ازيكم عاملين ايه كل سنة وانتم طيبين المهم بعد رمضان والاكل الكتير وزيادة الوزن اكتر ما هو زايد تعالوا نشجع بعض ونبتدى من اول وجديد باصرار وعزيمة
انا قررت باذن الله اعمل ريجيم وعملت خطة لكده انى هعمل لمدة 12 اسبوع لو فى الاسبوع خسرت 2 كيلو يعنى ممكن اخس 24 كيلو مع مشى نص ساعة ولعب رياضة ربع ساعة اول ما اصحى انا محدده ريجيمات اللى عايزة تشترك معايا تقولى وانا مستنيه تشجعكم سلام

انا لسه بفتح الصفحة لقيت موضوعك لسه جديدة قلت اشترك
انا وزني مزدش في رمضان لكن ثابت كان عندي امل انه ينزل شوية في رمضان
لكن منزلش حابة اشترك معاكي
وزني 92
طولي 165

اهلا بيكى معايا هبة الله انا وزنى 85 وطولى 160 انا عايزة اعرف انتى عايزة تبتدى من امتى

حابة تخليها بعد العيد عشان تعرفي تاكلي الكحك والبسكويت ماشي
يعني نقول من يوم السبت عشان كمان يبقى اول الاسبوع
ايه رأيك
وياريت مقترحاتك على انواع الريجيم حتعملي نظام ايه

ماشى نبدا يوم السبت ان شاء الله انا هبتدى بريجيم لدكتور مصطفى سارى لمدة 4 اسابيع
الاسبوع الاول
اليوم الأول :
غداء : لحوم مسلوقة أو مشوية + خضروات مطبوخة نيء ( بدون سمن أودهن )
عشاء : لحوم مسلوقة أو مشوية + كوب زبادي

اليومالثاني :
غداء : فراخ مشوية أ, مسلوقة + سلاطة فقط ثمرة واحد من كلنوع من ( خيار + طماطم + خس + فلفل رومي )
عشاء : فراخ مشوية + 4ملاعق جبنة قريش أو شريحة جبن شيدر

اليوم الثالث :
غداء : لحوم مسلوقة أو مشوية + خضروات مسلوقة أو مطبوخة نيء ( بدون سمن أو دهن ) + 1 برتقالة
عشاء : لحوم مسلوقة أو مشوية + كوب زبادي

اليوم الرابع :
غداء : لحوم مسلوقة أو مشوية + خضرواتمسلوقة أو مطبوخة نيء ( بدون سمن أو دهن )
عشاء : لحم مشوي + 4ملاعق جبنة قريش أو شريحة جبن شيدر + شريحة بطيخ أو برتقالة

اليوم الخامس :
غداء : سمك مشوي أو تونة + سلاطة خضراء فقطثمرة واحد من كل نوع من ( خيار + طماطم + خس )
عشاء : 2 بيضةمسلوقة + 4 ملاعق جبنة قريش أو شريحة جبن شيدر

اليوم السادس :
غداء : فراخ مشوية + خضروات مسلوقة أو مطبوخة نيء ( بدون سمن أودهن )
عشاء : 4 ملاعق جبنة قريش أو شريحة جبن شيدر + شريحة بطيخ أوبرتقالة

اليوم السابع :
غداء : لحوم مسلوقة أو مشوية + خضروات مسلوقة أو مطبوخة نيء ( بدون سمن أو دهن )
عشاء : لحوممسلوقة أو مشوية + كوب زبادي

انا جسمك اوكي ولا اعاني من شي
لكن عند بروز بالبطن خفيف :"( هذي اهي مشكلتي...
ويمكن لازم امارس رياضه اكثر لاني مامارسها بشكل يومي ..
او اكون قليله الحركه ..

:")

التعليمات لكل الاسابيع من عندى انا
1_شرب 8 اكواب ماء يوميا
2_المشى لمدة نص ساعة وربع ساعة رياضة عند الاستيقاظ
3_شرب ماء بليمون قبل كل وجبة
4_مسموح 2 ملعقة سكر فى اليوم
5_الوزن نهاية الاسبوع

اختي يعطيج الف عافيه
بس حابه اسالج :؟

عند الااستبقاظ لازم رياضه ومشى يكون في الصباح ولا في العصر .!!

اهلا بيكى ترفه معانا
انا سمعت ان الرياضة الصبح بتحرق الدهون اللى متراكمة فى جسمك والمشى فى اى وقت انتى فاضية فيه حتى ولو تمشى فى مكانك وانتى بتتفرجى على التلفزيون ده كلام الدكتور خالد دراهم بخصوص المشى

تسلمينُ ..
خلاص إن شاء الله ابتدي من بعد العيد مباشره رياضه الصبح وصحيح في الصبحُ يكون افضل
وافضل مشى برا البيت لاني راح ادي مجهوود اكثر .. }{ وإن شاء الله نخفف ونووصل الى نبيه .. وشكرا لكِ