السلام عليكم و رحمة الله وبركاته ...

كيف حالكم يا أمامير المنتدى ...

و الله رغم اني سريعة في الطباعة لكن كسلانة جدا في كتابة المواضيع ....

لكن تستاهلو كل خير ... هاي الموضوع علشان رشاقتكم الحلوة ما تصير في خطر ...

خلينا نخش في الموضوع طوالي :

يا عزيزاتي انا الأسبوع اللي فات عزمتني صديقتي ( و أنا طرت من الفرحة لأن الصيف طير كل الحبايب من حولي و من حويللي <<<< الأصمعي دخل !!! و هذه الصديقة كان ضايلها اسبوع و تسافر فعزمتني )

لكنها الآن سافرت الله يرجعها بالسلامة . فأنا الآن رجعت لحزني ووحدتي . صح انتو بنات المنتدى هنا لكن عذرا انا اذا ما شميع ريحة القهوة العربية و التمر ما بعترف بحدا .

المهم كان معنا في اللمة الحلوة صديقتين لصديقتي العزيزة ...

و الموضوع يدور الآن حول صديقتنا الجديدة و الرشيقة أمل ( اسم مستعار ) المهم لفت انتباهي رشاقتها و نحفها الجميل يعني مافي بطن ابدا و نحف جميل ( طيب إيش الجديد في الموضوع ) ان ابنها الكبير عمره 20 سنة

الكل يقول ماشاء الله ... تكلمنا في مواضيع التغذية و الرجيم فسألتها أنا و الصديقة الرابعة التي دخلت معنا عن سر محافظتها على رشاقتها رغم سنها

اخذت تتكلم و تضع يدها في حقيبتها و اخرجت صورتين لها من القرن الماضي . قصدي من ذكريات الماضي بالنسبة لها قالت هذه صورتي قبل ما أنحف .

طبعا الصيحات تعالت ( مش معقول ... ايش هاد .... ماشاء الله .... كيف صرتي هيك )
قصدنا حاليا كيف صارت بهذه الرشاقة ... كانت ناصحة بدينة حتى وجهها ممتلئ و محمر

الأن اترك الحديث على لسانها الحلو :

إيه عزيزتي أنا ما عملت من هالرجيمات ولا شي و لا رحت دكتورة و لا تعبت حالي ( الأخت سورية )

أنا قررت انحف فبلشت سلطة بس آكل سلطة افطر سلطة و اتغدى سلطة و اتعشى سلطة نحفت في تلات (3) شهور تلاتين كيلو (30) ولا صابني فئر دم ( فقر دم ) ولا شي لأن السلطة ما بها شي كل شي فيها .

مرة دخت و رحت الدكتور آلي لا ما تخافي مدام مادامك بتاكلي سلطة ما في خوف من فقر الدم ... المهم انا أول عشرين يوم ما نحفت ولا كيلو بس ارتخيت .... ؟؟؟؟

فأنا يافا ما فهمت ( ايش يعني ارتخت ) و تذكرت مذيعين الجزيرة و تدخلاتهم المباشرة و أسألتهم الواضحة فسألت مباشرة ( ايش يعني ارتخيتي ما فهمت ؟ )

نرجع للسان اختنا أمل :

إيه أنا بفهمك هلأ يعني انا لما كنت سمينه كان الشحم جامد تأرصيه ( تقرصيه بأصابعك ) ما يكون طري معك فأنا اول عشرين يوم طري الشحم اللي في جسمي و بطني دخل لجوا ( يعني البطن لصف في الظهر ) ما كملت الشهر إلا و أنا نازلة خمسة كيلو , و كملت لحد ما نزلت تلاتين كيلو .

و كنت أمشي كتير . و أنا حركة في البيت كتير ...

هلأ أنا مستحيل آكل بعد الساعة سبعة بالليل لأن جهاز الحرق عندي بكون تعبان تعب مارح يحرأ ولا شي .

و تكمل أختنا أمل كلامها :

جارتي سوت معي رجيم لكن كانت لما تعمل لولادها كبة تاكل من نفسها لئمة ( لقمة ) تعمل محشي تاكل كوساية من نفسها ما نحفت الا 15 كيلو .

و أنا عندي جهاز ساونا بالبيت بحبو و بأعد فيه كتير ( تجلس فيه ) ( اظن ان هذا من اسرار شد البشرة الجميل عندها ماشاء الله ) .

سألتها صديقتي بس سلطة ما بتشبع .

فأجابت أمل :
شوفي اول يوم عملت طشط سلطة و حطيتو في التلاجه كل ما أجوع افتح و آكل . بعدين خلاص ما عاد فيني يعني اول يومين كنت اكل في اليوم عشر صحون سلطة لكن بعدين خلاص ثلات أو أربع صحون ...

كنت احيانا اعمل تبولة بدل السلطة العادية , و أحيانا اشوي باتنجان ( باذنجان ) بالفرن و اقطعو مع السلطة كتفيير للطعم . و بشرب في اليوم 10 كاسات ماء .....



هذه تجربة هذه الصديقة ذات الإرادة .. و تفتخر و تحتفظ بصورتها في الشنطة علشان عارفة بكل ثقة الأسئلة التي ستوجه لها ... الله يحفظها و يحفظكم ...


ياللا كل واحدة تروح تتصور بس مش ذنبي لو انسرقت الشنطة و شفنا على البلوتوثات بعد كم يوم بعض الصور الجميلة لكم واحدة دبدوبة .


بالتوفيق للجميع ... سامحوني لا أستطيع مراجعة و تصحيح الموضوع سوف اضيفه كما هو .. صححو من عندكم .

الله يعطيكي العافيه

والله انا اقرا الموضوع واضحك شويه واقرا شويه

الله يعطينا قوتها وارداتها ماشاءالله تبارك الله

ويسلمووووووو

والله انك عسول عنجد
حلوه هي صورة الدبدوبات بالبلوتوثات يعني فزاعات قصدك
وشو هاد جمع تانيث كمان
عجبتني هالطريقه كل اليوم سلطه الى سوق الخضار
خالي مره عملها نحف كتير بس وجهه انعدم انا راح جرب وانا باخد حديد وفيتامين بطبيعتي
وممكن في حالة الجوع نضيف صدر دجاج بس سؤال يعني مالازم اشرب حليب والفواكه وين ؟؟؟انا بالنسبه لجسمي اظن بنحف مع الفواكه والحليب وصدر الدجاح

شوقتينا لننحف ونصير مثل ها الاخت الله يعيناويوفقنا جميعا
نشكرك على كتابة الموضوع لعلى يكون دافع لينا حتى ما نياس ونكمل اللي بداناه
ونصبح رشيقات

ما شاء الله عليكي اسلوب في السرد بيجنن ويشوق الواحد يقرا الموضوع للاخر
ابشرك اختي اذا فكرتي بيوم من الايام انك تكتبي قصص انا حاكون من اول قراءك

شجعني الموضوع كتير والله يوفقنا

مشكورة والله يعطيك العافية .

يعطيكي العافيه بحس اني اتشجعت اكتر لمن قريت الحكايه جزاكي الله خير

يا هلا خواتي و هلا بكل اللي مروا على الموضوع ...


نسيت احكيلكم شيء مهم في اختنا أمل ...

منطقة الحوض عندها اصبحت نحيفه رغم انها هي و أخواتها لا ينحفون من هذه المنطقة حتى لو سووا رجيم

سألوا طبيب حيث افادهم بأن الرجيم الذي لا يدخل فيه منتجات الألبان ينحف منطقة الحوض . فمنتجات الألبان تتزكز في العادة في منطفة البطن و الحوض كدهون .

و شيء آخر سألتها عن سر ( عدم وجود كرش أبدا ) يعني الست اللي بتنجب أولاد إلا مايكون عندها كرشة خفيفة ...

جاوبتني اجابة سمعتها من معظم النساء اللواتي لاحظت عليهن عدم وجود كرش :

( تعودي دائما تبلعي بطنك ، يعني تكوني شادة معدتك للداخل بدون مبالغة ، و عودي بناتك من صغرهم على هذه العادة ،
سوف يشد البطن دائما ، و هذه العملية تقلل كمية الأكل اللتي ممكن نتناولها خاصة في الجمعات التي يكثر فيها الأكل . و كلنا عارفين جمعان النساء و المقبلات مما لذ وطاب )

بالتوفيق للجميع .

يعطيكي العافيه...شجعني الموضوع كتير والله يوفقنا...حلوه هي صورة الدبدوبات بالبلوتوثات...بس الاخت دينة خلتها احلى بالفزاعات... تسلموا

ما شاء الله يارب نخس زيها وانا حامشي اعلق صورتي وانا سمينة على ظهري
هههههههههههههههههههههههههه