السلام عليكم ورحمة الله وبركاته

زوجى يعانى من السمنه المفرطه

الطول 186

والوزن 170 وبيزيد

ومش بيرضى خالص يمشى على ريجيم ومفيش لعب رياضه خاااااااااااااااالص وطبيعة شغله قاعد طول اليوم على المكتب ومفيش حركه خالص وبعد الضغط من والده يدوب ابتدى يمشى لكن عارفه ان بمجرد والده مايسافر مش هيمشى
انا حزينه عليه وبشجعه دايما واقوله يلا نمشى انا عاوزه اتمشى معاك وتعالى نروح لدكتور تغذيه يساعدنا لكن دايما يرفض

ساعدونى بالله عليكم فهوا دخل مرحلة الخطر من بدرى وخايفه عليه ومش عارفه اعمل ايه أرجوكم ساعدونى بحلول انفع اعملها معاه

ربنا يجازيكم الجنه اخواتى الحبيبات

لازم تحمسيه اكتر وتشغليه دائما بالرياضة والاكل الصحي
لازم تطبخي اكل صحي
وان شاء الله يستجيب

والله يااختى تعبت من التشجيع فيه بدون فايده ومع ذلك مستمره وهوا بيرجع من شغله متأخر وبيرفض يعمل اى حاجه حتى التمشيه لأنه بيكون مرهق من القاعده طول اليوم

كتبت بواسطة يارحمان يارحيم

والله يااختى تعبت من التشجيع فيه بدون فايده ومع ذلك مستمره وهوا بيرجع من شغله متأخر وبيرفض يعمل اى حاجه حتى التمشيه لأنه بيكون مرهق من القاعده طول اليوم

مهلش بشويا راح يتعود وركزي علي الاكل الضحي ليكي ولكل العائلة

جزاكى الله خيرا حبيبتى

حبيبتي انتي سوي اكل صحي و اكل خاص الريجيم لكم انتو الاثنين علشان ما يحس بانه قاعد يسوي ريجيم اما الرياضة فاتركيها لما ينزل وزنه من الريجيم على الاقل 10 كيلو و بعدين يبدا رياضة لما يشوف نفسه بدا ينحف .0............
بالتوفيق

انا مع الاخوات جوري و مايا الاكل الصحي المليئ بالخضار والفواكه
وممكن كمان عشان ما يحس بالجوع تعمليله يومين فري طوال الاسبوع
وعندي فكرة برضو
بما انه طوال يومه قاعد عالمكتب حاولي تزوديه بأطعمة حارقة للدهون والياف متل خس واناناس وعصائر تفاح واناناس
بيتسلى فيهم وبنفس الوقت بيذوبوا الشحوم عنده
برضو الشاي الاخضر يتسلى عليه اثناء عمله
وبين الوجبات خليه ياكل خيار كتير واناناس
ما بتتصوري كم بيحرق الدهون
ويشرب كمان حليب خالي الدسم زاكي وبيحرق الدهون

هاد الحكي ازا كان رفضه شديد ومصر ما بتقدم ابدي باللي حكيتلك عنه اطعمة حارقة واكل صحي وبعدين رح يحس حاله شوي شوي ممكن يبدا انظمة ريجيمات
الله يوفقكم ويتمم عليكم بالسعادة الله امين

جوزيتم الجنه اخواتى الحبيبات حاولت كتير اعمل له ريجيم وطبعا انا معاه لكنه لازم يخرف الله المستعان هجرب الخيار والاناناس والتفاح والخس وربنا ييسر الحال اسألكم الدعاء

السلام عليكم ورحمة الله وبركاته
طيب يا حبيبتى ما تروحوا لدكتور جراح متخصص فى جراحات السمنة
انا عارفة ان فى ناس كتير بتخاف خالص
بس انا والله مش اقصد حاجة وحشة زى ما بيقولوا عندنا افول عليه او اى حاجة وحشة
بس هو فعلا معرض جدا لامراض السمنة
فكده هو تقريبا حاله مرضية مش تجميليه او مسأله شكل ونفسيته تعبانه وبس
ربنايعفيه ويعافكى ويعافى كل المسلمين جميعا
بالله عليكى اوعى تزعلى من كلامى
يا حبيبتى انا زيادة قولى 25 او 30 كيلو
وتعبانة
بتعب جدا جدا فى الصلاه وبنهج وبتعب من طلوع السلام وظهرى بيوجعنى من اقلل مجهود
ابامانه انا لو مكانك والله العظيم هاعمل كده واضغط عليه انه يعمل عمليه تدبيس معدة
ربنا يحفظه ليكى ويخليكوا لبعض
وحتى لو هى غاليه شويه مش مشكله اوى اهم حاجة صحته بالدنيا والله
على فكرة انا اختى عملت العمليه ديه من شهرين
اهم حاجة طبعا انك تبحثوا عن دكتور كويس ويتقى ربنا وعنده ضمير
هى بصراحة متعبة شويه
بس بصراحة تعب ساعة ولا كل ساعة
ولو انتى فى مصر وعايزة تعرفى او تستفسرى على اى حاجة انا تحت امرك
قلبى معاكى والله يا اختى
وربنا يكرمك ويعافيكوا

ربنا يخليكى ويبارك فيكى حبيبتى ساره

وازعل من ايه انا عارفه الكلام ده وخايفه عليه وانا قولت فى الأول انه دخل مرحلة الخطر من بدرى ربنا يستر عليه وعلى جميع المسلمين

ياريت يااختى تكلمينى اكتر عن العمليه وهل فيه نتيجه بانت على اختك ولا لسه؟ياريت تقوليلى كل شىء بالتفصيل عن العمليه لأنه ناوى يعملها وتكاليفها كام؟

ربنا يجازيكى الجنه حبيبتى