السلام عليكم ورحمة الله وبركاته
انا يا اختي عندي مشكلة كدة وهي اني من ساعة ما ولدت مش عارفة اخس خاااالص
خسيت 2 كيلو بسسسسسسسسس مع اني مقللة اكلي جدا
انا بعد ولادتي الاولى نزلت ييجي 10 كيلو
مش فاكرة في قد ايه(بالكتير خلال سنة) بس مع تقليل الاكل بس وماكنش في دماغي
بس خسيييييييييييت جامد وكل مادا كنت عمالة اخس

دلوقتي انا بنتي عندها 7 شهور مش عارفة اعمل ايه
تقريبا جسمي خد على التقليل دة
وانا على فكرة بولد قيصري ولذلك بطني كبرت قوي المرة دي وانا ولله الحمد منتظمة الى حد كبير على رياضة البطن من حوالي شهرين او تلاتة
واللهم لك الحمد ملاحظة فرق في محيط الوسط وكمان في ان البطن شادة مش مترهلة قوي زي الاول

بس عندي مشكلة اساية وهي ان جوزي بييجي بالليل الساعة 12 ودة معاد وجبتنا الاساية
وممكن دة اللي مش مخليني انزل
ولو قلتيلي اكل بدري مش بعرف لاني مش بيجيلي نفس خاللللص
وفي نفس الوقت لما باكل بالليل مش باكل غالبا غير خضار وبروتين وارز والمكرونة شبه مش موجودين
بس انا ممكن اكل حاجة مسكرة لاني بجوع بالليل جداااااااااا ولاني بسهر مع بنتي مش بنام قبل الفجر وممكن بعد كدة
يعني انا باكل وبعد من 3ساعات الي 5 ساعات على ما بنام
هتجننننننن ومش عرافة اعمل ايييييييييه
ياريت يا حبيبتي تديني بروجرام احاول امشي عليه وربنا يعينني

السلام عليكم و رحمة الله و بركاته

أختي الكريمة هلا بيك أسمحي لي بس بسؤال قديش طولك ووزنك ؟؟

هيك لما تدخل الراجية ان شاء الله تلاقي معلوماتك و تجاوبك

أنا عندي اقتراح فقط مثل ما قلتي انو مش رح تقدري تستغني عن الأكل في الوقت المتأخر من الليل فخليه سلطة و فاكهة بس و حليب و لا سوائل عشان أكيد بنتك ترضع في الليل

و في النهار خذي الأكل اللازم
ده مجرد اقتراح مني مش عارفة مدى صحته
على العموم الراجية ان شاء الله تفيدك

و ربنا يخلي لك أولادك و يحفظهم ان شاء الله و تنزلي وزن و أنت بصحة و عافية
و بهنيكي أنك مواضبة على رياضة البطن ماشاء الله

وعليكم السلام ورحمه الله وبركاته

اختى فرح اهلا بيكى

هاله اقتراحها جميل وان كنت زيك بالضبط بدون زوجى صعب ااكل من الحب ما قتل

طيب واحده واحده

انتى اولا لم تذكرى طولك ووزنك قبل وبعد الولاده ؟ اللى فهمته انك نزلتى 2 كيلو فى سبع شهور ولا اللى فهمته غلط

انتى مرضع ولا لأ ؟

تغيير المقاسات تغيير بجد احنا قلنا قبل كده ان العضلات وزنها اكبر بكتير من الدهون ممكن الوزن لا ينزل كميزان ولكن الجسم بيكون عضلات يبقى انتى منتهى التقدم واللى ماشيه عليه تمام التمام

والاهم اكلك ايه يا قمر لمده 24 ساعه عشان نحدد يناسبك ولا لأ ؟

انتظرك

ربنا يوفقك لما يحب ويرضى

معلش ياجماعة انا فعلا نسيت اكتب بياناتي من معانتي
انا طولي 150
وزني 68
نفسي ابقى 60
دة بيبقى وزن مناسب جدا ليا عشان جوزي اما بابقى اقل من كدة بيتريق عليا
بصي يا ستي
انا بفطر عادي جدا ربع او نص رغيف بالعافية مع جبنة قريش او بيضة مسلوقة وفنجان نسكافيه بدون سكر (دة بيبقى الساعة 2 ظهرا على ما بقوم وافطر العيال وابو العيال وكدة يعني ولاني مش بجوع الصبح قوي)
بعد كدة بساعة او اتنين ممكن حتة كيك
وشاي بلبن او سادة
وطول اليوم مشوربات دافية وبدون سكر
وممكن من اكل قبلها بيوم اكل حاجات بسيطة قوي
شوربة او اي حاجة
وممكن ربع رغيف مع جبنة او كدة
لحد بالليل
باكل من اكل البيت بس من غير رز او مكرونة او عيش غير ناااااادرا جدا ودة لو حصل معلقتين بالكتير
وممكن بعدها بساعة حاجة مسكرة بسكوت او كدة
انا بحب التمر جداااااا وممكن القط منه خلال اليوم بيديني طاقة
وبعمل تمرينات بطنننننن 20 في 4
اربع انواع يعني عشرين مرة
انا عندي 26 سنة ومرضع
ومشكلتي اني نوعا ما بشتهي الحلويات بالرغم من اني كنت عمري ما باكلها
وباطبخ الاكل ني في ني
ومش باشرب الحاجة بسكر خااااااااالص
لخبطة بس مش عارفة اعمل ايه؟

بصى ح ارد عليكى بالتفصيل اكتر

بس مبدئيا اكلك قليل قوى وفين الخضار بتشربى طول النهار مشروبات بدون سكر جميل برافوا عليكى ليه مش بتاكلى خضار اخضر ؟

على كلامك من اكل البيت ممكن تكونى عامله خضار مطبوخ بس فين السلاطه ؟

والميه مجبتيش سيرتها ليه مفيش ميه ؟ شكلك عامله زيى بأنسى اشرب اغلب الوقت فبحط ازازه جنبى واقربع كل ما اشوفها لو معملتش كده انسى ممكن طول اليوم لا اعطش ولا افتكرها اصلا

كل ده ردى على السريع

والله فعلا يا حبيبتي انا بنسى المية
والسلطة بعملها وباكل منها بس مش قد كدة
ماليش تقل قوي عليها
ولا الفاكهة كمان مع الاسفففففففف

انت فين يا اختي؟؟
مستنياك على احر من الجمررررررررر

معليش سامحينى والله الموضوع تاه منى بس ان شاء الله ارد عليكى النهارده

لا والله ولا يهمك
انا كنت اليومين اللي فاتوا ماعنديش نت مع الاسف
وباذن الله مستنياكي

حبيبتى فرح معليش سامحينى على التأخير والله ما مقصود



صراحه ان وزنك ينزل على اللى متبعاه صعب ده مش نظام لانزال الوزن ابدا

انتى مؤشر كتله جسمك 30 يعنى تحتاجى 1500 سعر + 500 سعرات الرضاعه يبقى ما تحتاجيه 2000 سعر

مواعيد وجباتك وان كانت مختلفه ربنا يكتب لكى الاجر لكن لا مشكله احرصى ان تكون اخر وجبه رئيسيه قبل النوم ب 3 ساعات على الاقل لو تقدرى لو لأ قسمى الوجبه بحيث ما تتناوليه اخر شىء اقل طعام ممكن عشان الحرق و خلافه

المشكله كما اذكر دائما اننا بانقاص اكلنا الجسم لا ينزل وزنه بالعكس يضعف وخلاص
والمشكله عند المرضع اكبر لان حليب الام يحتاج زياده فى طعامنا ( ولعلمك فى كثير من الاحيان اكثر من الحامل نفسها ) اذا لم يجدها فيستهلك من الجسم نفسه اذا لم يجد ما يحتاجه بالجسم يبدأ فى الجفاف وتنتهى الرضاعه بسبب حلم الرشاقه

اكلك فى النظام اكثر مما تأكلى عادى عارفه السؤال ده بالذات اتسألته مليون مره العبى رياضه لحرق الزائد لكن لا تقللى اكلك ابدا وعندك مشتاقه للامان و بنت الاحرار ( اسئليهم كان نفس تعليقهم ) ربنا يبارك فى ابنائنا جميعا وغيرهم كثيرات كان نفس التعليق معقوله كل ده اكل انا اكلى اقل
اى نعم اكلك اقل لكن لم ينزل الوزن لانه لا يقابل احتياجاتك والجسم فى حال تقليل الاكل يعمل خط دفاعات كثيره الخلاصه لا ينزل وزنه او يحرق دهون

الفاكهه والخضار لا يمكن نقول ما ليش تقل عليهم حاولى مع نفسك مره واتنين وعشره دول تقريبا المسئولين عن امدادنا باغلب احتياجنا من الفيتامينات والاملاح المعدنيه ( يعنى بدل ما ناخد اقراص فيتامينات نأكلهم )
بخلاف ان بهم الالياف الهامه جدا فى اعطاء الاحساس بالشبع
تخيلى انك بهذا تنقصى مجموعتين غذائيتين من اصل سبعه نتيجته مش لطيفه خالص
الخضار مش شرط سلاطه باى صوره كانت المهم تاكليه

حالات ما يشبه الوحم او الاقبال الغريب على بعض الاصناف نتيجه طبيعيه لحرمان النفس وسياسه التجويع التى نفرضها على اجسامنا
الماء مهم جدا وان كان البعض يذكر ان دوره فى الحرق غير معروف لكن الثابت دوره المباشر فى تخليص الجسم من السموم وطبعا فائدته للرضاعه اساسيه لا كلام

الرياضه اللى بتعمليها جميله بس لو تزودى عليها ربع ساعه مشى ( بس ربع ساعه ) وحاولى تنوعى فيها يعنى مش كل مره تمارين للبطن التركيز على مكان واحد يعطى نتيجه عكسيه

الماء كما ذكرت بجانبك زجاجه كلما رأيتها اشربى

حيله تعاطى المشروبات بدون سكر للتحايل على الجوع مش صح جعانه كلى اما وجبه خفيفه من المكتوب او اى خضار تفضليه

قيسى جسمك كأنك ح تفصلى فستان مكسم واحتفظى بها وعيدى القياس بعد اسبوعين

الوزن اول مره خليه بعد اسبوعين جسمك مع كل الفتره الماضيه من تقليل اكل لا تعتقدى انه سوف ينزل فى اول اسبوع محتاج شويه صبر

لاى سؤال تحت امرك اكتبى فى الموضوع اذا لم ارد راسلينى الخاص حقك

النظام المقترح يكون ما تحتاج 2000 سعر

الأفطار

كوب حليب
او
لبن
او زبادى
+
سندوتش ثلاثه ارباع رغيف جبنه وبيضه
او
سندوتش ثلاثه ارباع رغيف جبنه نوعين

او سندوتش ثلاثه ارباع رغيف بيضه + 4 ملاعق فول او حمص او اى بقول

او
ثلاثه ارباع رغيف بيضه بالبسطرمه

+ قطعه حلاوه فى حجم علبه الكبريت ( وليس اكثر )
او ملعقه كبيره عسل ابيض
او ملعقه كبيره عسل اسمر
او ملعقه كبيره مربى
+
خضار سلاطه

الظهر خضار سلاطه بدون اى اضافات ما عدا الليمون

الغداء
مثل خيارات الافطار مع اضافه سلاطه خضراء بدون اى اضافات ما عدا الليمون لكن نوعى لا تكررى الافطار مره اخرى تماما


ما بين الغداء والعشاء خضار سلاطه بدون اى اضافات ما عدا الليمون

العشاء

طبق خضار مطهى
+
طبق سلاطه بدون اى اضافات ما عدا الليمون
+
قطعه لحم او سمك او دجاج وينزع الجلد واى دهن ظاهر وايضا يفضل ان تكون مسلوقه او مشويه
+
4 ملاعق ارز او مكرونه او بطاطس او بسله او جزر او قلقاس
+
وحده فاكهه



قبل النوم وجبه خفيفه
كوب زبادى او ثمره فاكهه او خضار طازج اى شىء بس عشان لا ننام ونحن جوعى



البدائل للمجموعات الغذائية الخاصة بريجيم السعرات

قائمه بدائل الحليب

كوب واحد حليب
كوب لبن رائب او زبادي
نصف كوب حليب مكثف معلب
3 : 5 ملاعق حليب بودرة ثلث كوب
الجبن في حجم البيضة


قائمه بدائل اللحوم

اللحوم قطعه 100 جرام (يقطع اللحم الكيلو على 10 نيئ)
الأسماك سمكه متوسطة
الأسماك المعلبة علبه صغيره تونة او سالمون او ماكر يل
الجمبري الوسط والأصداف 5 حبات

الدواجن ربع بالعظم حوالي 250 جم
البيضة واحده
بياض البيض نصف كوب
(ويدخل من ضمنها النقانق والسجق والهامبورجر ولكنى لا اعتبرهم غذاء لاحتوائهم نتيجة التصنيع على الكثير من المواد الضارة)


قائمه بدائل الخضراوات

المطهية كوب
والنيئ كميات مفتوحة ما عدا المذكورة كنشويات مع الخبز والحبوب فتحدد


قائمه بدائل الفاكهة

الثمرة الكبيرة كالبرتقال والتفاح ثمره واحده
الثمرة الوسط كالمشمش ثمرتان
الثمرة الصغيرة كالتمر 3
العنب 10 حبات
للمعلوميه هذه طريقه للتسهيل في البيوت وان كانت السعرات تختلف ولكن لفوائدها العظيمة نتغاضى قليلا عنها


بدائل الخبز والحبوب

الخبز الأسمر ربع رغيف
التو ست شريحة
الصامولى حبه صغيره كسر الخبز الجاف 3 ملاعق
الكورن فليكس ثلاث أرباع الكوب
الفشار بدون دهن 3 أكواب
البسكويت المملح 5 حبات
2 ملعقة بطاطس او بطاطا او جزر او بسله او قلقاس
الشيبسى 10 حبات
الغريبة حبه
الايس كريم نصف كوب
الشربات ربع كوب
المربيات والعسل الأبيض والأسمر ملعقة صغيره


قائمه بدائل الدهون
السمن ملعقة صغيره
الزيوت ملعقة صغيره
الزيتون 5 حبات كبيره
البيكان حبتان كبيرتان
الفول السوداني 20 حبه
اللوز 10 حبات
الكاشو ملعقة شوربه
اللب ملعقة مائدة
المايونيز ملعقة صغيره
القشده ملعقة شوربه
جبنه الكريمة ملعقة شوربه




وفقنا الله واياكم لما يحب ويرضى