع لانه يعمل على نقص امتصاص بعض المواد الغذائيه المفيده لجسمك

والامساك باذن الله لو اكلتى الخضار والفاكهه وشربتى الماء ولعبتى الرياضه ان شاء الله ح يبقى افضل لو لأ اكتبى تانى اقولك اعملى ايه

الاكل بالخارج ما لوش حل اما تبطليه او تحاولى تكون نفس الخيارات اللى فى النظام لان مشكله اكل الخارج انه غير متوازن بتاتا والمواد المضافه للاطعمه تنزل فى الحليب على الارجح

وهنا النموذج

نموذج لنظام ال 2000 سعر


الأفطار

كوب حليب
او
لبن
او زبادى
+
سندوتش ثلاثه ارباع رغيف جبنه وبيض
او
سندوتش ثلاثه ارباع رغيف جبنه نوعين

او سندوتش ثلاثه ارباع رغيف بيض + 4 ملاعق فول او حمص او اى بقول

او
ثلاثه ارباع رغيف بيض بالبسطرمه

+ قطعه حلاوه فى حجم علبه الكبريت ( وليس اكثر )
او 2 ملعقه عسل نحل
او 2 ملعقه عسل اسود

ما بين الافطار والغداء خضار سلاطه بدون اى اضافات ما عدا الليمون

الغداء

طبق خضار مطهى
+
طبق سلاطه بدون اى اضافات ما عدا الليمون
+
قطعه لحم او سمك او دجاج وينزع الجلد واى دهن ظاهر وايضا يفضل ان تكون مسلوقه او مشويه
+
4 ملاعق ارز او مكرونه او بطاطس او بسله او جزر او قلقاس
+
وحده فاكهه

ما بين الغداء والعشاء خضار سلاطه بدون اى اضافات ما عدا الليمون

العشاء مثل الافطار مع اضافه سلاطه خضراء بدون اى اضافات ما عدا الليمون


قبل النوم وجبه خفيفه
كوب زبادى او ثمره فاكهه او خضار طازج اى شىء بس عشان لا ننام ونحن جوعى

حبيبتى و لباقى التفاصيل اكثر عندك الموضوع ده

§¤*~ ريجيم المراضع الجزء الثانى ~*¤§

شكرا جزاكى اللة خير