اخواتى الغاليات وحشتونى كتير
رجعتلكم لنبدا طريقنا من جديد



هنبدا ان شاء الله رجيم كل على حسب ما يتبع
انا مثلا ماشيه على نظام تخفيف الاكل لان جربت العديد من الانظمه ولم تنفع معى نظام التخفيف بطىء اه بس جاب نتيجه وكل اخت من الاخوات
تقول لنا الوزن واى نظام متبعاه وايه الوزن اللى تحب توصله ونكون على تواصل كل يوم بالاخبار ونشجع بعض بدون كسل ولى تكسل تقول بصراحه وهندفعها غرامه ههههههه والوزن كل اسبوع يوم الخميس علشان الكل بياخد يوم الجمعه فرى معكم ان شاء الله




ام ندى

الوزن 103


الهدف الاول 90



الهدف الثانى 75

السلام عليكم أختي الكريمة أتمنى تقبليني معك كأول مشاركة
أنا مثلك تعبت من كل الرجيمات التي أحرم فيها نفسي وبعدين أرجع للأكل وأرد الوزن اللي خسرتو و فوقو ضريبة كمان
وهلا عندي شهر ماشية على رجيم تخفيف الأكل والسعرات ونزلت 5كيلو في مدة 4أسابيع وكنت كل يوم جمعة أخبص واكل أي شي يعن نظامي مثل نظامك تقريبا
وأعمل رياضة مشي كل يوم 40 د
وأنا من يوم الخميس الي فات ما وزنت نفسي وبكرة يوم الحسسسسسسسم
الطول:165
الوزن قبل الرجيم 83
بعدشهر :78
الهدف 65
إدعولي بكرة أتوفق في النزول ولو 2كيلو

أنا اليوم فطرت كوب حليب قليل الدسم +نسكافي بدون سكر
تغديت سالندويتش شكشوكة بدون زيت +شوربة حارقة
وشربت ماء كتير
وراح أعمل 30د رياضة بس لأني حاسة نفسي تعبانة شوي

اهلا بيكى لولا طبعا اهلا ومرحبا بيكى معانا ربنا يوفقك وتنزلى بكرة مستنياكى تعرفينا عاملتى ايه ولا تنسى اليوميات فى انتظارك

مالك الف سلامه عليكى نظامك كده جميل شوربه الحارقه للدهون بتعمليها ازاى عرفينى بيها وامشى معاكى هكتب يومياتى من بكرة ان شاء الله

سلام عليكم اخواتي انا حشترك معاكم
انا مند اسبوع كان وزني 103 والحين 100 ما عملت رجيم بس خففت اكلي وما باكل لا زيوت ولا سكريات ادعووووووووووووووووولي استمر

يا جماعة أنا رجيمي فاشل جدا

وما نقصت غير كيلو تقريبا من ساعة ما بدأت

وهارية نفسي أعشاب وخل تفاح ولا الهواء

كتبت بواسطة مغربية 100

سلام عليكم اخواتي انا حشترك معاكم
انا مند اسبوع كان وزني 103 والحين 100 ما عملت رجيم بس خففت اكلي وما باكل لا زيوت ولا سكريات ادعووووووووووووووووولي استمر

اهلا بيكى مغربيه وعليكم السلام ورحمه الله وبركاته واحنا مبسوطين بانضمامك لينا ما شاء الله نظامك زينا والنتيجه حلوة ربنا يباركلك ونستمر كلنا الى ان نوصل لهدفنا باذن الله

كتبت بواسطة omyahia

يا جماعة أنا رجيمي فاشل جدا

وما نقصت غير كيلو تقريبا من ساعة ما بدأت

وهارية نفسي أعشاب وخل تفاح ولا الهواء

اهلا بيكى معانا بصى حبيبتى انا كمان عانيت سنه كامله كنت بنقص مقاسات والوزن زى ما هو ازيد نصف انزل كيلو بس ما ياست بعد مرور حوالى 10 شهور بان عليا والكل قال انتى خسيتى كتير الحمد لله فلا تياسى .

سلام عليكم يا بنات
ان حاليا وزني 73 و طولي 162 ومعنديش نظام معين امشي عليه و عايزة اخس و عايزة حد يشجعني نمشي سوا فلو عنطو نظام بس مش من بتوع الذل و التجويع دول قوللي وانا امشي معاكو

كتبت بواسطة emmy1985

سلام عليكم يا بنات
ان حاليا وزني 73 و طولي 162 ومعنديش نظام معين امشي عليه و عايزة اخس و عايزة حد يشجعني نمشي سوا فلو عنطو نظام بس مش من بتوع الذل و التجويع دول قوللي وانا امشي معاكو

اهلا بيكى ايمى بصى يا قمر احنا لحد دلوقتى ماشين على نظام التخفيف فى الاكل هو ده اصح من وجهه نظرى لانى انا عملت رجيمات كتير تعبت وجالى انيميا غير كمان لما ترجعى للاكل بتكلى كل اللى نفسك فيه فيتزيدى اما تخففى اه بننزل ببطىء بس فيه نتيجه من غير اثار جانبيه مع عمل شىء ولو بسيط من الرياضه فى انتظارك تحكلنا يومياتك