ام ادهم واروى اهلا بيكي بس ممكن تؤللنا اريتي عنها فأي مستشفى؟واي حد يا جماعه شاف او قرأ اي حاجه عن الموضوع دا ولو معلومه بسيطه يبلغها لباقي الاعضاء يمكن تفدنا بجد

كتبت بواسطة lolita83

هبه الله ممكن تؤليلي اسم الدكتور بتاعك وعنوان العياده اللي بتروحيهالو وانااسأل عنه.وهل هوه شاطر في الدايت؟انا اسفه على الاطاله بس ياريت ضاروري

حبيبتي لوليتا دة دكتور جنبي هنا في المقطم
اسمه حسام سماحة العيادة بتاعته في شارع الاكاديمية على ناصية الشارع
كايرو لاب لو تحبي رقمه ابعتهولك على الخاص عشان ممنوع ننزل ارقام على العام
هو الدايت بتاعه حلو لانه من اكل البيت مش بيكتب حاجات مخصوص
بس مشكلته في المواعيد لو بتصحي بدري يبقى مفيش مشكلة

بس صحيح يا لوليتا معرفتش انتي وزنك كام

بقولك عندي فكرة انزلك النظام بتاع الاسبوع الاول لو عجبك جربيه وشوفي النتيجة

ولا تزعلى يا حبيبتى من ضيفتك معلهش بكرة تخسى وتبقى عروسة زى القمر والكل يتفاجىء بيكى بس شوية ارادة وعارفة انا لما كنت بروح للدكتورة كنا احيانا بنلخبط شوية لكن اكتر ناس كانوا ملتزمين وبيخسوا بجد هم العرايس لان عندهم هدف عايزين يوصلوا له بس حكاية الحقن الرخيصة جدا دى بصراحة قلقتنى خليتينى اتصل بالصيدلية اللى بتعامل معاها وسالت االصيدلى عليها وليه مش بيجيبوها فقاللى ان دى بتاخدها توكيلات بتستوردها وتعطيها للاطباء زى حقن البوتوكس وحاجات التجميل لكن مش بتنزل الصيدليات ولما سالته عن الحقن التقليد قاللى بتتباع فى كتير من محلات شارع القصر العينى لاى حد بسعر 60 جنيه لكنها مجهولة المصدر لكن المستورد اغلى طبعا لان المادة نفسها غالية دة غير الجمارك وضريبة المبيعات ووووووووالخ وكل دة بيضاف على سعر الحقنة والمستهلك المسكين اللى هو احنا اما بالنسبة لاسم الحقنة المستوردة ففيه عدة انواع الالمانى والايطالى والاسبانى وكل نوع له اسم شكل لكنى حفظت شكل واسم واحدة من الامبولات اللى كانت ساعتها عند مها راداميس لانه على فكرة كوكتيل مش امبوله واحدة وكانت مكتوب عليها بالانجليزى MADE IN SPAIN ولما رحت للدكتورة اللى حقنت عندها لقيت عندها نفس النوع بس نسيت الاسم لانه كان من كذا شهر والاسم مكلكع اوىىىىىىىىى معلهش اعذرينى واهم حاجة انك تقولى يارب وربنا يقويكى

حبيبتي سمينه سابقا ربنا يخليكي ليا.ممكن اخلي خطيبي يسألنا على الانواع المستورده في شارع القصر العيني لانو بيشتغل في شركه توكيلات الاجهزه الطبيه والرياضيه ويعرف الناس دول واول ميعرف معلومات هكتبهالكم بس المشكله حتى لو جبناها مين الهيدهلنا؟

حبيبتي هبه الله ليه الاحراج ده؟انا وزني85 وطولي159.شفتو الرشاقه؟يا المقطم بعيده اوي ممكن منفضلك تنزللنا رجيم الاسبوع الاول؟الدكتور اللي فالصيدليه انا اعرفو كويس اوي اداني حبوب زي الزنيكال بظبط بس ارخص لانها مصري واحسن من الشيتو كال بكتير اسمها اورلي الشريط ب33 اما الزنيكال ب50.الي تخففي من الاكل وتمشي ولو هتكلي اكله دسمه تخدي الحبوب دي ابلها.وفعلا جربته روعه مره وحده بس اللي بتدخولي فيها التولت وبتلاقي اعزكم الله الدهون كلها نزله بجد ومش بتعمل اسهال علطول وجفاف زي باقي الاعشاب والحبوب.دي بتمنع امتصاص الدهون وجزء من النشويات اللي فالوجبه ومبتعملش صداع ولا دوخه وكمان بتسيح شويه من الدهون اللي فالجسم

حبيبتى لوليتا انت فهمتينى غلط الانواع اللى فى شارع القصر العينى اللى قاللى عليها الصيدلى هى دى المضروبة او مجهولة المصدر بصى لو عايزة تجازفى وتجيبيها ما تحملينيش ذنبك لكن انا بخاف موووووووت وطبعا التاجر اللى بيبيعها مش هيقول عليها مضروبة وانا بصراحة رايى ما تاخديش ميزو احسن ما تاخدى حاجة غير مضمونة سلامى وتحياتى لك

حبيبتي سمينه سابقا ولله فهمتك انا كمان اخاف اخد اي حاجه تكون معموله تحت السلم لمجرد انها رخيصه. مش هيبئا تخن ومرض كمان.هوه عارف التجار وعارف مصادرهم واولت يمكن يأدر يعرف الشركات اللي بتستورد الحقن الاصليه.ونت تهوني عليا بعد التعب اللي تعبتيه معايا والمعلومات اللي افدتيني بيها اشيلك ذنب؟جعل الله ذنوبك كلها مغفوره.تحيييييييييييييياتي

لوليتا بلاش تاخدي اي حبوب من غير متسالي دكتور
لكن الصيدلي بيقول اللي يعرفه عن الدوا وخلاص عشان ميكنش ليه اعراض جانبية وتتعبك