هلا بالحبايب الحلوين
انا عندي سؤال ولا ادري وين مكانه
بس عسى ان شاء الله القى عندكم اجابة شافية كافية :
تعرفون مرض الصرع وهو زيادة الشحنات الكهربائية بالراس هل تعرفون احد اصيب بهذا المرض وشفي منه تماما وكيف تم العلاج ؟
تكفون جاوبوني لاتردوني

للأسف أنا أسمع أنه في حالات صرع تشفى بس حسب نوع الحاله
أذكر وأنا صغيره جاتنا خادمه هنديه وأكتشفت أمي أن عندها صرع بس خفيف
وعالجتها وتماثلت للشفاء
ومريض الصرع ما لازم يزعل
وسمعت عن ناس لم يشفوا والشفاء من عند الله
بس اللي يحدد كلام الطبيب والدرجه للمريض
والله يشافي ويعافي كل مريض
والأمل بالله عز وجل

مدري عن المرض الله يعافي الجميع

ليونه قلبي
من غير ما استحي انه بصراحه اعاني من مرض الصرع
بعض الاشخاص اييهم الصرع من الولاده و البعض في سن المراهقه تقريبا
اللي اعرفهان اللي ياهم واهمه كبار احتمال يروح عنهم المرض
انه ياني و عمري 15 سنه و الحين عمري 22 و صار لي سنه و 8 شهور ما ياتني
اي تشنجات بس لي الحين اسمع صوت في اذني اللي يسمونها ( النسمه ) اللي
يحس فيها البعض قبل لا يسقط بعضهم صوت بعضهم رائحه بعضهم تنمل في الاطراف و
غيرها و غيرها الحمد لله سنه و 8 شهور بدون تشنجات بس حالات النسمه مستمره معاي
و اهيه تييني جريب الدوره الشهريه الله واعلم ليش المهم وانه حاليا ما اقدر اقطع الادويه
مدام النسمه مستمره عندي لو قطعتها بترجع لي التشنجات اللي عرفته من الدكتور
اللي تختفي عنه حالات التشنجات و النسمه مده 3 سنوات في احتمال انه يروح عنه
فيبدأ الدكتور يقلل نسبه الادويه لين ما يتركها و بعضهم تقطع عنهم 3 سنوات مع الادويه
ولين يتركونها ترجع لهم يعني بالمختصر ممكن يروح و يمكن لا يعتمد على حاله الشخص
نفسه فانا مثلا ماقدر اعرف ممكن تقطع او لا مع الايام و استمراري مع الادويه يبين هالشي
في بعض الاشخاص اللي ما تنفع معاهم الادويه مع الاشعه يبين فيهم النقطه الللي
تبعث اكهرباء الزايد وممكن اجراء عمليه جراحيه يشيلون هالبؤره
فأنا وحده من هالمرضى و حاليا لم اشفى بعد لكن في حاله احسن من السابق
و الحمد لله و طبعا العلاج يكون بالادويه و تزيد الادويه شوي شويه لين ما يتحدد النسب
الجيده للجسم كنت في السابق اخذ ديباكين و لاميكتال و الحين استقريت من 4 شهور
على كيبرا 500 مرتين في اليوم و لاميكتال 150 مرتين في اليوم و طبعا انه في مراجعه
مستمره للطبيب كل بعد 3 شهور و اذا كنت في حاجه زياده جرعات يزيدونها لي
ان شاء الله اكون افدتج و الحمد لله على كل حال
و لا تخافين اذا انتي مصابه في هالمرض و ان شاء الله مافيج هالمرض واكون غلطانه
لان بعض البنات يخافون من نظره المجتمع و يفكرون بحياتهم المستقبليه و انه كنت منهم
ولكن الحمد لله انه ملجت و صار لي سنه تقريبا و الزواج بعد جم شهر يعني لو كنتي
منهم لا تحاتين مثلي قبل اللي الله كاتبه بيصير و صيري شجاعه لا نخافين من نظره المجتمع
هاي اللي الله كاتبه والحمد لله و ان شاء الله اكون غلطانه ان انتي مافيج هالمرض
ومسامحه عالاطاله

الله يشافيك اختي وجميع مرضى المسلمين

الف سلامة عليكي
حبيبتي عيشي حياتك عادي
في بيشفو منه وفيه لا وبيسمرو على العلاج
انا اعرف واحدة بتاخد العلاج واتجوزت وحملت وخلفت وعايشة حياتها عادي جدا
لكن كل ما توقف العلاج يجيلها التشنجات وقالت لا خلاص مش حوقف تاني وماشية على العلاج باستمرار وربنا يطمنك

الله يرفع عنا وعنكم الضر