يا بنات انا لقيت في المنتدى النظام ده و انشاء الله اتبعه و هو للاخت زهقت و مش عارفة
البرنامـــــــــــــج
ان شاء الله الى هيمشى ياجماعه عالنظام ده مع التمرين دون الراحه هيزيد من 3 الى 5 كيلو فى الاسبوع
الوجبه الاولى فى الصباح :-
1- ملعقتين عسل
2- كوب لبن او حليب
3-علبة فول
4- ملعقتين من الكاكاو
الوجبه الثانيه فى الصباح :-
1- ( 6 ) بيضات مسلوقه ناكل صفارين فقط والباقى بياض البيض (( مهم جدا وفيه بروتين عالى ))
2 - جبن ابيض
3- تفاح او اي نوع من الفواكه
4- كوب لبن او حليب
الوجبه الثالثه فى الغداء :-
1- لحم او سمك او دجاج
2- خضار
3- فواكه
4- لبن
الوجبه الرابعه قبل التمرين :-
1- (4) بيضات
2-علبة فاصوليا ( حمرا )
3- لبن
الوجبه الخامسه بعد التمرين :-
1- علبتين سمك تونة (الأبيض)
2- بطاطه مسلوقه
الوجبه السادسه فى العشاء :-
1- لحم او دجاج او سمك
2- فول
ولزياده اقوى مع كل وجبه نحط حليب بالخلاط مع 2 موز مع اربع بيضات مع كاكاو( سنيكرز ) <-- من خلال تجربتي يعتبر افضل من المكملات الغذائيه (البروتين)
طبعا يابنات النظام ده مش انا اللى كتباه ولاحتى لسة جربته انا لاقيته على النت وقلت نجرب سوا وان شاء الله عندى برامج تانية بتزود 8 كيلو واكتر فى الاسبوع ... بس نبتدى بده تدريجيا وربنا يسهل
التعليمات :-
لازم مع النظام ده نلعب رياضة .. انا اشتركت فى جيم وبلعب وباخد معايا ماء وشيبسى وكيك بالشيكولاتة زى هوهوز مثلا او شيكولاتة زى جالاكسى وكمان عصير باللبن ... مش شرط اكل كل دول لكن بسلى نفسى وطبعا بحس انى عطشانة جدا وخصوصا انى بعرق جامد اثناء التمرين فابعوض العرق ده عن طريق الماء والعصاير اللى فيها سكريات وكمان كالسيوم وبروتين بسبب اللبن اللى فى العصير
حاولوا اثناء التمرين ماتاكلوش كتير يعنى سناكس وخفايف بس ولازم مانملاش بطننا اثناء التمرين عشان نقدر ناكل الوجبتين وجبة قبل التمرين ووجبة بعد التمرين
كمان لازم اثناء التمرين تروحوا جيم مخصص للنساء فقط عشان تلبسوا شورت وبادى او بنطلون وبادى حملات ... لازم تلبسوا خفيف عشان تقللوا من نسبة فقد الماية اثناء التمرين
اسفة بس شروط الانضمام للمسابقة دى لازم نتقيد بيها :
اولا كل اللى يشترك لازم لازم لازم يحط فى توقيعه الشريط بتاع الوزن عشان نبقى متابعين الاوزان
تانى حاجة كل يوم جمعة (( يعنى نهاية الاسبوع )) لازم نكتب الوزن اللى وصلناله ونقول زدنا قد ايه وكمان كل واحدة تقول هى قصرت فى ايه ؟ وايه السلبيات والايجابيات اللى شفناها من البرنامج
اسفة على الاطالة وعارفة انى لكاككة بس حبيت اقولكم على كل حاجة اعرفها .. يالا شدوا الهمة وماتنسوش (( العيش و الشوفان و المكرونة والرز والفاكهة والسكريات ))
فى انتظار ردودكم وانا حبدأ البرنامج يوم السبت القادم الموافق 8 / 11 / 2008 ان شاء الله
معلومة مهمة البرنامج سوف ينتهى يوم الجمعة الموافق 14 / 11 / 2008 وسوف نبدا فى البرنامج الجديد لزيادة الوزن 8 كيلو من يوم السبت الموافق 15 / 11 / 2008
*
**
**
***
****
*****
******
*******
حبيباتى فى الله ريما و زمردة و اسمى و hunny ... لا شكر على واجب ياحبيباتى فا انتن صديقاتى واخواتى فى الله ... واملى فى الله كبير ان نتجمعن سويا معا صحبة صالحة يوم القيامة وكما شددنا من ازر بعض فى الدنيا نشد من ازر بعض فى الاخرة للدخول معا يدا بيد الى الجنة ان شاء الله
اولا يابنات النظام ده من النت ولما قلت للكابتن بتاعى اعملى نظام غذائى ومن غير ماقوله اى حاجة عن النظام ده لاقيته بيقولى ( يكفى انى اقلك ان كنز الاكل للرياضين هو البيض والبطاطس )
البيض يابنات فيه بروتين عالى جدا جدا الجسم والعضلة بتبقى محتجاه ومتعطشة ليه بعد اللعب ... ماتنسوش ان البرنامج ده للرياضين فقط واللى بيلعبوا جيم ويحرقوا سعرات ... لان دكتورة التغذية قالتلى كل الجسم مايحرق 10 سعر حرارى حتحسى انك جعانى وحتحتاجى ل 20 او 30 سعر لان الجسم بيكتسب فى الوضع ده اكتر مابيحرق
عشان كدة عايزين نسد حاجة الجسم من البروتين الكتيير والنشويات اللى بتتحول الى سكريات ودهون فى بعض الاوقات
نصيحة منى انا شخصيا بعملها :-
عدوا عدد الساعات اللى بتبقوا مثلا صاحيين فيها وقسموها على عدد الوجبات مثال (( 12 ساعة مستيقظة / 6 وجبات فى اليوم = 2 عدد الساعات بين كل وجبة واخرى ))
يعنى كل ساعتين حناكل واجبة هنا ممكن نقسم الاكل يعنى الوجبة اللى فيها ست بيضات ماتنسوش ان 4 بياض فقط و 2 صفار فقط .. يعنى ممكن ناكل 2 بياض و واحد صفار وبعد نص ساعة او ساعة نكمل باقى الوجبة المهم ان خلال الساعتين المخصصين للفطار او الغداء او العشا او مابين الوجبات لابد من خلالهم فى تناول الوجبة كاملة حتى ولو مبدئيا على حلقات
وبعدين يابنات بياض البيض سهل وخفيف جدا يعنى يتاكل بسرعة ... اه لو تعرفوا البياض فيه قد ايه بروتين ؟ كنتم اكلتوا كرتونة بيض كاملة زى مافى الجيم الولاد بتعمل بعد التمرين ماشاء الله لاقوة الا بالله وحوش هههههههههههههه .... كمان لتسهيل الامر حاولوا تاكلوا البيض البلدى الصغير وبلاش البيض الاحمر او الابيض اللى عامل زى بيض الديناصورات ومالهوش اى طعم
كمان زى ما hunny قالت الحليب المركب مهم جدا ومفيد جدا وانا اشرت ليه قبل كدة فى مواضيع سابقة وكانت نصحتنى به طبيبة تغذية ... اسفة على الاطالة
***
****
*****
*******
********
************
****************
*********************
مفـــاجـــــــأة
ماشاء الله لاقوة الا بالله
انا زيدت كيلو فى يومين
قولوا ماشاء الله
السبب :- الرياضــــــــــــــة
والله العظيم جربت كل الادوية الفاتحة للشهية ومافيش ولاحاجة جابت معايا نتيجة لا الغالى ولا الرخيص ......... ده كمان ان نفسيتى تعبانة وكنت حاجزة خلاص عند دكتور نفسية لكن الحمد لله بفضل الله سبحانه وتعالى اولا واخيرة ثم الرياضة حسنتلى من نفسيتى وخلتنى مفجوعة ونازلة على الاكل من دون رحمة ... وخصوصا ان نفسيتى بترتاح اوى لما الاقى ايدى شدت وافخاذى وطلعلى عضلات (( على فكرة دى حاجة حلوة مش وحشة لان العضلات حتعرض الجسم وتبينك تخينة ومع الاكل كل ده حيتكسى لحم ))
حبيت افرحكم وانا متاكدة انكم حتفرحولى زى ما انا فرحانة لنفسى ويمكن اكتر منى كمان
يالا ادوها بيض وتمارين رياضية ... اه نسيت اقولكم انا باخد معايا الجيم كيس شيبسى عائلى بخلصه كله وانا بالعب ومعاه عصير باللبن او فانتا تفاح فيها سعرات عالية جدا غير اى نوع مياه غازية اخرى ... وطبعا الماء ... لان عندى نقص فى جسمى فى كمية الماء ولانى مش بحب اشرب فا الحمد لله الرياضة الكتير خلتنى اعطش واشرب ماء كتير عشان كدة انا مبسوطة جدا جدا لانى مارست الرياضة فى الوقت المناسب والفضل يرجع الى الله ثم اللى (( زوجى مدوخنى )) بصراحة هى اللى اقترحت عليا موضوع الرياضة وهى اللى قومتها فى دماغى هههههه عمرى ماحنساها ودايما بدعيلها .. ربنا يجازيها خير ويهديلها زوجها ياااااااااااارب ... نسيت اقولكم كمان ان المدرب قالى لازم تاكلى بروتين بعد التمرين مباشرا عشان العضلة بتبقى متعطشة للبروتين جدا بعد اللعب وده اكتر وقت العضلة بتمتص فيه البروتين فاقرر اعمل ساندويتشات بيض واول ما اخلص التمرين افرم على طول الاكل ههههههههههه وياسلام لو تخلصوا وتطلعوا على محل كشرى وتضربوا طبقين مع بيضتين ولا تلاتة مسلوقين وااااااااااااااااااااااو .. ولا البيتزا اوفففففف
ايه رايكم فيا ولا كانى جاية من مجاعة ... مشاء الله اقسم بالله انا مش مصدقة ان انا اللى بقول الكلام ده .. انا اصلا كنت بسمع سيرة الاكل كنت برجع من غير ما اكله .. يارب زيدى فى الشفا وزيد فى جسمى واعفى عن اخويا يارب واشفيه .. ادعولى وادعوا لاخويا ان ربنا يشفيه ويعفى عنه عاجلا غير اجل ان شاء الله
كتبت بواسطة && دفا الروح &&
الروابط المفضلة