آلف مرة نبهت بالنسبة للخرافة اللي اسمها الملفوف على الجسم
من خلال اطلاعي على بعض المشاركات وجدت المضمون واحد مع اختلاف في عنوان الموضوع .......منها طريقة انقاص 2 كيلو باليوم بوضع الملفوف على الجسم ومنها .فكرة جديدة لانقاص الوزن ... وأدخل وارد وأحذر من دون جدوى ,, ويقتنعون بطرح الموضوع , لكن عند التنبيه من خلال تجربة شخصية لا حياة لمن تنادي ,, ليش ما أعرف , هذا القسم للتوعية والمعرفة وتطبيق الريجيمات على أساس سليم , مثل الصحافة يجذبون القراءة للموضوع من خلال عنوان عريض مغري ( انقاص 2 كيلو باليوم , انقاص 10 كيلو بالأسبوع , طريقة سريعة لخفض الوزن خلال بضعة أيام ) ......إلخ / وهكذا , في حين انه من المستحيل وسابع المستحيل الأنقاص بهذه الطريقة وأتحد اي وحدة وتقول طبقت ونزل وزني في يومين او اسبوع 10 كيلو , جربي ما تاكلين أي شئ لمدة يومين ولا شئ ولاشئ أعتبري نفسك صائمة على مدار 48 ساعة ولالقمة دخلت لفمك مع رياضة قاتلة عنيفة ومجهود جبار , ممكن تلقي نسك بعد هذا كله لله الحمد لو نزلتي 1.5 كيلو الى 2 كيلو خلال 48 ساعة , وأرجع لموضوع الملفوف
تجربتي الشخصية أنقلها للمرة الرابعة :- وهي
بس حبت اقول قصة الملفوف اللي يوضع على الجسم كذب في كذب ...والله العظيم من واقع تجربة شخصية سويتها لمدة أربعة ليالي والنتيجة انه مانقصت شئ والأبشع انه جسمي متشوه علامات ورق الملفوف بعدها الى الحين في جسمي من ثلاث شهور أنحرق أنصهد وفي البداية مااتحملت اي نوع من الملابس على جسمي وأخاف يقعد مكان حرق الملفوف أمارة في جسمي .......الله يجازي اللي كان السبب حسبي الله ونعم الوكيل فيه .......الحق مو على الدكتور اللي قال على الطريقة .الحق علي أنا اللي أسمعه أسويه عن جهل ........في البداية كان لونها أحمر ثم وردي ثم بني ,, تصورو سويتها الخزعبلة هاذي في شهر ابريل , وشوفو احنا هلا في شهر أغسطس ,,, أربعة أشهر وهي محلك سر لانفع كريمات ولاهم يحزنون ماخليت كريمة حرق ماسويتها ومع هذا أمارات الملفوف لسه بالجسم ,,,,,,( يمكن أنا جسمي حساس زيادة على اللزوم , الله أعلم ) وأكيد البعض راح يرد ويقول فعلاً الطريقة صحيحة في ناس مجربينها , في ناس تقول الطريقة مضمونة وهكذا , والله أنا مثلكم اللي شجعني اني سمعت بيوت أشعار عليها وماهادالي بال لين سويتها , واللي راح يرد ويقول الطريقة صحيحة الأفضل انه يجربها شخصياً وبعد يومين يقول على النتيجة ويرد عليا , إن كان على السمع ....ياما سمعنا ووقت التطبيق مافي شئ ,,, الوحيد اللي اقتنعت به ( خل التفاح ) فقططططططططططط هو اللي سولي نتيجة رائعة وهذا من تجربة أيضاً .
وبالذات المتزوجات أراهم يتسارعون للأسئلة اللي تخص ( تبيض الجسم , تفتيح لون البشرة , تبييض المناطق الحساسة ...إلخ ) في سبيل تكون في أبهة حلة لزوجها , فما بالك بأمارة ورقة الملفوف اللي راح تزين جسمك
وماعلى الرسول الإ البلاغ
وكل واحد ينام على الجنب اللي يريحه
وعذراً على الإطالة بس اتغصت لما أقرأ بخصوص هذا الموضوع ,,,,تناوليه بأي طرق الا بالوضع على الجسم .
رد مع الاستدلال
الروابط المفضلة