انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 5 من 5

الموضوع: أرجوووووووكم ساعدوني يا بنات

  1. #1
    تاريخ التسجيل
    Feb 2003
    الموقع
    على وجة الارض
    الردود
    7
    الجنس

    Question أرجوووووووكم ساعدوني يا بنات

    أرجو منكم المساعدة يا جماعة كل يوم أوعد نفسي اني بكرة بأبدأ رجيم


    لكن مافي فايدة والمشكلة مافي ارادة أبدا

    تعبت و أنا أحاول لكن من غير نتيجة بالعكس أزيد أتخن

    خبروني أيش الحل وبسرررررررعة أرجوكم و لكم جزيل الشكر

  2. #2
    تاريخ التسجيل
    Feb 2003
    الموقع
    K.S.A
    الردود
    398
    الجنس
    اهلين فروالايه
    على فكرة اسمك حلو مرة
    اسمع نصايح حول هالمواضيع وراح انقلك الي يحظرني بهالوقت بس ان شالله يفيدونك بشي



    اولا خلي ايمانك بربك قوي وادعيه وتضرعي له بالصلاة والدعاء انه يهون عليك ويسهل عليك
    وانه يعينك ويصبرك
    خلي الهدف قدامك واسعي لتحقيقه
    فكري بالمستقبل وان كنتي لسه بنت فكري ليمن تتزوجين ايش بتسوين بفستان العرس ايش لون بتدخلين فيه؟؟؟؟؟؟ وايش لون بكون شكلك فيه قدام زوجك والمعازيم
    فكري بصحتك والامراض الي راح تجنينها من السمنه
    قارني نفسك بزميلاتك النحيفات وحاولي توصلين للهدفك
    احرمي نفسك من الاشياء الي تحبينها كعقاب نفسي اذا تجاوزتي قوانين الرجيم
    تدرجي في الرجيم ولا تبدين برجيم قاسي من اول مرة اختاري واحد سهل وبعدة تدرجي في الصعوبه
    لاتتوقعين نتائج فوريه من اول رجيم لان الانسان الي يظن انها راح يحصل على الي يبغاة من اول مرة راح يتفاجىء بالنتيجه الاوليه ويمكن تصيبه بخيبه امل وتخليه يتراجع عن هدفه
    استشيري اخصائيه تغذيه علشان تساعدك في انقاص وزنك وتشوف الاغذيه المناسبه لك والي تخفف جسمك اكثر من غيرها
    نوعي بالرجيم ولا تعلقين على رجيم واحد طول فترة التخسيس تجنبا للملل والضجر
    فضي الثلاجه والبيت والغرفه منكل المؤكولات الي تحبينها
    واخيرا خلي مو ضوع التخسيس طي الكتمان وخلي هالمقوله ماثله امام عينيكي(واقضوا اموركم بالكتمان)


    وهذا الي يحضرني من النصائح
    وان شالله تكون جديدة عليكي وتفيدك والبنات ماراح يقصرون بالنصائح
    مع اني اضن انك مو دبه مرة 00يعني مليانه وياحلو الجسم المليان والحمد لله على كل حال 0والانسان دايم يطالع الي اقل منه في كل شى علشان يرضى ويقتنع بالي رزقه الله الا شيئين في الدين والدراسه هذولا الشيئين لازم يطالع الي اعلى منه ويقلدهم
    باي

  3. #3
    تاريخ التسجيل
    Feb 2003
    الموقع
    على وجة الارض
    الردود
    7
    الجنس
    شكرا لك أختي viva la fiesta على اهتمامك بالموضوع

    و على النصائح الحلوة و بأحاول أطبقها ان شاء الله

  4. #4
    تاريخ التسجيل
    Feb 2003
    الموقع
    جارة القمر
    الردود
    1,894
    الجنس
    مرحبا...

    حبيبتي...

    انا نفسج دايما اذا بسوي رجيم وابي ابدا فيه اتأخر وايد وأأجله واقول بعدين واذا سويت ما اكمل بس تعبت وايد لما اروح السوق في اشيا تعجبني بس مو مقاسي ونفسيتي تتعب مع اني مو متينه وايد بس متروسه شويه وفعلا اتضايق وايد وقررت اول شي اجمع كل انواع الرجيم وكل شي ينحف واختار منهم اللي يناسبني واللي اقدر عليه وفعلا الحين انا باديه بالرجيم وجم شي اسويهم والحين مستمره عليه.. وتصدقين لما اخربط شويه مو وايد اعيد الرجيم من الاول اعاقب نفسي والحين انا مستمره عليه من احسن ما يكون ومرتاحه منه وانشالله اشوف النتايج..

    غير جذي ان اتخيل نفسي رشيقه واشلون ارتاح بعدها واكون راضيه عن نفسي واشتري اللي احبه وما انحرج واكون اكثر لياقه واكيد راح يصير شكلي احلى وانا اتخيل هالشي وتزيد عزيمتي اكثر..

    هذا اللي انصحج فيه سوي نفسي وتخيلي نفسج رشيقه وسألي نفسج انتي راضيه عن نفسج الحين؟ اكيد لا وبعدين لو تضعفين اكيد راح تكونين احلى ونفسج مرتاحه وقوي عزيمتج بالهكلام وخلي مكافاتج لما تضعفين اهيا رضاج عن نفسج والمكافأه الثانيه اللي اهيا تشترين اللبس اللي يعجبج واللي يناسبج واللي كنتي تحبين يكون عليج ...

    ولا تقولين لاحد انج تسوين رجيم وعلى فكره آخر نقطه اقولها لج لا تحطين في بالج انج تضعفين سوي رجيم وانسي هالشي لانج لو حطيتي في بالج ما را يصير ...

    وأسفه اني طولت عليج حبيبتي..


  5. #5
    تاريخ التسجيل
    Feb 2003
    الموقع
    على وجة الارض
    الردود
    7
    الجنس
    شكرا عزيزتي مس بيوتي على ها النصايح الغالية و بكرة ان شاءالله

    بأبدأ رجيم لاول مرة بجربة و ان شاء الله بألقى النتيجة المطلوبة

    لاني ودي أرجع احلى من أول متمنية يسير وزني 50 كيلو و أنا

    الآن 77 كيلو

مواضيع مشابهه

  1. انا في ورطة ساعدوني أرجوووووووكم
    بواسطة nidal_0906 في نافذة إجتماعية
    الردود: 21
    اخر موضوع: 04-02-2009, 01:32 PM
  2. الردود: 8
    اخر موضوع: 02-05-2008, 05:40 PM
  3. أرجوووووووكم دلوني .....كيف أتصرف ؟؟؟؟؟؟؟
    بواسطة noran5 في نافذة إجتماعية
    الردود: 11
    اخر موضوع: 21-06-2005, 05:10 PM
  4. عضوة جديده بحاجة للمساعدة...أرجوووووووكم
    بواسطة الدماني في ركن الأشغال اليدوية والخياطة
    الردود: 4
    اخر موضوع: 25-10-2002, 11:32 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ