مرحبا اخواتي العضوات...

انا عجبني المنتدى وايد وعشان جذي شاركت معاكم .. وماشالله شفت البنات ما يقصرون ويشاركون ولهذا السبب المنتدى متميز عن غيره..

انا مشكلتي ان عندي تكيس مبايض من فتره طويله.. ويترتب على هالشي اضطراب شديد بالدوره الشهريه وغيره ان اصبت بالسمنه بعد ماكان قوامي رشيق جدا...

راجعت اكثر من اخصائي بهالخصوص بس من غير فايده.. يعطوني حبوب منع الحمل وانا مو متزوجه واعتقد انها لها تأثر واهيا السبب في زيادة وزني...

ياريت اللي تعرف علاج تقولي لاني تعبت ...

واللي تعرف علاج بالاعشاب يكون احسن لانه استعملت الحبوب ما نفعت..

بس اي علاج يفيدني..

اكون شاكره لكم..

تحيـــــــاتي للجميع..

اختي العزيزه مس بيوتي.........
الف سلامه عليك وانشاء الله ما تشوفين الشر يارب.......
اذا حابه تستخدمين علاج شعبي وعند وحده ثقه انا ادليك عليها انشاء الله وكثير تعالج حالات مشابهه لحالتك.......واصعب...
واذا كنتي حابه عند دكتوره معينه انا ادليك على دكتوره كنت اعالج(بس مو من تكيس) عندها وشاطره ما شاء الله......وكلهم بالكويت....انتي عطيني خبر وردي علي......
انفال

الحبيبة مس بيوتي : وإن كنت ما عندي خبرة في هذه الأمور ؛؛؛؛؛ ولكن أنصحك يا الحبيبة بأن

ترقي نفسك ،،،،،، وهذا تجربة زميلات لي ،،،،،، فتمسحي بكفيك بعد قراءة الأذكار الواردة

بالرقية على أسفل بطنك وظهرك كل ليلة قبل النوم ،،،،، وسلامات يا الغالية .

مرحبا اخواتي..

مشكورين وايد وما قصرتو اختي انفال وزوجة اسير يعطيكم العافيه والله يسلمكم ويعافيكم...

حبايبي كلكم ذوق ..

انشاله اختي زوجة اسير اسوي اللي قلتي عنه بالنسبه للرقيه والله كريم... والشر ما ييج حبوبتي..

اختي انفال ما قصرتي .. وياريت تدليني على اسم اللي تعطي اعشاب لعل وعسى..

بس مافي مانع تعطيني اسم الدكتوره لان في حالة ما نفعت الاعشاب اتجه الى الدكتوره..

ومشكوره وايد وما قصرتي اختي انفال وزوجة اسير....

تحيـــــــاتي للجميع...

اختي العزيزه مس بيوتي.........
سااااااااااااامحيني على تاخري في الرد......لأن الفتره اللي راحت جهازي كان فيه مشاكل.......
الدكتوره يا طويلة العمر اسمها دكتوره مي ادريس في مستشفى دار الشفا.......
تخصصها امراض نساء وولاده.........وسامحيني مره ثانيه على التأخير......وما تشوفين شر...

مشكوره يالغاليه انفال تسلمين...

وعادي عمري اخذي راحتج انا كنت منتظرتج وانشالله اراجع هذي الدكتوره..
تسلمين غلاتي