بسم الله الرحمن الرحيم
يا بنانيت ياللي عايزين يتخنوا انا عندي ليكم الحل السحري
بصي بقى يا سيتي من غير ولا لعب فى الهرمونات ولا اكل 9 وجبات فى اليوم ولا اىىى ضغط
تجربتي اهية شوفيها :
انا بحاول اتخن من زمان وبحاول بكللللللل الوصفات
لكن برضة مش بلاقي نتيجة روحت لدكتور اول يوم رمضان
وزنت نفسي عندة لقيتني 54/170
الخطوة الاولى روحي لدكتور كويس بس عشان يطمنك ان السبب مش عضوي
لا لقيت بقى نظام غذائي ولا لقيت ادوية بتتخن ولا لقيت الكلام دة
كل اللى اداهولي طارد للديدان " لان فى ديدان مش بتظهر فى التحليل "
وابرة للامعاء لامتصاص الاكل كويس
الخطوة التانية لو الدكتور اداكي دوا لازم تاخدية ومتتكاسليش
الخطوة التالتة والرابعه " اهم خطوتين " انك تاكلي 3 وجبات فى اليوم بانتظام وباي شكل وباي طريقة
المهم ميقلوش ابدا عن 3 وجبات وبعد كل وجبة اشربي كوب لبن " كامل الدسم " + 2 ملعقة كبيرة عسل نحل + 2 ملعقة كبيرة لبن بودرة بتاع الاطفال " انا بستخدم نيدو " المهم يكون للاطفال لان بيكون نسبة الدهون فية 28 %
الخطوة الخامسة لازم تاكلي مكرونة او ارز او خبز فى كل وجبة وبعد الاكل " مباشرة " لازم تحلي باي نوع من الفاكهه "يفضل العنب او التين او البلح "
الخمس خطوات دول اهم من بعض
لاني سمعت كلام كتير من الدكتور ودول اللى هو اكد عليهم وانا تمسكت بيهم
بعد اسبوعين روحت للدكتور ووزنت نفسي لقيتني زايدة 3 كيلو يعني بقيت 57
وان شاء الله هروحلة بعد العيد ومتوقعه 3 كيلو زيادة
ملحوظة : لا تقارني بين جسمك وجسم اى فتاه اخرى ولا تقارني بين عدد الكيلوات التي تنقصهم من تريد التخسيس ومن تريد الزيادة فى الاسبوع الواحد فحرق الدهون اسهل بكثير من بناية الجسم....
جربوا الخطوات وادعولي اكمل ال 70 كيلو
اى سؤال انا حاضرة
الروابط المفضلة