السلام عليكم ورحمة الله وبركاته
اخواتىالعزيزات اللى تعبوا وجاعوا لغاية ما وصلوا للوزن المثالى (او يعنى قربوا من المثالى شوية) وعايزين يثبتوا وزنهم فتحت لكم موضوع جديد عشان الموضوع فعلا مهم جدااااا .....

ياللا يا اخواتى اللى عندها كلام تقوله فى الموضوع ده تفيد به غيرها يعنى مش لازم نظام معين للتثبيت ممكن يكون عندك نصيحة مجربة نقدر نتبعها .... المهم نفيدونستفيد .

وتسمحولى أبدأ بنفسي واكتب لكم نظام التثبيت اللى اعطاه لى الدكتور بتاعى بعد ما اتبعت معاه رجيم قاسي مرة وسهل مرة وهو بالظبط كالتالى يعنى انا باكتبه من الورقة :
- مسموح بتناول كوب عصير يوميا
- مسموح بثلاث ملاعق سكر يوميا
- يجب ممارسة الرياضة يوميا لمدة نصف ساعة
- مسموح بتناول الدهون ملعقة يوميا
- لا يزيد ما يؤكل بالاصابع عن اربع اصابع فقط
- لا يزيد ما يؤكل بالقطعة عن قطعتين فى الوجبة
- تناول الخضار باى كمية عند الشعور بالجوع بين الوجبات

فين مشاركتكم يا جماعة ؟ عايزين تفاعل

السلام عليكم تانى

جيت لكم تانى يا بنات حبيت أضيف حاجة مهمة فى موضوع التثبيت ده .

انا سمعت من واحدة جارتى انها عملت تثبيت لمدة شهرين متتابعين بعد ما خلصت الرجيم بتاعها طبعا ولكنه نظام صعب فعلا وغريب وانا بصراحة ماقدرش عليه (وع فكرة الدكتور بتاعها من اشهر دكاترة الرجيم فى مصر اسمه خالد دراهم )هى بتقسم الاسبوع الى 3 ايام : رجيم قاسي جداااا من نوع اكل واحد يعنى يوم الفطار والغدا والعشا سمك مشوي او فراخ مسلوقة مثلا و مستحيل تحط حاجة تانية فى فمها (ما شاء الله عليها عندها ارداة جامدة ) وباقى الاسبوع 4 ايام : فسحة يعنى تاكل اللى هى عايزاه اى شئ وباى كمية ماعدا الحلويات يعنى تقلل بس من الحلويات .... والمفروض ان النظام ده بعده تعيش حياتها عادى