مرحبا ، كيفكم ، عساكم ابخيير
هل في علاج لهذي الحاله :
لي صديقه حامل(المره الاولى) وهي وزنها قبل ما اتحمل 43 وطولها 158 ، الحين هي كملت 4 شهور من الحمل ، ومن يوم ما حملت وهي فييها حاله:تكره الكلام ولا تقدر تتكلم يعني كله مالها نفس ، ولا تاكل شيء وتقوم الصبح فييها لوعه واترجع ، وما اتحب تقعد في الغرف تبغي تجلس برع ، وهي لما اتروح عند بيت اهل زوجها (جيرانهم) اتكون طبيعيه لان صالتم مفتوحه او لاسباب نفسيه ما اعرف عنها ولا هي اتعرف،بس لما تدخل غرفة نومها ترجع اللوعه ، وبعد فييها حاله ما تحب التلفون ( البيت والموبايل ) اتقول تكره .
الدكتوره قالت لها انه دمها ناقص اشوي ، والمشيمه نزلت اشوي ..
تعبت وانا اقولها اكلي علشان ما تندمين في يوم الندم يوم ما فيج حيل ، كله ما اتحبه والاشياء اللي طعمها حلو تلوع كبده ، وانها اقولها اكلي تمر علشان تقوينا ، هي لاحظت انها لما تاكل اتكون احسن بس مرات ما ترضى علشان اللوعه ، الدكتوره قالت اهلها اخذي حبوب الكالسيوم ، بس هذي الحبوب اتسوي امساك، وهي ما اتشرب ماي حتى لو متموت من العطش علشان ما اترجع ...وفي بعد عندها مشاكل مع زوجها ( مو يعني هوشه ) لا ، بس قلت الصلاه ، وصلاة بالبييت ، وبعده علاقات السخيفه ، وهي واجهاته 3 مرات وحلف ما يرجع وغير رقمه ، بس مؤخرا رجعه وهو فاكر انها ما اتعرف، هي اتعرف من حوالي شهر ..فهل للمشاكل اثر في زياده الوحم .
على فكره ( انا اتحملتا كثير ، تراها وايد اتعصب علييه واتكلمني وهي شكل اللي ما لها نفس وردودها تحرق الويه، كثثير من المرات تحرجني ، بس ما اعرف شو اسوي ، ترى هي ما كانت هالشكل الا من ازوجت)
فكيف اتصرف واقوم بدوي كاخت الها وصديقه
رد مع الاستدلال
الروابط المفضلة