عزيزاتي الدبات
اليوم حابة انقل لكم قصتي مع السمنة والرجيمات
لأني الحمد لله وبعد طووووووووووووووووووول عناء
تغيرت ... والحين وزني ينزل وبدون آلام نفسية او اكتئاب
انا بسبب الولادات زاد وزني بصورة مريعة
وكل سنة وزني يزيد واعمل رجيم ويرجع يزيد بجنون
وهذي حالتي
ملابسي بالخزانة مقاساتها من 46 الى 42
يعني خلال السنة ادور بين المقاسات هذي
صعودا ونزولا
لكن كان مستحيل وزني يثبت
آخر مرة عملت 4 شهور رجيم عشان عرس اخوي
وفعلا ذبحت نفسي لما وصلت للوزن المثالي
وكشخت بالعرس واستانست
وبعدين ؟؟؟
بعدها بشهرين وزني صار زايد 15 كيلو !!!!!!!!
صدمة
اتذكر اني وزنت لأن ملابسي صارت ضيقة علي
ولما شفت الزيادة الرهيبة
بكيت بحرقة
وبناتي يبكون معاي .... كسرت خاطرهم
وبهالوقت كنت اقول لنفسي الاكل سبب الالم اللي انا فيه
الحلويات هي اللي مسببة لي الالم الرهيب هذا
يعني كنت اربط الالم بالاكل ... حتى يساعدني الشعور هذا
على رفض الاكل بشراهه
وبنفس اللحظة
قمت لمجلة ازياء اقص الصور لعارضات انيقات بلباس رسمي ومحتشم
وكتبت على الصور انا وزني 65
ووزعت الصور هذي داخل الخزائه على كل باب
وبكل مكان ... حتى اشوفهم
وقررت اني ما راح اعمل رجيم
لأن الرجيم داخليا عندي = وضع مؤقت
وانا كل مرة اعمل رجيم ومن اوصل للوزن المثالي ارجع
مرة ثانية متينة
لكني قررت اغير نظام حياتي
قررت اني ما راح امشي على نظام حرمان وتجويع مؤقت
وبعدها انفجع عالاكل
لأ
قررت اني اتوجه للأكل الصحي + اشرب ماي + اشرب شاي أخضر
مع اني ما كنت اطيقة
لكني قررت اني راح احبه وفعلا حبيته
وبعد اسبوعين نزل وزني 5 كيلو وانا غير مكتئبة مثل كل مرة
احساسي بالجوع صار متعة بالنسبة لي
احسن ان جوعي = حرق دهون
الغدا آكل الموجود لكن نص الكمية السابقة
العشا صار روب خالي الدسم او فاكهة او طااااااااااااااف
انا كنت بالاول مقتنعة ان الأكل = السعادة
لهالسبب لما اعمل رجيم ومعدتي تصغر كنت احس بالحزن
اليوم انا مقتنعة ان الأكل مرتبط بالتعاسة
لهالسبب
انصحكم تغيرون طريقة تفكيركم ونظرتكم للامور
لا تقولون انكم غير
انا كنت شرهة وطول اليوم بس افكر شنو آكل
اليوم انا طبيعية والاكل صار بالنسبة لي ضرورة للبقاء
وليس للمتعة
وابي رايكم
الروابط المفضلة